This article possibly contains original research. (November 2009) |
ವಲಸೆ ಮತ್ತು ಪೌರತ್ವ ಕಾಯ್ದೆ ಸೆಕ್ಷನ್ 101(a)(15)(H)ಅನ್ವಯ H-1B ವೀಸಾ ವಲಸೆರಹಿತರ ಅಮೆರಿಕ ಸಂಯುಕ್ತ ಸಂಸ್ಥಾನದ ವೀಸಾ ಆಗಿದೆ. ಇದು U.S. ಉದ್ಯಮ ಮಾಲೀಕರಿಗೆ ತಾತ್ಕಾಲಿಕವಾಗಿ ವಿಶೇಷ ಕೌಶಲದ ವೃತ್ತಿಗಳಲ್ಲಿ ವಿದೇಶಿ ನೌಕರರನ್ನು ನೇಮಿಸಿಕೊಳ್ಳಲು ಅವಕಾಶ ನೀಡುತ್ತದೆ. H-1Bಸ್ಥಾನಮಾನದಲ್ಲಿರುವ ವಿದೇಶಿ ನೌಕರನು ತನ್ನ ಉದ್ಯೋಗವನ್ನು ತೊರೆದರೆ ಅಥವಾ ಪ್ರಾಯೋಜಿತ ಮಾಲೀಕನಿಂದ ವಜಾಗೊಂಡರೆ, ನೌಕರನು ಮತ್ತೊಂದು ವಲಸೆರಹಿತ ಸ್ಥಾನಮಾನಕ್ಕೆ ಬದಲಾವಣೆ ಮಾಡಿಕೊಳ್ಳಲು ಅರ್ಜಿ ಸಲ್ಲಿಸಿ, ಸ್ಥಾನಮಾನದ ಬದಲಾವಣೆಯನ್ನು ಪಡೆಯಬೇಕು, ಮತ್ತೊಬ್ಬರು ಮಾಲೀಕರನ್ನು ಹುಡುಕಿಕೊಳ್ಳಬೇಕು(ಸ್ಥಾನಮಾನದ ಹೊಂದಾಣಿಕೆ ಹಾಗು/ಅಥವಾ ವೀಸಾ ಬದಲಾವಣೆ ಅರ್ಜಿಗೆ ಒಳಪಟ್ಟಿರಬೇಕು) ಅಥವಾ ಅಮೆರಿಕ ಸಂಯುಕ್ತ ಸಂಸ್ಥಾನವನ್ನು ತೊರೆಯಬೇಕು. "ವಿಶೇಷ ಕೌಶಲದ ಉದ್ಯೋಗವನ್ನು", ಮಾನವನ ಉದ್ಯಮ ಕ್ಷೇತ್ರದಲ್ಲಿ ಅತ್ಯಂತ ವಿಶೇಷ ಜ್ಞಾನದ ಸೈದ್ಧಾಂತಿಕ ಹಾಗು ಪ್ರಾಯೋಗಿಕ ಬಳಕೆಯ ಅಗತ್ಯವೆಂದು ನಿಬಂಧನೆಗಳು ವ್ಯಾಖ್ಯಾನಿಸುತ್ತವೆ,[೧] ಈ ಕ್ಷೇತ್ರಗಳಲ್ಲಿ ವಾಸ್ತುಶಾಸ್ತ್ರ, ಇಂಜಿನಿಯರಿಂಗ್, ಗಣಿತಶಾಸ್ತ್ರ, ಭೌತ ವಿಜ್ಞಾನಗಳು, ಸಾಮಾಜಿಕ ವಿಜ್ಞಾನಗಳು, ಜೈವಿಕ ತಂತ್ರಜ್ಞಾನ, ಔಷಧಶಾಸ್ತ್ರ ಹಾಗು ಆರೋಗ್ಯಶಾಸ್ತ್ರ, ಶಿಕ್ಷಣ, ಕಾನೂನು, ಕರಣಿಕಶಾಸ್ತ್ರ, ವ್ಯಾಪಾರದ ಬಗೆಗಿನ ಹೆಚ್ಚಿನ ಅಧ್ಯಯನಗಳು, ತಾತ್ತ್ವಿಕ ಸಿದ್ಧಾಂತ, ಹಾಗು ಕಲೆಗಳು ಸೇರಿರುತ್ತವಾದರೂ ಇವಿಷ್ಟಕ್ಕೆ ಸೀಮಿತವಾಗಿರುವುದಿಲ್ಲ, ಜೊತೆಗೆ ಪದವಿ ಅಥವಾ ಪದವಿಗೆ ಸಮಾನವಾದ ಕನಿಷ್ಠ ವಿದ್ಯಾಭ್ಯಾಸದ ಅಗತ್ಯವಿರುತ್ತದೆ[೨](ಇದಕ್ಕೆ ಫ್ಯಾಶನ್ ಲೋಕದ ರೂಪದರ್ಶಿಗಳು ಹೊರತಾಗಿರುತ್ತಾರೆ, ಇವರು "ವಿಶಿಷ್ಟವಾದ ಅರ್ಹತೆ ಹಾಗು ಸಾಮರ್ಥ್ಯವನ್ನು" ಹೊಂದಿರಬೇಕಾಗುತ್ತದೆ.)[೩] ಇದಲ್ಲದೆ, ವಿದೇಶಿ ನೌಕರನು ಕಡೆ ಪಕ್ಷ ಬ್ಯಾಚುಲರ್ಸ್ ಪದವಿ ಅಥವಾ ಪದವಿ ಸಮಾನಾಂತರ ಶಿಕ್ಷಣವನ್ನು ಪಡೆದಿರುವುದರ ಜೊತೆಗೆ, ಆ ಕ್ಷೇತ್ರದಲ್ಲಿ ತನ್ನ ವೃತ್ತಿಯನ್ನು ನಡೆಸಬೇಕಾದರೆ ಸರ್ಕಾರದಿಂದ ಪರವಾನಗಿಯನ್ನು ಪಡೆದಿರಬೇಕು. H-1B ಉದ್ಯೋಗ-ಪ್ರಮಾಣೀಕರಣವನ್ನು, ಪ್ರಾಯೋಜಿತ ಮಾಲೀಕನಿಂದ ಕೇವಲ ಉದ್ಯೋಗಕ್ಕಷ್ಟೇ ಸೀಮಿತಗೊಳಿಸಿರಲಾಗುತ್ತದೆ.
ತಂಗುವ ಕಾಲಾವಧಿಯು ಮೂರು ವರ್ಷಗಳಾಗಿರುತ್ತದೆ, ಇದನ್ನು ಆರು ವರ್ಷಗಳಿಗೆ ವಿಸ್ತರಣೆ ಮಾಡಲು ಸಾಧ್ಯ. ಈ ಕೆಳಕಂಡ ಕೆಲವೊಂದು ಸಂದರ್ಭಗಳಲ್ಲಿ ಗರಿಷ್ಠ ತಂಗುವ ಕಾಲಾವಧಿಗೆ ವಿನಾಯಿತಿ ಅನ್ವಯಿಸುತ್ತದೆ:
ತಂಗುವ ಕಾಲಾವಧಿಯು ಸೀಮಿತವಾಗಿದ್ದರೂ ಸಹ, ವೀಸಾ ಮೂಲತಃ ನೀಡಲಾದಂತಹ ಯಾವುದೇ ಅವಧಿಗೆ ವ್ಯಕ್ತಿಯು ನೌಕರಿಯಲ್ಲಿ ಉಳಿಯಬೇಕೆಂಬ ಅಗತ್ಯವೇನೂ ಇರುವುದಿಲ್ಲ. ಇದನ್ನು H1B ಪೋರ್ಟಬಿಲಿಟಿ(ಸಾಗಿಸಬಹುದಾದ) ಅಥವಾ ವರ್ಗಾವಣೆ ಎಂದು ಕರೆಯಲಾಗುತ್ತದೆ, ಇದಕ್ಕೆ ಹೊಸ ಮಾಲೀಕನು ಮತ್ತೊಂದು H1B ವೀಸಾ ಪ್ರಾಯೋಜಿಸಬೇಕು, ಇದು ಕೋಟಾಗೆ ಒಳಪಟ್ಟಿರಬಹುದು ಅಥವಾ ಪಡದಿರಬಹುದು. ಪ್ರಸಕ್ತ ಕಾನೂನಿನ ಪ್ರಕಾರ,ಮಾಲೀಕ-ನೌಕರನ ಸಂಬಂಧವು ಕೊನೆಗೊಂಡರೆ, H1B ವೀಸಾ, ನಿಗದಿಪಡಿಸಿದ ಯಾವುದೇ ಹೆಚ್ಚುವರಿ ಅವಧಿಯನ್ನು ಒಳಗೊಂಡಿರುವುದಿಲ್ಲ.
