វិទ្យាល័យព្រះស៊ីសុវត្ថិ
| វិទ្យាល័យព្រះស៊ីសុវត្ថិ Lycée Sisowath | |
|---|---|
| |
| អាសយដ្ឋាន | |
| មហាវិថីព្រះនរោត្ដម 12210 រាជធានីភ្នំពេញ,  ប្រទេសកម្ពុជា
| |
| Information | |
| School type | គ្រឹះស្ថានសាធារណៈ |
| Established | 1933 (as a lycée) |
| Founded | 1873 |
| Founder | Mr. Francois Fontaine |
| Principal | មូល ស៊ុយហេង |
| Teaching staff | more than 300 teaching staffs |
| Campus | ១០ ខ្នង |
| Campus size | 4 hectares (9.9 acres) |
| Website | [១] |
វិទ្យាល័យព្រះស៊ីសុវត្ថិ ជាវិទ្យាលយ័មួយនៅក្នុងចំកណ្តាលបេះដូងរាជធានីភ្នំពេញ, ព្រះរាជាណាចក្រកម្ពុជា។ អនុវិទ្យាល័យនេះត្រូវបានគេបង្កើតនៅឆ្នាំ ១៨៧៣ ហើយនៅឆ្នាំ ១៩៣៣ ប្រែទៅជាវិទ្យាល័យរហូតមកដល់សព្វថ្ងៃនេះ។
ប្រវត្តិ
[កែប្រែ]ក្រោមការផ្តួចផ្តើមរបស់លោកហ្រ្វង់ស្វ័រហ្វុងតែន សាលាទំនើបដំបូងគេត្រួវបានបង្កើតនៅឆ្នាំ១៨៧៣។ សាលានេះជាសាលាបារាំងសេសEcole du Protectorat (សាលារាជការអាណាព្យាបាល)នៅរាជធានីភ្នំពេញ។ សាលានេះត្រូវបានគេប្តូរឈ្មោះទៅជាCollège du Protectoratអនុវិទ្យាល័យរាជការអាណាព្យាបាល)នៅឆ្នាំ១៨៩៣ បន្ទាប់មកCollège Sisowath អនុវិទ្យាល័យស៊ីសុវត្ថិនៅឆ្នាំ១៩០៥។ អនុវិទ្យាលយ័នេះសម្រាប់បំពាក់បំប៉នចំណេះដឹងសិស្សដើម្បីបម្រើការនៅក្នុងស្ថាប័នរាជការអាណានិគមនិយមបារាំងសេសផ្នែកយុត្តិធម៌និងផ្នែករដ្ឋបាល។
នៅឆ្នាំ១៩៣៣ អនុវិទ្យាល័យស៊ីសុវត្ថិបានប្រែក្លាយទៅជាវិទ្យាល័យព្រះស៊ីសុវត្ថិ។ សិស្សានុសិស្សជាតិកម្ពុជាបានបញ្ចប់ការសិក្សាលើកដំបូងនៅវិទ្យាល័យនេះនៅក្នុងឆ្នាំ១៩៣៩។ មានតែសិស្សចំនួន១៤៤ប៉ុណ្ណោះដែលបានបញ្ចប់សញ្ញបត្រទុតិយភូមិនៅឆ្នាំ១៩៥៤។ ក្រសួងអប់រំកាលណោះបានព្យាយាមបញ្ចូលការប្រើប្រាស់ភាសាខ្មែរនៅគ្រប់ថ្នាក់ដែលកាលនោះ វិទ្យាល័យព្រះស៊ីសុវត្ថិបានចាប់ផ្តើមនៅកំឡុងឆ្នាំ១៩៦៧។
នៅជំនាន់សាធារណរដ្ឋខែ្មរវិទ្យាល័យនេះត្រូវបានគេប្តូរឈ្មោះ២ដង ៖ លើកទី១ វិទ្យាល័យ៩តុលា នៅឆ្នាំ១៩៧០ បន្ទាប់មកនៅក្រោយថ្ងៃប្រកាសសាធារណរដ្ឋខ្មែរ ក៏ប្តូរឈ្មោះទៅជា វិទ្យាល័យ ភ្នំដូនពេញ នៅក្នុងឆ្នាំ១៩៧៤។ ក្រោមរបបកម្ពុជាប្រជាធិបតេយ្យ វិទ្យាល័យនេះបានប្រែក្លាយជាសាលាអង្គលីលេខ។ បុគ្គលិកសិក្សា គ្រូបង្រៀន សិស្សត្រូវបានបណ្តេញចេញហើ់យជំលៀសទៅតាមសហករណ៍ជនបទផ្សេងៗហើយមួយចំនួនត្រូវបានសម្លាប់។
