Мажыра

Мажыра
Marsh cinquefoil, Comarum palustre
Ғылыми топтастыруы
Дүниесі: Өсімдіктер Бөлімі: Гүлді өсімдіктер Табы: Қос жарнақтылар (unranked) Core eudicots Сабы: Rosales Тұқымдасы: Rosaceae Тегі: Comarum L.

Мажыра (Comarum) — раушангүлділер тұқымдасына жататын көп жылдық шөптесін өсімдіктер, кейде бұта түрінде де кездеседі. Республикада Батыс Қазақстан, Ақтөбе, Қостанай, Солтүстік Қазақстан, Алматы облыстарының батпақты, шалғынды жерлерінде өзен-көл жағалауларында өсетін 2 түрі бар. Жиі кездесетіні — батпақ Мажырасы (C. рalustre).

• Биіктігі 30 — 100 см, ұзын, төсемелі тамырлы.
• Қызғылт түсті, қатты сабағы, қауырсын тәрізді жапырағы бар.
• Қарақошқыл түсті гүлдері қалқанша гүлшоғырына топталған.
• Маусым — шілде айларында гүлдеп, тамызда жеміс салады.
• Жемісі — дән.
• Мажыраның құрамында органикалық қышқылдар, С витамині, каротин, илік заттар, флавоноидтар кездеседі.
• Емдік мақсатқа Мажыраның жазда жиналған шөбі мен күзде алынатын сабағын, тамырын пайдаланады.
• Медицинада Мажырамен қанды тоқтатады, оның, сондай-ақ, қабынулардан сақтайтын қасиеті бар.
• Шөбін жаралар мен ісіктерге басады.
• Жүн, мақта матасын бояуға да қолданылады.

Дереккөздер

• Қазақ энциклопедиясы