ಪ್ರತಿ ವಿತ್ತೀಯ ವರ್ಷ (ಫಿಸ್ಕಲ್ ಇಯರ್(FY)) 65,000 ವಿದೇಶಿಯರಿಗೆ ವೀಸಾ ನೀಡಬಹುದೆಂದು ಅಥವಾ H-1B ಸ್ಥಾನಮಾನವನ್ನು ನೀಡಬಹುದೆಂದು ಪ್ರಸಕ್ತ ಕಾನೂನು ಸೀಮಿತಗೊಳಿಸಿದೆ. ಇದರ ಜೊತೆಯಲ್ಲಿ, ಈ ಗರಿಷ್ಠ ಮಿತಿಯಿಂದ ಹೊರಗುಳಿದವರೆಂದರೆ ವಿಶ್ವವಿದ್ಯಾನಿಲಯಗಳು ಹಾಗು ಲಾಭಾಪೇಕ್ಷೆಯಿಲ್ಲದ ಸಂಶೋಧನಾ ಸೌಲಭ್ಯಗಳಲ್ಲಿ ಕಾರ್ಯ ನಿರ್ವಹಿಸುವ(ಆದರೆ ಅತ್ಯವಶ್ಯಕವಲ್ಲ) ಎಲ್ಲ H-1B ವಲಸಿಗರಹಿತರು.[೪] ಇದರರ್ಥ, ಗುತ್ತಿಗೆಯ ಆಧಾರದ ಮೇಲೆ ಕಾರ್ಯನಿರ್ವಹಿಸುತ್ತಿದ್ದು, ನೇರವಾಗಿ ಸಂಸ್ಥೆಯಲ್ಲಿ ಕೆಲಸಮಾಡದವರು ಈ ಗರಿಷ್ಠ ಮಿತಿಯಿಂದ ಹೊರಗುಳಿಯುತ್ತಾರೆ. ಮುಕ್ತ ವ್ಯಾಪಾರ ಒಪ್ಪಂದಗಳು, ಚಿಲಿ ಪ್ರಜೆಗಳಿಗೆ 1,400 ಹಾಗು ಸಿಂಗಾಪುರದ ಪ್ರಜೆಗಳಿಗೆ 5,400 ರಷ್ಟು ಸಾಂಖ್ಯಿಕ ಮಿತಿಗೆ ವೀಸಾ ನೀಡಲು ಅವಕಾಶ ನೀಡುತ್ತವೆ. U.S. ವಿಶ್ವವಿದ್ಯಾನಿಲಯದಿಂದ ಸ್ನಾತಕೋತ್ತರ ಅಥವಾ ಉನ್ನತ ಪದವಿಯನ್ನು ಪಡೆದ 20,000ದಷ್ಟು ವಿದೇಶಿ ವಿದ್ಯಾರ್ಥಿಗಳಿಗೆ H-1B ವೀಸಾಗಳ ಗರಿಷ್ಠ ಮಿತಿಯಿಂದ ವಿನಾಯಿತಿಯನ್ನೂ ಸಹ ಕಾನೂನು ನೀಡುತ್ತದೆ. ಗರಿಷ್ಠ ಮಿತಿಯಲ್ಲಿ ವಾರ್ಷಿಕವಾಗಿ ತಾತ್ಕಾಲಿಕ ಹೆಚ್ಚುವರಿ ಮಾಡಿದ್ದರೂ ಸಹ, ವೀಸಾಗಳ ಲಭ್ಯತೆಯಲ್ಲಿ ವಾರ್ಷಿಕ ಕೊರತೆಯು 2000ನೇ ಇಸವಿಯ ಮಧ್ಯಭಾಗದಿಂದ ಆರಂಭಗೊಂಡಿತು.[೫] ಈ ಸಂಖ್ಯೆಯನ್ನು FY2001, FY2002 ಹಾಗು FY2003ರಲ್ಲಿ 195,000ರಷ್ಟಕ್ಕೆ ಹೆಚ್ಚಿಸಲಾಗಿತ್ತು. ಡಿಪಾರ್ಟ್ಮೆಂಟ್ ಆಫ್ ಹೋಂಲ್ಯಾಂಡ್ ಸೆಕ್ಯೂರಿಟಿಯು 2004ರಲ್ಲಿ ಸುಮಾರು 132,000 H-1B ವೀಸಾಗಳನ್ನು ಹಾಗು 2005ರಲ್ಲಿ 117,000 ವೀಸಾಗಳಿಗೆ ಅಂಗೀಕಾರ ನೀಡಿತು.[೬] H-1B ನೌಕರನಿಗೆ ಮೊದಲ ಸಲದ ವೀಸಾ ನೀಡಿಕೆಗೆ ಮಾಲೀಕನು ಏಪ್ರಿಲ್ 2, 2007ರ ಪ್ರಥಮ ದಿನ ಕೋರಿಕೆ ಸಲ್ಲಿಸಬಹುದಿತ್ತು, ಇದು ಅಕ್ಟೋಬರ್ 1, 2007ರಿಂದ ಜಾರಿಗೆ ಬಂದಿತು. ಏಪ್ರಿಲ್ 3, 2007ರಲ್ಲಿ, ಅಮೆರಿಕ ಪೌರತ್ವ ಮತ್ತು ವಲಸೆ ಸೇವೆಗಳು, 65,000ದ ಗರಿಷ್ಠ ಮಿತಿಗಿಂತ ಅಧಿಕ ಅರ್ಜಿಗಳನ್ನು ಏಪ್ರಿಲ್ 2ರಂದು ಸ್ವೀಕರಿಸಲಾಯಿತೆಂದು ಪ್ರಕಟಿಸಿತು. ಏಜೆನ್ಸಿ ನಿಯಮದ ಪ್ರಕಾರ, ಮೊದಲ ದಿನ ಸಲ್ಲಿಸಲಾದ ಅರ್ಜಿಗಳು ಪರಿಮಿತಿಯನ್ನು ಮೀರಿದ್ದರೆ, ಮೊದಲ ಎರಡು ದಿನಗಳಲ್ಲಿ ಸ್ವೀಕರಿಸಲಾದ ಎಲ್ಲ ಅರ್ಜಿಗಳನ್ನು ಲಾಟರಿ ಮೂಲಕ ಎತ್ತಿ, ಲಭ್ಯವಿರುವ ವೀಸಾಗಳ ಮಂಜೂರಾತಿಯನ್ನು ನಿರ್ಧರಿಸಲಾಯಿತು. 2008ರಲ್ಲಿ, 2009ರ US ವಿತ್ತೀಯ ವರ್ಷಕ್ಕೆ H-1B ವೀಸಾ ಕೋಟಾದಲ್ಲಿ ಅರ್ಜಿ ಸಲ್ಲಿಸುವ ಪ್ರಕ್ರಿಯೆಯು ಒಂದು ವಾರಗಳ ಕಾಲ ಹಿಡಿಯಿತು. 2008ರಲ್ಲಿ, ಒಟ್ಟಾರೆ 276,252 ವೀಸಾಗಳನ್ನು ನೀಡಲಾಯಿತು ಹಾಗು 2009ರಲ್ಲಿ ಈ ಸಂಖ್ಯೆಯು 214,271 ಕ್ಕೆ ಸ್ವಲ್ಪ ಮಟ್ಟಿಗೆ ಕುಸಿಯಿತು.[೭] ಅಮೆರಿಕನ್ ಇಮ್ಮಿಗ್ರೇಶನ್ ಲಾಯರ್ಸ್ ಅಸೋಸಿಯೇಶನ್ (AILA), ಈ ಪರಿಸ್ಥಿತಿಯನ್ನು ಬಿಕ್ಕಟ್ಟು ಎಂದು ವಿವರಿಸುತ್ತದೆ, ಹಾಗು ಈ ಪರಿಸ್ಥಿತಿಯನ್ನು ವಾಲ್ ಸ್ಟ್ರೀಟ್ ಜರ್ನಲ್, ಬಿಸ್ನೆಸ್ ವೀಕ್ ಹಾಗು ವಾಶಿಂಗ್ಟನ್ ಪೋಸ್ಟ್ ನಲ್ಲಿ ವರದಿ ಮಾಡಲಾಯಿತು. ಮಾಲೀಕರು, ತಮ್ಮ ಸಿಬ್ಬಂದಿ ಅಗತ್ಯಗಳನ್ನು ಯೋಜಿಸಲು ಸಾಧ್ಯವಾಗುತ್ತಿಲ್ಲವೆಂದು ಕಳವಳ ವ್ಯಕ್ತಪಡಿಸಿ, ಕಾಂಗ್ರೆಸ್ನ ಮೇಲೆ ತಮ್ಮ ಒತ್ತಡವನ್ನು ಹೇರಿದರು.[೮] ಮೈಕ್ರೋಸಾಫ್ಟ್ ಅಧ್ಯಕ್ಷ ಬಿಲ್ ಗೇಟ್ಸ್, 2007ರಲ್ಲಿ, ಕ್ಯಾಪಿಟಲ್ ಹಿಲ್ ನಲ್ಲಿ ವಿಸ್ತರಿತ ವೀಸಾ ಕಾರ್ಯಕ್ರಮದ ಪರವಾಗಿ ಸಾಕ್ಷ್ಯ ನುಡಿಯುತ್ತಾರೆ, "ಖಾಲಿ ಹುದ್ದೆಗಳನ್ನು ತುಂಬಲು ಕುಶಲ ಕೆಲಸಗಾರರನ್ನು ಆಮದು ಮಾಡಿಕೊಳ್ಳದಿದ್ದರೆ, [U. S.ಆರ್ಥಿಕತೆ] ಅಪಾಯವನ್ನು ಎದುರಿಸಬೇಕಾಗುತ್ತದೆ"[೮] ಕೊರತೆಯನ್ನು ತುಂಬಲು ಕಾಂಗ್ರೆಸ್ ಮಸೂದೆಯನ್ನು ಮಂಡಿಸಲು ಯೋಜಿಸಿತು,[೯] ಆದರೆ ಅಂತಿಮವಾಗಿ ಕಾರ್ಯಕ್ರಮವು ಪರಿಷ್ಕರಣೆಗೆ ಒಳಪಡಲಿಲ್ಲ.[೧೦] ಕಾರ್ಯಕ್ರಮವು ಯಾವುದೇ ಪರಿಷ್ಕರಣೆಗೆ ಒಳಪಡದಿದ್ದರೂ ಸಹ, ಮಸೂದೆಯು ಅಂಗೀಕಾರಗೊಂಡಿತು.
