Триплет

ТРИПЛЕТТЕР (лат. trіplus – үштік) –

1. физикада: атомдар мен молекулалардың спектрлерінде байқалатын спектрлік сызықтар (көбіне үш еселі) тобы. Атомдар спектрлеріндегі Триплеттер триплеттік термдер деңгейлерінің арасындағы кванттық ауысулар кезінде пайда болады. Триплеттер сондай-ақ сілтілік-жер элементтерінің атомдық спектрлерінде, қарапайым Зееман эффектісінде байқалады;
2. биологияда:

• белгілі бір ретпен тізбектеліп орналасқан, үш азотты негіздерден тұратын және амин қышқылын көшіріп жазатын (кодтайтын) геннің құрамдық бөлшегі;
• ақуыз синтезі кезінде амин қышқылдарының кезегін анықтайтын үш нуклеотидтен тұратын топ.^[1]

Сілтеме

1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том