ក្រោយថ្ងៃ៧មករា រដ្ឋាភិបាលសាធារណរដ្ឋប្រជាមានិតកម្ពុជា បានបើកសាលានេះឡើងវិញ។ វិទ្យាល័យនេះបានបើកជាផ្លូវការនៅថ្ងែទី២១មករាឆ្នាំ១៩៨០ហើយបន្តរក្សាឈ្មោះរហូតដល់ឆ្នាំ ១៩៩៣ទើបក្រសួងអប់រំស្នើឲ្យប្តូរទៅឈ្មោះដើមវិញដើម្បីរក្សាកេរតំណែលប្រវត្តិសាស្រ្ត។
ទីតាំងនិងហេដ្ឋារចនាសម្ព័ន្ធ
[កែប្រែ]វិទ្យាល័យព្រះស៊ីសុវត្ថិមានទំហំ៤ហិចតា ខាងលិចទល់វិថីប៉ាស្ទ័រ(ផ្លូវ៥១) ខាងជើងទល់វិថីមគ្គមង្គលសុវណ្ណ(ផ្លូវ១៧៨) ខាងត្បូងទល់វិថី កែវ ជា(ផ្លូវ១៨៤) និងខាងកើតទល់មហាវិថីព្រះនរោត្តម។ វិទ្យាល័យនេះមានអាគារសិក្សា១០ខ្នង អាគាររោងជាង១ អាហារដ្ឋាន២ តារាងបាល់ធំ១ តារាងបាល់បោះ១ តារាងបាល់ទះ២ តារាងបោះប៊ូល១ និងអាគារទីចាត់ការ១ ដែលមានសោភណភាពបែបឥទ្ធិពលបារាំងសេស។
អតីតសិស្សសំខាន់ៗ
[កែប្រែ]- អៀងសារី [១]
- អៀង ធារិទ្ធ (ឈ្មោះកំណើត ខៀវ ធីរិទ្ធ)
- ខៀវ ប៉ុណ្ណារី [២]
- ង្វៀង ធីវិញ
- នរោត្តម មុនីនាថសីហនុ
- នរោត្តម យុវនាថ
- ប៉ុល ពត
- វណ្ណ ម៉ូលីវណ្ណ
- ហង់ ជួន ណារ៉ុន
- រាជ សម្បត្តិ
- រីម គីន
ឯកសារយោង
[កែប្រែ]- ↑ Phann Ana and Kevin Doyle (2002-10-05). "Retired Ideals". The Cambodia Daily. http://www.camnet.com.kh/cambodia.daily/selected_features/retired_ideal.htm.
- ↑ Becker, Elizabeth (2003-07-03). "Khieu Ponnary, 83, First Wife Of Pol Pot, Cambodian Despot". The New York Times. http://query.nytimes.com/gst/fullpage.html?res=9C05E4DA103AF930A35754C0A9659C8B63. "She attended the elite Lycee Sisowath in Phnom Penh where in 1940 she became the first Cambodian woman to earn a baccalaureate degree."
តំណភ្ជាប់ខាងក្រៅ
[កែប្រែ]- Lycée Sisowath Alumni and Friends of Lycée Sisowath Archived 2008-04-30 at the វេយប៊ែខ ម៉ាស៊ីន.
 |
អត្ថបទទាក់ទងនឹងសាលារៀននេះគឺជាអត្ថបទខ្លីមិនពេញលេញ។ លោកអ្នកអាចជួយវីគីភីឌាដោយសរសេរពង្រីកបន្ថែម។ |