U.S.ನ ಡಿಪಾರ್ಟ್ಮೆಂಟ್ ಆಫ್ ಲೇಬರ್(DOL)(ಕಾರ್ಮಿಕ ಇಲಾಖೆ) ವಿದೇಶಿ ನೌಕರರು U.S.ನೌಕರರ ಹುದ್ದೆ ತಪ್ಪಿಸುವುದಾಗಲಿ ಅಥವಾ ಅವರ ವೇತನದ ಮೇಲೆ ಅಥವಾ ಕೆಲಸದ ಸ್ಥಿತಿಗತಿಗಳ ಮೇಲೆ ಪರಿಣಾಮ ಬೀರುವುದಿಲ್ಲವೆಂಬುದನ್ನು ಖಾತ್ರಿಪಡಿಸುವ ಜವಾಬ್ದಾರಿ ಹೊಂದಿರುತ್ತದೆ. H-1B ವೀಸಾ ಅನುಮೋದನೆಗೆ ಅನುಸಾರವಾಗಿ ಮಾಲೀಕನು H-1B ವಲಸೆ ರಹಿತರನ್ನು ನೇಮಕ ಮಾಡುವುದಕ್ಕೆ ಮುಂಚಿತವಾಗಿ ಆ ಸ್ಥಾನದ ಬಗ್ಗೆ ಜಾಹೀರಾತು ನೀಡುವ ಅಗತ್ಯವಿರುವುದಿಲ್ಲ, LCA(ಲೇಬರ್ ಕಂಡೀಶನ್ ಅಪ್ಲಿಕೇಶನ್) ಬಗ್ಗೆ ನೌಕರನ ಪ್ರತಿನಿಧಿಗೆ ಮಾಲೀಕನು ತಿಳಿಯಪಡಿಸುವ ಅಗತ್ಯವಿರುತ್ತದೆ ಅಥವಾ ಆ ರೀತಿಯಾದ ಯಾವುದೇ ಪ್ರಾತಿನಿಧ್ಯವಿಲ್ಲದಾಗ ಮಾಲೀಕನು LCAಯನ್ನು ಕೆಲಸ ಮಾಡುವ ಸ್ಥಳ ಹಾಗು ಮಾಲೀಕನ ಕಚೇರಿಯಲ್ಲಿ ಪ್ರಕಟಿಸುವ ಅಗತ್ಯವಿರುತ್ತದೆ.[೧೧][೧೨] ಮಾಲೀಕರು ನೀಡಲು ಪ್ರಸ್ತಾಪಿಸಿದ ವೇತನಗಳು ಕನಿಷ್ಠ ಅದೇ ರೀತಿ ಅನುಭವ ಹಾಗು ವಿದ್ಯಾಭ್ಯಾಸವನ್ನು ಹೊಂದಿರುವ ಇತರ ನೌಕರರಿಗೆ ನೀಡುವಷ್ಟೇ ವಾಸ್ತವ ವೇತನಕ್ಕೆ ಸಮಾನವಾಗಿದೆ ಎಂದು ದೃಢೀಕರಿಸಬೇಕು ಅಥವಾ ಪರ್ಯಾಯವಾಗಿ, ಉದ್ದೇಶಿತ ಉದ್ಯೋಗದ ಸ್ಥಳದಲ್ಲಿ ಚಾಲ್ತಿಯಲ್ಲಿರುವ ವೇತನವನ್ನು ಯಾವುದು ಹೆಚ್ಚೋ ಅದನ್ನು ನೀಡಬೇಕು. LCAಗೆ ಸಹಿ ಹಾಕಿ, ಮಾಲೀಕ ಈ ಕೆಳಕಂಡ ದೃಢೀಕರಣವನ್ನು ನೀಡುತ್ತಾರೆ: ವೃತ್ತಿಕ್ಷೇತ್ರದಲ್ಲಿ ನೀಡಲಾಗುವಂತಹ ಚಾಲ್ತಿಯಲ್ಲಿರುವ ವೇತನದ ಪ್ರಮಾಣವನ್ನು ನೀಡಲಾಗುತ್ತದೆ; ಇದೆ ರೀತಿ ಈ ಸ್ಥಾನದ ದುಡಿಮೆಯ ಪರಿಸ್ಥಿತಿಗಳು ಕೆಲಸ ಮಾಡುವ ಅಮೆರಿಕನ್ನರ ದುಡಿಮೆಯ ಪರಿಸ್ಥಿತಿಗಳ ಮೇಲೆ ಪ್ರತಿಕೂಲ ಪರಿಣಾಮ ಉಂಟಾಗುವುದಿಲ್ಲ; ಮುಷ್ಕರ ಅಥವಾ ಬೀಗಮುದ್ರೆಯಂತಹ ಕಾರ್ಮಿಕ ವಿವಾದಗಳನ್ನು ಅನುಭವಿಸದ ಕೆಲಸದ ಸ್ಥಳ;[೧೧][೧೨] ಜೊತೆಗೆ ಇದೆ ರೀತಿಯಾದ ಕೆಲಸವನ್ನು ಮಾಡುವ ಇತರ ನೌಕರರಿಗೆ ನೀಡಲಾಗುವಂತಹ ಸವಲತ್ತುಗಳನ್ನು ವಿದೇಶಿ ನೌಕರನಿಗೂ ನೀಡಲಾಗುವುದು.[೧೩] ಕಾನೂನಿನ ಪ್ರಕಾರ H-1B ನೌಕರರಿಗೆ, ಅದೇ ಉದ್ಯೋಗ ಹಾಗು ಭೌಗೋಳಿಕ ಪ್ರದೇಶದಲ್ಲಿರುವ ಚಾಲ್ತಿ ವೇತನಕ್ಕಿಂತ ಹೆಚ್ಚಿನ ವೇತನವನ್ನು ನೀಡಬೇಕು ಅಥವಾ ಅದೇ ರೀತಿ ಸ್ಥಾಪಿತರಾದ ನೌಕರರಿಗೆ ಮಾಲೀಕರು ನೀಡುವ ವೇತನಕ್ಕೆ ಸಮಾನವಾಗಿರಬೇಕು. ಚಾಲ್ತಿಯಲ್ಲಿರುವ ವೇತನಕ್ಕೆ ವಯಸ್ಸು ಹಾಗು ಕೌಶಲದಂತಹ ಇತರ ಅಂಶಗಳನ್ನು ಗಣನೆಗೆ ತೆಗೆದುಕೊಳ್ಳಲು ಅನುಮತಿ ನೀಡಲಾಗುವುದಿಲ್ಲ. ಕಾಂಗ್ರೆಸ್ 2004ರಲ್ಲಿ ಕಾರ್ಯಕ್ರಮವನ್ನು ಬದಲಾವಣೆ ಮಾಡಿತು, ಇದರಂತೆ ಕಾರ್ಮಿಕ ಇಲಾಖೆಯು, ಮಾಲೀಕರ ಬಳಕೆಗೆ ನಾಲ್ಕು ಕೌಶಲ-ಆಧಾರಿತ ಚಾಲ್ತಿ ವೇತನದ ಮಟ್ಟಗಳನ್ನು ಒದಗಿಸುವುದು ಅಗತ್ಯವಾಯಿತು. ಇದು ಕಾನೂನು ಅವಕಾಶ ಮಾಡಿಕೊಡುವ ಚಾಲ್ತಿಯಲ್ಲಿರುವ ವೇತನದ ಏಕೈಕ ಕಾರ್ಯವಿಧಾನವಾಗಿದ್ದು, ಉದ್ಯೋಗ ಹಾಗು ಸ್ಥಳವನ್ನು ಹೊರತುಪಡಿಸಿ ಇತರ ಅಂಶಗಳನ್ನು ಇದು ಒಳಗೊಂಡಿರುತ್ತದೆ. ಈ ಅರ್ಜಿಗಳ ಅಂಗೀಕಾರ ಪ್ರಕ್ರಿಯೆಯು ಮಾಲೀಕನು ನೀಡಿದ ದೃಢೀಕರಣಗಳು ಹಾಗು ಸಲ್ಲಿಸಲಾದ ದಾಖಲೆಯ ಸಾಕ್ಷ್ಯವನ್ನು ಆಧರಿಸಿರುತ್ತದೆ. ಮಾಲೀಕರಿಗೆ, ಅವರು US ನೌಕರನನ್ನು ಬದಲಾವಣೆ ಮಾಡಬೇಕಾದರೆ ಅವರ ಹೊಣೆಗಾರಿಕೆಯ ಬಗ್ಗೆ ಸಲಹೆ ನೀಡಲಾಗುತ್ತದೆ.
2007ರಲ್ಲಿ, U.S.ನ ಕಾರ್ಮಿಕ ಇಲಾಖೆ, ಉದ್ಯೋಗ ಮತ್ತು ತರಬೇತಿ ಆಡಳಿತ(ETA), ಎರಡು ಕಾರ್ಯಕ್ರಮಗಳ ಬಗ್ಗೆ ವರದಿ ಮಾಡಿತು, ಹೈ ಗ್ರೋಥ್ ಟ್ರೈನಿಂಗ್ ಇನಿಶಿಯೇಟಿವ್ ಮತ್ತು ವರ್ಕ್ ಫೋರ್ಸ್ ಇನೋವೇಷನ್ ರೀಜನಲ್ ಇಕನಾಮಿಕ್ ಡೆವಲಪ್ಮೆಂಟ್(WIRED), ಇದು ಕ್ರಮವಾಗಿ 284 ದಶಲಕ್ಷ ಡಾಲರ್ ಹಾಗು 260 ದಶಲಕ್ಷ ಡಾಲರ್ ಹಣವನ್ನು, U.S. ನೌಕರರಿಗೆ ಶಿಕ್ಷಣ ನೀಡಿ ಅವರಿಗೆ ತರಬೇತಿ ನೀಡಲು H-1B ತರಬೇತಿ ಶುಲ್ಕವೆಂದು ಈಗಾಗಲೇ ಸ್ವೀಕರಿಸಿದೆ ಅಥವಾ ಸ್ವೀಕರಿಸುತ್ತದೆ[ಸೂಕ್ತ ಉಲ್ಲೇಖನ ಬೇಕು].
