Олимпиада чемпионы (олимпионик) — төрт жылда өтетін аламан спорт турнирінің (Олимпиада ойындарының) жеңімпазы екендігін анықтайтын спорттық титул. Олимпиада чемпионы атағы қайтып алынбайды. Аталған атақтан басқа спортшы сонымен бірге олимпиада медалін (алтын медалін) иеленеді.
Олимпиада чемпионы атағы спортшылар үшін ең маңызды спорттық мәртебе болып саналады. Алайда ерлер арасындағы футбол жарысы бойынша Әлем чемпионаты Олимпиада ойындарынан жоғары бағаланады. Олимпиада ойындарының ең атақты чемпионы американдық Майкл Фелпс, ол 18 мәрте олимпиада чемпионы және 22 мәрте олимпиада ойындарының жүлдегері атанды.