H-1B ನೌಕರರಿಗೆ ಆದಾಯ ತೆರಿಗೆ ಸಂದಾಯವು, ತೆರಿಗೆ ಪಾವತಿ ಉದ್ದೇಶಗಳಿಗಾಗಿ ಅನಿವಾಸಿ ವಿದೇಶಿಯರು ಅಥವಾ ನಿವಾಸಿ ವಿದೇಶಿಯರು ಎಂಬ ವರ್ಗೀಕರಣವನ್ನು ಆಧರಿಸಿರುತ್ತದೆ. ಒಬ್ಬ ಅನಿವಾಸಿ ವಿದೇಶಿಯನಿಗೆ ಅಮೆರಿಕ ಸಂಯುಕ್ತ ಸಂಸ್ಥಾನದ ಆದಾಯದ ಮೇಲೆ ಮಾತ್ರ ತೆರಿಗೆಯನ್ನು ಹೇರಲಾಗುತ್ತದೆ, ಆದರೆ ನಿವಾಸಿಯಾಗಿರುವ ವಿದೇಶೀಯ ತೆರಿಗೆ ಉದ್ದೇಶಗಳಿಗಾಗಿ ಅಮೆರಿಕದ ಒಳಗೂ ಹಾಗು ಹೊರಗೂ ಎರಡೂ ರೀತಿಯ ಆದಾಯಗಳಿಗೆ ತೆರಿಗೆಯನ್ನು ಪಾವತಿಸಬೇಕಾಗುತ್ತದೆ. ವರ್ಗೀಕರಣವನ್ನು "ಗಣನೀಯ ಉಪಸ್ಥಿತಿ ಪರೀಕ್ಷೆಯನ್ನು" ಆಧರಿಸಿ ನಿರ್ಧರಿಸಲಾಗುತ್ತದೆ: ಗಣನೀಯ ಉಪಸ್ಥಿತಿ ಪರೀಕ್ಷೆಯು H-1B ವೀಸಾ ಧಾರಕ ಒಬ್ಬ ನಿವಾಸಿಯೆಂದು ಸೂಚಿಸಿದರೆ, U.S.ನ ಇತರ ವ್ಯಕ್ತಿಗಳಂತೆ ಆದಾಯ ತೆರಿಗೆಯನ್ನು ಪಾವತಿಸಬೇಕಾಗುತ್ತದೆ ಹಾಗು ಫಾರ್ಮ್ 1040 ಹಾಗು ಅಗತ್ಯ ವಿವರಗಳನ್ನು ಬಳಸಿಕೊಂಡು ಅರ್ಜಿ ಸಲ್ಲಿಸಲಾಗುತ್ತದೆ; ಇಲ್ಲದಿದ್ದರೆ, ವೀಸಾ ಧಾರಕರು ಫಾರ್ಮ್ 1040NR ಅಥವಾ 1040NR-EZನ್ನು ಬಳಸಿಕೊಂಡು ತಾನೊಬ್ಬ ಅನಿವಾಸಿ ವಿದೇಶೀಯನೆಂದು ಅರ್ಜಿ ಸಲ್ಲಿಸಬೇಕು; ಆತ ಅಥವಾ ಆಕೆ ತೆರಿಗೆ ಕರಾರುಗಳಿಂದ ಪ್ರಯೋಜನವನ್ನು ಪಡೆಯಬೇಕಾದರೆ, ತೆರಿಗೆ ಕರಾರುಗಳು ಅಮೆರಿಕ ಸಂಯುಕ್ತ ಸಂಸ್ಥಾನ ಹಾಗು ವೀಸಾ ಧಾರಕರ ಪೌರತ್ವ ರಾಷ್ಟ್ರಗಳ ನಡುವೆ ಅಸ್ತಿತ್ವದಲ್ಲಿರಬೇಕು. ಅಮೆರಿಕ ಸಂಯುಕ್ತ ಸಂಸ್ಥಾನಕ್ಕೆ ಬಂದ ಮೊದಲ ವರ್ಷದಲ್ಲಿ ವ್ಯಕ್ತಿಗಳು, ಸಂಪೂರ್ಣ ವರ್ಷದ ತೆರಿಗೆ ಉದ್ದೇಶಗಳಿಗಾಗಿ ಒಬ್ಬ ನಿವಾಸಿಯೆಂದು ಪರಿಗಣಿತವಾಗಲು ಆಯ್ಕೆ ಮಾಡಿಕೊಳ್ಳಬಹುದು, ಜೊತೆಗೆ ವಿಶ್ವವ್ಯಾಪಿಯಾಗಿ ಆ ವರ್ಷದ ತಮ್ಮ ಆದಾಯಕ್ಕೆ ತೆರಿಗೆಯನ್ನು ಪಾವತಿಸಬೇಕು. ಈ "ಮೊದಲ ವರ್ಷದ ಆಯ್ಕೆ"ಯನ್ನು IRS ಪ್ರಕಟಣೆ 519ನಲ್ಲಿ ವಿವರಿಸಲಾಗಿದೆ ಜೊತೆಗೆ ಇದನ್ನು ವ್ಯಕ್ತಿ ಜೀವಿತಾವಧಿಯಲ್ಲಿ ಒಂದೇ ಬಾರಿ ಮಾತ್ರ ಮಾಡಲು ಸಾಧ್ಯ. ವೀಸಾ ಸ್ಥಾನಮಾನವನ್ನು ಪರಿಗಣಿಸದೆ ಪತಿ/ಪತ್ನಿಯು, H-1B ವೀಸಾ ಧಾರಕರ ಜೊತೆಯಲ್ಲಿ ಜಂಟಿಯಾಗಿ ತೆರಿಗೆ ವಿವರದಲ್ಲಿ ಒಳಗೊಂಡಿರಲು ಕ್ರಮಬದ್ಧ ವೈಯಕ್ತಿಕ ತೆರಿಗೆದಾರ ಗುರುತು ಸಂಖ್ಯೆ(ITIN) ಅಥವಾ ಸಾಮಾಜಿಕ ಭದ್ರತಾ ಸಂಖ್ಯೆ(SSN)ಯನ್ನು ಹೊಂದಿರಬೇಕು. ವೈಯಕ್ತಿಕ ಪರಿಸ್ಥಿತಿಯನ್ನು ಆಧರಿಸಿ, H-1B ವೀಸಾ ಪಡೆದವರಿಗೆ ತೆರಿಗೆ ಪಾವತಿ ನಿಯಮಗಳು ಜಟಿಲವಾಗಿರಬಹುದು. ವಿದೇಶಿಯರಿಗಾಗಿ ರೂಪಿಸಲಾದ ನಿಯಮಗಳ ಬಗ್ಗೆ ಜ್ಞಾನವನ್ನು ಹೊಂದಿರುವ ಒಬ್ಬ ವೃತ್ತಿಪರ ತೆರಿಗೆ ತಯಾರಕನನ್ನು ಸಲಹೆ ಕೇಳುವುದರ ಜೊತೆಯಲ್ಲಿ, IRS ಪಬ್ಲಿಕೇಶನ್ 519, U.S. ಟ್ಯಾಕ್ಸ್ ಗೈಡ್ ಫಾರ್ ಎಲಿಯನ್ಸ್ ನ್ನು ಸಹ ಪರಾಮರ್ಶಿಸಬಹುದು.
USCIS ಪ್ರಕಾರ, "H-1B ವಿದೇಶಿಯರು, ಕೇವಲ ಅರ್ಜಿ ಸಲ್ಲಿಸಿದ U.S ಮಾಲೀಕರ ಪರವಾಗಿ ಮಾತ್ರ ಕೆಲಸ ಮಾಡಬಹುದು ಹಾಗು ಅರ್ಜಿಯಲ್ಲಿ ವಿವರಿಸಲಾದ H-1B ಚಟುವಟಿಕೆಗಳಲ್ಲಿ ಮಾತ್ರ ಭಾಗಿಯಾಗಬಹುದು. ಅರ್ಜಿ ಸಲ್ಲಿಸಿದ U.S. ಮಾಲೀಕನು, ಎಲ್ಲ ಅನ್ವಯಿಸುವ ನಿಯಮಗಳನ್ನು ಅನುಸರಿಸಿದಲ್ಲಿ, H-1B ನೌಕರನನ್ನು ಮತ್ತೊಬ್ಬ ಮಾಲೀಕನಲ್ಲಿ ಉದ್ಯೋಗಕ್ಕೆ ಸೇರಿಸಬಹುದು(ಉದಾಹರಣೆಗೆ, ಕಾರ್ಮಿಕ ಇಲಾಖೆ ನಿಯಮಗಳು). H-1B ವಿದೇಶಿಯರು, ಒಬ್ಬರಿಗಿಂತ ಹೆಚ್ಚು U.S. ಮಾಲೀಕರಲ್ಲಿ ಕೆಲಸ ಮಾಡಬಹುದು, ಆದರೆ ಪ್ರತಿ ಮಾಲೀಕನಿಂದಲೂ ಫಾರ್ಮ್ I-129 ಮನವಿಗೆ ಅಂಗೀಕಾರವನ್ನು ಪಡೆದಿರಬೇಕು." [೧೪] H-1B ವೀಸಾ ಪಡೆದವರು ಆರೋಗ್ಯ ವಿಮೆ ಹಾಗು ಸಾಮಾಜಿಕ ಭದ್ರತಾ ತೆರಿಗೆಗಳನ್ನು ಪಾವತಿಸಬೇಕು, ಜೊತೆಗೆ ಸಾಮಾಜಿಕ ಭದ್ರತಾ ಸವಲತ್ತುಗಳಿಗೆ ಇವರು ಅರ್ಹರಾಗಿರುತ್ತಾರೆ. ಇವರು ರಾಜ್ಯ ಹಾಗು ಫೆಡರಲ್ ತೆರಿಗೆಗಳನ್ನೂ ಸಹ ಪಾವತಿಸುತ್ತಾರೆ.
ಸೈದ್ಧಾಂತಿಕವಾಗಿ, H-1B ವೀಸಾಕ್ಕಿರುವ ಗರಿಷ್ಠ ಕಾಲಾವಧಿ ಆರು ವರ್ಷಗಳು(ರಕ್ಷಣಾ ಇಲಾಖೆಯ ಯೋಜನಾ-ಸಂಬಂಧಿ ಕಾರ್ಯಕ್ಕೆ ಹತ್ತು ವರ್ಷಗಳ ವಿನಾಯಿತಿ ಇರುತ್ತದೆ). H-1B ವೀಸಾ ಪಡೆದವರು, ಆರು ವರ್ಷಗಳ ನಂತರವೂ U.S.ನಲ್ಲಿ ತಮ್ಮ ಕೆಲಸವನ್ನು ಮುಂದುವರೆಸಲು ಬಯಸಿ, ಕಾಯಂ ನಿವಾಸ ಸ್ಥಾನಮಾನವನ್ನು ಪಡೆದುಕೊಳ್ಳದವರು, ಮತ್ತೊಂದು H-1B ವೀಸಾಕ್ಕೆ ಮರುಅರ್ಜಿ ಸಲ್ಲಿಸುವ ಮೊದಲು ಒಂದು ವರ್ಷಗಳ ಕಾಲ U.S.ನ ಹೊರಗುಳಿಯಬೇಕಾಗುತ್ತದೆ. H-1B ವೀಸಾದ ಆರು ವರ್ಷ ಕಾಲಾವಧಿಗೆ ಸಾಧಾರಣವಾಗಿ ಎರಡು ವಿನಾಯಿತಿಗಳು ಇರುತ್ತವೆ.
H-1B ವೀಸಾ ಒಂದು ವಲಸೆ-ರಹಿತ ವೀಸಾ ಆಗಿದ್ದರೂ ಸಹ, ಉಭಯ ಉದ್ದೇಶ ಕ್ಕಾಗಿ ಎಂದು ಗುರುತಿಸಲಾದ ಕೆಲವೇ ಕೆಲವು ವೀಸಾ ವರ್ಗೀಕರಣದಲ್ಲಿ ಒಂದೆನಿಸಿದೆ, ಇದರರ್ಥ ಒಂದು H-1B ವೀಸಾ ಪಡೆದವರು, ಇನ್ನೂ ವೀಸಾವನ್ನು ಹೊಂದಿದ್ದರೂ ಸಹ ಕಾನೂನುಸಮ್ಮತ ವಲಸೆಗಾರಿಕೆ ಉದ್ದೇಶವನ್ನು ಹೊಂದಬಹುದು(ಗ್ರೀನ್ ಕಾರ್ಡ್ ಗೆ ಅರ್ಜಿ ಸಲ್ಲಿಸುವುದು ಹಾಗು ಅದನ್ನು ಪಡೆಯುವುದು). ಹಿಂದೆ ಉದ್ಯೋಗ ಆಧಾರಿತ ಗ್ರೀನ್ ಕಾರ್ಡ್ ಪ್ರಕ್ರಿಯೆಗೆ ಸ್ವತಃ H-1B ವೀಸಾದ ಕಾಲಾವಧಿಗಿಂತ ಕೆಲವೇ ವರ್ಷಗಳು ಹಿಡಿಯುತ್ತಿತ್ತು. ಆದಾಗ್ಯೂ, ಇತ್ತೀಚಿನ ದಿನಗಳಲ್ಲಿ ಕಾನೂನುಸಮ್ಮತವಾಗಿ ಉದ್ಯೋಗ-ಆಧಾರಿತ ವಲಸೆಗಾರಿಕೆ ಪ್ರಕ್ರಿಯೆಯು ಹಿಂದೆ ಉಳಿದಿದೆ ಹಾಗು ಎಷ್ಟರ ಮಟ್ಟಿಗೆ ಹಿಂದೆ ಬಿದ್ದಿದೆಯೆಂದರೆ, ತಮ್ಮ ಗ್ರೀನ್ ಕಾರ್ಡ್ ನ್ನು ಪಡೆಯಲು ಕೆಲವು ರಾಷ್ಟ್ರಗಳ ನುರಿತ ವೃತ್ತಿಪರರಿಗೆ ಹಲವು ವರ್ಷಗಳೇ ಹಿಡಿಯುತ್ತಿದೆ. H1B ವೀಸಾದ ಕಾಲಾವಧಿಯು ಬದಲಾಗದ ಕಾರಣ, ತಮ್ಮ ವೀಸಾಗಳನ್ನು ಒಂದು ವರ್ಷಕ್ಕೆ ಅಥವಾ ಮೂರು ವರ್ಷಗಳ ಏರಿಕೆಗಳ ಮೂಲಕ ಇನ್ನೂ ಹೆಚ್ಚು H-1B ವೀಸಾ ಧಾರಕರು ನವೀಕರಿಸಬೇಕಾಗುತ್ತದೆಂದು ಇದರ ಅರ್ಥ. ತಮ್ಮ ಗ್ರೀನ್ ಕಾರ್ಡ್ ಗೆ ಸಲ್ಲಿಸಿದ ಅರ್ಜಿಯು ಪ್ರಕ್ರಿಯೆಯಲ್ಲಿರುವಾಗ ಕಾನೂನುಸಮ್ಮತ ಸ್ಥಾನಮಾನ ಮುಂದುವರಿಯಲು ಇದು ಅಗತ್ಯವಾಗಿದೆ.
ಅಮೆರಿಕ ಸಂಯುಕ್ತ ಸಂಸ್ಥಾನದಲ್ಲಿ ಪ್ರತಿ ವರ್ಷ ನೀಡಲಾಗುವಂತಹ ಹೊಸ H-1B ವೀಸಾಗಳ ಸಂಖ್ಯೆಯು ಕಾಂಗ್ರೆಸ್ಸಿನಿಂದ-ಆದೇಶಿಸಲ್ಪಟ್ಟ ವಾರ್ಷಿಕ ಕೋಟಾಗೆ ಒಳಪಟ್ಟಿರುತ್ತದೆ. ಪ್ರತಿ H-1B ಕೋಟಾ, ಅಕ್ಟೋಬರ್ 1ರಂದು ಆರಂಭವಾಗುವ ನಿರ್ದಿಷ್ಟ ಹಣಕಾಸಿನ ವರ್ಷಕ್ಕೆ ಅನ್ವಯವಾಗುತ್ತದೆ. ಬರುವ ಹಣಕಾಸಿನ ವರ್ಷದಲ್ಲಿ ಸಲ್ಲಿಕೆಯಾಗುವ ಅರ್ಜಿಗಳನ್ನು ಏಪ್ರಿಲ್ 1ರಿಂದಲೇ ಮುಂಚಿತವಾಗಿ ಸ್ವೀಕರಿಸಲಾಗುತ್ತದೆ(ಅಥವಾ ಆ ದಿನದ ನಂತರದ ಮೊದಲ ಕೆಲಸದ ದಿನ). ವಾರ್ಷಿಕ ಕೋಟಾಕ್ಕೆ ಒಳಪಡದ ಫಲಾನುಭವಿಗಳೆಂದರೆ, ಆ ಅವಧಿಯಲ್ಲಿ H-1B ಸ್ಥಾನಮಾನವನ್ನು ಹೊಂದಿರುವವರು ಅಥವಾ ಹಿಂದಿನ ಆರು ವರ್ಷಗಳಿಂದ ಯಾವುದೋ ಹಂತದಲ್ಲಿ H-1B ಸ್ಥಾನಮಾನವನ್ನು ಹೊಂದಿರುವವರು. ಈ ವಾರ್ಷಿಕ ಕೋಟಾ ಹೈಟೆಕ್ ಉದ್ಯಮದ ಮೇಲೆ ಮಹತ್ವದ ಪರಿಣಾಮವನ್ನು ಬೀರಿತು. ಇದು ಸಾಧಾರಣವಾಗಿ ಪ್ರತಿ ವರ್ಷ 65,000 ವೀಸಾಗಳ ವಿತರಣೆಗೆ ಗೊತ್ತುಮಾಡಲಾಗಿದೆ. ಜೊತೆಗೆ ವಿಶ್ವವಿದ್ಯಾನಿಲಯಗಳು ಹಾಗು ಕಾಲೇಜಿನಂತಹ ಶೈಕ್ಷಣಿಕ ಸಂಸ್ಥೆಗಳಲ್ಲಿ ಕೆಲಸ ಮಾಡುವ ನೌಕರರಿಗೆ ಕೆಲವು ವಿನಾಯಿತಿಯನ್ನು ನೀಡಲಾಗುತ್ತದೆ(ಗಮನಿಸಿ: ಜನಪ್ರಿಯ ನಂಬಿಕೆಗೆ ವಿರುದ್ಧವಾಗಿ, ಲಾಭಾಪೇಕ್ಷೆಯಿಲ್ಲದ ಸಂಸ್ಥೆಗಳು ಸ್ವಯಂ ವಿನಾಯಿತಿಯನ್ನು ಪಡೆಯುವುದಿಲ್ಲ, ಆದರೆ ಯಾವುದೇ ಒಂದು ವಿಶ್ವವಿದ್ಯಾಲಯ ಅಥವಾ ಕಾಲೇಜಿನೊಂದಿಗೆ ಸಂಯೋಜನೆ ಹೊಂದಿದ್ದರೆ ವಿನಾಯಿತಿ ನೀಡಲಾಗುತ್ತದೆ.).[ಸೂಕ್ತ ಉಲ್ಲೇಖನ ಬೇಕು] 2000ದಲ್ಲಿ, ಕಾಂಗ್ರೆಸ್, ವಿಶ್ವವಿದ್ಯಾನಿಲಯಗಳು ಹಾಗು ಸರ್ಕಾರಿ ಸಂಶೋಧನಾ ಪ್ರಯೋಗಾಲಯಗಳಿಗೆ ಕೋಟಾದ ಅನ್ವಯ ನೀಡಲಾಗುವ H-1B ವೀಸಾಗಳಿಂದ ಶಾಶ್ವತವಾದ ವಿನಾಯಿತಿಯನ್ನು ನೀಡಿತು. 1990ರ ಆರಂಭದಲ್ಲಿ ಕೋಟಾ ನೀಡಿಕೆಯ ಆರಂಭಿಕ ವರ್ಷಗಳಲ್ಲಿ, ಈ ಕೋಟಾ ವಾಸ್ತವವಾಗಿ ಅಪರೂಪಕ್ಕೆ ತಲುಪುತ್ತಿತ್ತು. ಆದಾಗ್ಯೂ, 1990ರ ಮಧ್ಯಭಾಗದ ಹೊತ್ತಿಗೆ, ಮೊದಲು ಬಂದವರಿಗೆ ಆದ್ಯತೆ ನೀಡಿ ಕೋಟಾದ ಅಡಿಯಲ್ಲಿ ಪ್ರತಿ ವರ್ಷ ವೀಸಾ ನೀಡಲಾಗುತ್ತಿತ್ತು, ಇದು, ವಾರ್ಷಿಕವಾಗಿ ನೀಡಲಾಗುತ್ತಿದ್ದ ವೀಸಾ ಕೋಟಾವು ಈಗಾಗಲೇ ಭರ್ತಿಯಾಗಿದ್ದ ಕಾರಣ ಹೊಸ H-1B ವೀಸಾಗಳಿಗಾಗಿ ಅರ್ಜಿಯು ಸಾಮಾನ್ಯವಾಗಿ ತಿರಸ್ಕೃತ ಅಥವಾ ವಿಳಂಬದ ಫಲಿತಾಂಶ ನೀಡುತ್ತಿತ್ತು. 1998ರಲ್ಲಿ ಕೋಟಾದ ಸಂಖ್ಯೆಯನ್ನು 115,000ಕ್ಕೆ ಏರಿಕೆ ಮಾಡಿ, ನಂತರ 2000ದ ಇಸವಿಯಿಂದ ಪ್ರತಿ ವರ್ಷ 195,000 ವೀಸಾಗಳಿಗೆ ಏರಿಕೆ ಮಾಡಲಾಯಿತು. ವೀಸಾ ನೀಡಿಕೆಯು 195,000ಕ್ಕೆ ಏರಿಕೆಯಾದ ವರ್ಷಗಳಲ್ಲಿ, ಈ ಗುರಿಯನ್ನು ಮುಟ್ಟಲು ಸಾಧ್ಯವಾಗಲಿಲ್ಲ.[ಸೂಕ್ತ ಉಲ್ಲೇಖನ ಬೇಕು] FY 2004ರಲ್ಲಿ, ಕಾಂಗ್ರೆಸ್ 1999ರಲ್ಲಿ ಅಂಗೀಕಾರ ನೀಡಿದ ತಾತ್ಕಾಲಿಕ ಹೆಚ್ಚಳದ ಅವಧಿಯು ಮುಕ್ತಾಯಗೊಂಡಾಗ ಕೋಟಾ 90,000ಕ್ಕೆ ಇಳಿಕೆಯಾಯಿತು. ಅಲ್ಲಿಂದೀಚೆಗೆ, ಪ್ರತಿ ವರ್ಷ ಕೋಟಾದ ಭರ್ತಿಯು ವೇಗವಾಗಿ ನಡೆಯುತ್ತಿದೆ, ಇದರಿಂದ ಮತ್ತೆ H-1B ವೀಸಾಗಳನ್ನು ಪಡೆಯಲು ಕಷ್ಟಸಾಧ್ಯವಾಗುತ್ತಿದೆ. ತೀರ ಇತ್ತೀಚಿಗೆ, ಮೂಲ ಕೋಟಾ ಸಂಖ್ಯೆಯು 65,000ದಷ್ಟೇ ಇತ್ತು, ಆದರೆ U.S.ನ ಉನ್ನತ ಪದವಿಗಳನ್ನು ಪಡೆದ ವಿದೇಶಿ ನೌಕರರಿಗೆ ಹೆಚ್ಚುವರಿ 20,000 ವೀಸಾಗಳು ದೊರಕುವಂತೆ ಮಾಡಲಾಯಿತು. ಒಟ್ಟಾರೆ 65,೦೦೦ ವೀಸಾಗಳ ಪೈಕಿ, 6,800 ವೀಸಾಗಳನ್ನು ಚಿಲಿ ಹಾಗು ಸಿಂಗಪುರದ ಪ್ರಜೆಗಳಿಗೆ ಆ ರಾಷ್ಟ್ರಗಳ ನಡುವಿನ ಮುಕ್ತ ವ್ಯಾಪಾರ ಒಪ್ಪಂದಗಳಡಿಯಲ್ಲಿ ಮೀಸಲಿರಿಸಲಾಗುತ್ತಿತ್ತು; ಆದಾಗ್ಯೂ, ಒಪ್ಪಂದಗಳಡಿಯಲ್ಲಿ ಈ ಮೀಸಲು ವೀಸಾಗಳನ್ನು ಬಳಸಿಕೊಳ್ಳದಿದ್ದರೆ, ಅವರು ಸಾಮಾನ್ಯ ಗುಂಪಿನಲ್ಲಿ ವೀಸಾ ಪಡೆಯಬಹುದಿತ್ತು. 65,000 ವೀಸಾ ಕೋಟಾದ ಆಚೆಗೂ, ಮತ್ತೆ 10,500ರಷ್ಟು ವೀಸಾಗಳು ವಾರ್ಷಿಕವಾಗಿ ಆಸ್ಟ್ರೇಲಿಯನ್ ಪ್ರಜೆಗಳಿಗೆ ಅದೇ ರೀತಿಯಾದ ಆದರೆ ಹೆಚ್ಚು ಹೊಂದಾಣಿಕೆಯ E-3 ವೀಸಾ ಕಾರ್ಯಕ್ರಮದಡಿಯಲ್ಲಿ ಲಭ್ಯವಿದೆ.[ಸೂಕ್ತ ಉಲ್ಲೇಖನ ಬೇಕು] ಅಕ್ಟೋಬರ್ 1ರಿಂದ ಆರಂಭವಾದ FY 2007ರಲ್ಲಿ, ಆ ವರ್ಷಕ್ಕೆ ನೀಡಲಾಗುತ್ತಿದ್ದ ಕೋಟಾದಡಿಯ ವೀಸಾಗಳು ಎರಡು ತಿಂಗಳ ಕಡಿಮೆ ಅವಧಿಯಲ್ಲಿ, ಮೇ 26, 2006ಕ್ಕೆ ಖರ್ಚಾಯಿತು,[೧೬] ಇದು ಹಣಕಾಸಿನ ವರ್ಷದ ಆರಂಭಕ್ಕೆ ಸಾಕಷ್ಟು ಸಮಯ ಮೊದಲೇ ಖರ್ಚಾಯಿತು. ಉನ್ನತ ಪದವಿ ಪಡೆದವರಿಗಾಗಿ ನೀಡಲಾಗುವ ಹೆಚ್ಚುವರಿ 20,000 H-1B ವೀಸಾಗಳು ಜುಲೈ 26ರ ಹೊತ್ತಿಗೆ ಖರ್ಚಾಯಿತು. FY 2008ರಲ್ಲಿ, ಕೋಟಾದಡಿಯ ಸಂಪೂರ್ಣ ವೀಸಾಗಳು ಅರ್ಜಿಯು ಸ್ವೀಕೃತವಾದ ಮೊದಲ ದಿನದಂದೇ, ಏಪ್ರಿಲ್ 2ರಂದು ಖರ್ಚಾಯಿತು.[೧೭] USCIS ನಿಯಮಗಳ ಅಡಿಯಲ್ಲಿ, ಏಪ್ರಿಲ್ 2 ಹಾಗು ಏಪ್ರಿಲ್ 3ರಂದು ಸ್ವೀಕರಿಸಲಾದ ಗರಿಷ್ಠ ಮಿತಿಗೆ ಒಳಪಟ್ಟ 123,480 ಅರ್ಜಿಗಳು ಸಂಗ್ರಹವಾದವು, ಹಾಗು ನಂತರದಲ್ಲಿ ಮತ್ತಷ್ಟು ಯಾದೃಚ್ಚಿಕ ಪ್ರಕ್ರಿಯೆಗಳ ಮೂಲಕ ಅವುಗಳಲ್ಲಿ 65,000 ಅರ್ಜಿಗಳನ್ನು ಆಯ್ಕೆ ಮಾಡಲಾಯಿತು.[೧೮] FY 2008ರಲ್ಲಿ ಉನ್ನತ ಪದವಿಗಳನ್ನು ಪಡೆದವರ ಹೆಚ್ಚುವರಿ 20,000ದಷ್ಟು H-1B ವೀಸಾಗಳು ಏಪ್ರಿಲ್ 30ರಂದು ಬರಿದಾದವು. H-1B ವೀಸಾಗಳ ಮೇಲೆ ತನ್ನ ವಾರ್ಷಿಕ ವರದಿಯನ್ನು ನವೆಂಬರ್ 2006ರಲ್ಲಿ ನೀಡುತ್ತಾ, USCIS, FY 2004ರಲ್ಲಿ 131,000 ಹಾಗು FY 2005ರಲ್ಲಿ 117,000 ವೀಸಾಗಳಿಗೆ ಅಂಗೀಕಾರ ನೀಡಿದ್ದಾಗಿ ಪ್ರಕಟಿಸಿತು.[ಸೂಕ್ತ ಉಲ್ಲೇಖನ ಬೇಕು] ಸಂಖ್ಯೆಯಲ್ಲಿ ಹೆಚ್ಚುವರಿಗೆ ಕಾರಣ, ನೌಕರನು ಒಬ್ಬ ವಿಶ್ವವಿದ್ಯಾನಿಲಯ ಅಥವಾ ಸಂಶೋಧನಾ ಪ್ರಯೋಗಾಲಯದಲ್ಲಿ ಕಾರ್ಯನಿರ್ವಹಿಸುತ್ತಿದ್ದರೆ, H-1B ವೀಸಾಗಳು, ಗರಿಷ್ಠ ಮಿತಿಯಿಂದ ವಿನಾಯಿತಿಯನ್ನು ಪಡೆಯಬಹುದಿತ್ತು. FY 2009ರಲ್ಲಿ, ಏಪ್ರಿಲ್ 8, 2008ರಲ್ಲಿ USCIS, ಆ ವರ್ಷದ ಕೋಟಾದಡಿಯಲ್ಲಿ ಸಂಪೂರ್ಣ ವೀಸಾಗಳನ್ನು ನೀಡಲಾಗಿದೆಯೆಂದು ಪ್ರಕಟಿಸಿತು, ಇದರಲ್ಲಿ ಉನ್ನತ ಪದವಿ ಪಡೆದವರಿಗಾಗಿ ನೀಡಲಾಗುವ 20,000 ವೀಸಾಗಳು ಹಾಗು ಕೋಟಾದ 65,000 ವೀಸಾಗಳು ಸೇರಿವೆ. 2008ರ ಏಪ್ರಿಲ್ 1 ರಿಂದ ಏಪ್ರಿಲ್ 7, ನಡುವೆ ಸ್ವೀಕೃತವಾದ ಎಲ್ಲ ಅರ್ಜಿಗಳಿಗೆ, ಲಾಟರಿಯನ್ನು ನಡೆಸುವ ಮುನ್ನ USCIS ಆರಂಭಿಕ ದತ್ತಾಂಶ ದಾಖಲೆಯನ್ನು ಪೂರ್ಣಗೊಳಿಸಿತು.[೧೯] FY 2010ರಲ್ಲಿ, ಡಿಸೆಂಬರ್ 21, 2009ರಂದು, ಆ ವರ್ಷದ ಕೋಟಾಕ್ಕೆ ಸಾಕಾಗುವಷ್ಟು ಅರ್ಜಿಗಳು ಸಲ್ಲಿಕೆಯಾಗಿವೆಯೆಂದು USCIS ಪ್ರಕಟಿಸಿತು.[೨೦] ಪ್ರವೃತ್ತಿ ವಿಶ್ಲೇಷಣೆಯು,[೨೧] ಆರ್ಥಿಕತೆಯು ಸುಧಾರಣೆಯನ್ನು ಕಾಣುತ್ತಿದೆ ಹಾಗು ಆರ್ಥಿಕ ಹಿಂಜರಿತವು ಕಡಿಮೆಯಾಗುತ್ತಿರುವ ಹಿನ್ನೆಲೆಯಲ್ಲಿ FY 2011 ಗರಿಷ್ಠ ಮಿತಿಯು, ಅಕ್ಟೋಬರ್ ಆರಂಭದಿಂದ ನವೆಂಬರ್ನ ಅವಧಿಯೊಳಗೆ ಮುಟ್ಟಬಹುದೆಂದು ಸೂಚಿಸಿತು.
ಇತ್ತೀಚಿನ H-1B ಕಾನೂನಿನ ಪ್ರಕಾರ, H-1B ಅವಲಂಬಿತ ಮಾಲೀಕರು ಎಂದು ಕರೆಯಲಾಗುವ ಕೆಲ ಮಾಲೀಕರು, ಆ ಸ್ಥಾನಗಳಿಗೆ H-1B ನೌಕರರ ನೇಮಕಕ್ಕೆ ಅರ್ಜಿ ಸಲ್ಲಿಸುವ ಮುನ್ನ, USAನಲ್ಲಿ ಆ ಸ್ಥಾನಗಳ ಬಗ್ಗೆ ಜಾಹೀರಾತುಗಳನ್ನು ನೀಡಬೇಕು. [ಸೂಕ್ತ ಉಲ್ಲೇಖನ ಬೇಕು]ಈ ಅಗತ್ಯಗಳು ಒಬ್ಬ ವಿನಾಯಿತಿ ಪಡೆದ H-1B ವಲಸೆರಹಿತರನ್ನು ನೇಮಕ ಮಾಡಿಕೊಳ್ಳುವಾಗ ಅನ್ವಯವಾಗುವುದಿಲ್ಲ 50 ನೌಕರರನ್ನು ಹೊಂದಿರುವ ಸಂಸ್ಥೆಗಳಿಗೆ, ಒಬ್ಬ H-1B ಅವಲಂಬಿತ ಮಾಲೀಕ ರನ್ನು, ತಮ್ಮ ಸಂಸ್ಥೆಯಲ್ಲಿ H-1B ಸ್ಥಾನಮಾನದ 15%ರಷ್ಟು ನೌಕರರನ್ನು ಹೊಂದಿರುವವರೆಂದು ವ್ಯಾಖ್ಯಾನಿಸಲಾಗಿದೆ. ಸಣ್ಣ ಸಂಸ್ಥೆಗಳು, 'ಅವಲಂಬಿತರಾಗುವ' ಮುನ್ನ ಹೆಚ್ಚಿನ ಪ್ರಮಾಣದಲ್ಲಿ H-1B ನೌಕರರನ್ನು ನೇಮಕ ಮಾಡಿಕೊಳ್ಳುವ ಅವಕಾಶವಿರುತ್ತದೆ.
This article's Criticism or Controversy section may compromise the article's neutral point of view of the subject. (November 2009) |
H-1B ಕಾರ್ಯಕ್ರಮವು ಹಲವಾರು ಟೀಕೆಗಳಿಗೆ ಕಾರಣವಾಗಿದೆ.
ಈ ರೀತಿಯಾದ ರೂಢಿಯು ಕಾನೂನಿಗೆ ವಿರುದ್ಧವಾಗಿದ್ದರೂ,[ಸೂಕ್ತ ಉಲ್ಲೇಖನ ಬೇಕು] ಕೆಲವು ಮಾಲೀಕರು H1-B ಅರ್ಜಿ ಪ್ರಕ್ರಿಯೆ ಮತ್ತು ಪ್ರಾಯೋಜತ್ವಕ್ಕೆ ಸಂಬಂಧಿಸಿದ ಶುಲ್ಕದಲ್ಲಿ ಬಹುಮಟ್ಟಿಗೆ ಅಥವಾ ಹೆಚ್ಚುವರಿಯಾಗಿ ತಮ್ಮ H1-B ನೌಕರರು ನೀಡುವಂತೆ ಮಾಡುತ್ತಾರೆಂದು ನಂಬಲಾಗಿದೆ. ಈ ಶುಲ್ಕಗಳು ಸಾಮಾನ್ಯವಾಗಿ ಬಾಂಡ್ ಅಥವಾ ಇತರ ದಸ್ತಾವೇಜುಗಳ ರೂಪದಲ್ಲಿರುತ್ತದೆ, ಇವುಗಳು ಕಾನೂನುಬದ್ಧ ಪರ್ಯಾಯ ವಿಧಾನವಾಗಿ ಅಗತ್ಯಗಳನ್ನು ಪೂರೈಸುವ ಪ್ರಯತ್ನವಾಗಿದೆ.
ನೋಬಲ್ ಪ್ರಶಸ್ತಿ ವಿಜೇತ ಅರ್ಥಶಾಸ್ತ್ರಜ್ಞ ಮಿಲ್ಟನ್ ಫ್ರೈಡ್ಮನ್ ಈ ಕಾರ್ಯಕ್ರಮವನ್ನು, 2002ರ ಲೇಖನ ಕಂಪ್ಯೂಟರ್ ವರ್ಲ್ಡ್ ನಲ್ಲಿ ಉಲ್ಲೇಖಿಸಿರುವಂತೆ ಕಾರ್ಪೊರೇಟ್ ಸಬ್ಸಿಡಿ(ಸಹಾಯಧನ)ಯೆಂದು ಕರೆಯುತ್ತಾರೆ.[೨೨] ಆದಾಗ್ಯೂ, ಮಿ. ಫ್ರೈಡ್ಮನ್ ರ ನಿಧನದಿಂದಾಗಿ ಈ ಉಲ್ಲೇಖದ ನಿಖರತೆಯನ್ನು ಖಚಿತವಾಗಿ ಹೇಳಲಾಗುವುದಿಲ್ಲ. ಈ ಅಭಿಪ್ರಾಯವನ್ನು ಬೆಂಬಲಿಸಿದ ಇತರರಲ್ಲಿ ಡಾ.ನಾರ್ಮನ್ ಮಟ್ಲೋಫ್ಫ್ ಒಬ್ಬರು, ಇವರು H-1B ವಿಷಯದ ಮೇಲೆ U.S. ಹೌಸ್ ಜುಡಿಷರಿ ಕಮಿಟಿ ಸಬ್ ಕಮಿಟಿಗೆ ಸಾಕ್ಷ್ಯ ನುಡಿದಿದ್ದರು. ಯೂನಿವರ್ಸಿಟಿ ಆಫ್ ಮಿಚಿಗನ್ ಜರ್ನಲ್ ಆಫ್ ಲಾ ರಿಫಾರ್ಮ್ ನಲ್ಲಿ ಪ್ರಕಟವಾದ ಮಟ್ಲೋಫ್ಫ್ ರ ಪ್ರಬಂಧದಲ್ಲಿ ಅವರು, ಅಮೆರಿಕನ್ ಕಂಪ್ಯೂಟರ್ ಸಂಬಂಧಿ ಕೆಲಸಗಳಿಗೆ ಅರ್ಹರಾದ ಅಮೆರಿಕನ್ ಪ್ರಜೆಗಳಿಗೇನೂ ಕೊರತೆಯಿಲ್ಲ, ಜೊತೆಗೆ ನೌಕರರ ಕೊರತೆ ಉಂಟಾಗಿದ್ದು, H-1B ವೀಸಾ ಬೇಕೆಂದು ಅಮೇರಿಕನ್ ಸಂಸ್ಥೆಗಳು ಸಾಕ್ಷ್ಯವಾಗಿ ನೀಡಿದ ದತ್ತಾಂಶಗಳು ದೋಷಪೂರಿತವೆಂದು ವಾದಿಸಿದರು.[೨೩] ಯುನೈಟೆಡ್ ಸ್ಟೇಟ್ಸ್ ಜನರಲ್ ಅಕೌಂಟಿಂಗ್ ಆಫೀಸ್ 2000ದಲ್ಲಿ, H-1B ಯೋಜನೆಯ ಮೇಲೆ ನಿಯಂತ್ರಣಗಳಲ್ಲಿ ಪರಿಣಾಮಕಾರಿತ್ವದ ಕೊರತೆ ಹೊಂದಿರುವುದನ್ನು ಕಂಡುಕೊಂಡಿತು.[೨೪] GAO ವರದಿಯ ಶಿಫಾರಸುಗಳನ್ನು ತರುವಾಯ ಜಾರಿಗೆ ತರಲಾಯಿತು. ಹೈ-ಟೆಕ್ ಕಂಪನಿಗಳು, H-1B ವೀಸಾಗಳ ಮೇಲೆ ಕೋಟಾದಡಿಯಲ್ಲಿ ನೀಡಲಾಗುವ 65,000 ವಾರ್ಷಿಕ ಗರಿಷ್ಠ ಮಿತಿಯನ್ನು ಹೆಚ್ಚಿಸುವಂತೆ ಕಾಂಗ್ರೆಸ್ಸನ್ನು ಕೇಳುವಾಗ ತಾಂತ್ರಿಕ ನೌಕರರ ಕೊರತೆಯೆಂದು ಸಾಮಾನ್ಯವಾಗಿ ಉಲ್ಲೇಖಿಸುತ್ತವೆ, ಆದರೆ ಜಾನ್ ಮಿಯಾನೋ ಹಾಗು ಸೆಂಟರ್ ಫಾರ್ ಇಮ್ಮಿಗ್ರೇಶನ್ ಸ್ಟಡೀಸ್(ವಲಸೆ ಅಧ್ಯಯನಗಳ ಕೇಂದ್ರ) ನಡೆಸಿದ ಅಧ್ಯಯನದ ಪ್ರಕಾರ, ಈ ಸಮರ್ಥನೆಯನ್ನು ಬೆಂಬಲಿಸುವ ಯಾವುದೇ ಪ್ರಾಯೋಗಿಕ ದತ್ತಾಂಶಗಳಿಲ್ಲ.[೨೫] ಡ್ಯೂಕ್, ಅಲ್ಫ್ರೆಡ್ P. ಸ್ಲೋನ್ ಪ್ರತಿಷ್ಠಾನ, ಜಾರ್ಜ್ ಟೌನ್ ವಿಶ್ವವಿದ್ಯಾನಿಲಯ ಹಾಗು ಇತರ ಕಡೆಗಳಲ್ಲಿ ನಡೆಸಲಾದ ಅಧ್ಯಯನಗಳನ್ನು ಉದಾಹರಿಸಿದ ಟೀಕಾಕಾರರು, ಕೆಲವು ವರ್ಷಗಳಲ್ಲಿ ಆಮದು ಮಾಡಲಾದ ವಿದೇಶಿ ಪ್ರೋಗ್ರಾಮರ್ ಗಳು ಹಾಗು ಇಂಜಿನಿಯರುಗಳ ಸಂಖ್ಯೆಯು, ಆ ಕ್ಷೇತ್ರದಲ್ಲಿ ಸೃಷ್ಟಿಯಾದ ಉದ್ಯೋಗಗಳನ್ನೂ ಮೀರಿಸುತ್ತದೆಂದು ವಾದಿಸುತ್ತಾರೆ.[೨೬] ಯೋಜನೆಯಿಂದ ನಕಾರಾತ್ಮಕವಾಗಿ ಪರಿಣಾಮ ಉಂಟುಮಾಡಿದ ವ್ಯಕ್ತಿಗಳಿಂದ ನೇರವಾಗಿ H1-B ವೀಸಾ ಹಾನಿ ವರದಿಗಳನ್ನು ಸಂಘಟನೆಗಳು ಪ್ರಕಟಿಸಿವೆ. ಇವರಲ್ಲಿ ಹಲವರು ಮಾಧ್ಯಮದೊಂದಿಗೆ ಮಾತನಾಡಲು ಸಿದ್ಧರಿದ್ದರು.[೨೭]
H-1B ಯೋಜನೆಯ ಬಗ್ಗೆ ಇರುವ ಮತ್ತೊಂದು ಟೀಕೆ ಎಂದರೆ ಅಸ್ಪಷ್ಟವಾದ ಅರ್ಹತಾ ಅವಶ್ಯಕತೆಗಳು, ಆದರೆ ಪೂರ್ವನಿರ್ಣಯಾಶ್ರಿತ ವಿಧಿಗಳು ಎತ್ತಿ ಹಿಡಿಯುವ ನಿರ್ದಿಷ್ಟ ಮಾರ್ಗದರ್ಶನಗಳು, ಈ ಅವಶ್ಯಕತೆಗಳನ್ನು ನಿರೂಪಿಸುತ್ತವೆ. ಹೆಚ್ಚಿನ ಪರಿಣತಿಯನ್ನು ಹೊಂದಿದ ನೌಕರರಿಗಾಗಿ ಕಾರ್ಯಕ್ರಮವೆಂದು ಸಾಮಾನ್ಯವಾಗಿ ವಿವರಣೆಯನ್ನು ಹೊಂದಿದ್ದರೂ, H-1B ವಲಸೆರಹಿತ ವೀಸಾ ವರ್ಗವು ನಿರ್ದಿಷ್ಟವಾಗಿ ವಿಶೇಷ ಕೌಶಲದ ಉದ್ಯೋಗಗಳಿಗೆ ಅನ್ವಯವಾಗುತ್ತದೆ. ಯಾವುದೇ ಉದ್ಯೋಗವು ಕನಿಷ್ಠ ಪದವಿಯ ಅಗತ್ಯವನ್ನು ಹೊಂದಿದ್ದರೆ "ಹೆಚ್ಚಿನ ಕೌಶಲ"ದ ಉದ್ಯೋಗವೆಂದು ಪರಿಗಣಿಸಲಾಗುತ್ತದೆ. ವಿಶೇಷ ಕೌಶಲದ ಉದ್ಯೋಗಗಳನ್ನು, ವಿಶಿಷ್ಟ ಕ್ಷೇತ್ರದಲ್ಲಿ ಸೈದ್ಧಾಂತಿಕ ಅಥವಾ ತಾಂತ್ರಿಕ ಪರಿಣತಿಯ ಅಗತ್ಯವಿರುವ ಸ್ಥಾನಗಳೆಂದು ನಿರೂಪಿಸಲಾಗಿದೆ ಜೊತೆಗೆ ಸಾಧಾರಣವಾಗಿ, ಪದವಿಯನ್ನು ಪೂರೈಸಿರುವುದು ಅಗತ್ಯವಾಗಿರುತ್ತದೆಂದು ವ್ಯಾಖ್ಯಾನಿಸಲಾಗುತ್ತದೆ.[೨೮] ಸಾಮಾನ್ಯ H-1B ವೃತ್ತಿಗಳಲ್ಲಿ ವಾಸ್ತುಶಿಲ್ಪಿಗಳು, ಇಂಜಿನಿಯರುಗಳು, ಕಂಪ್ಯೂಟರ್ ಪ್ರೋಗ್ರಾಮರ್ ಗಳು, ಲೆಕ್ಕಿಗರು, ವೈದ್ಯರು, ಪಶುವೈದ್ಯರು, ದಂತವೈದ್ಯರು, ನೋಂದಾಯಿತ ದಾದಿಯರು, ವ್ಯಾಪಾರ ನಿರ್ವಾಹಕರು, ಹಾಗು ಕಾಲೇಜು ಪ್ರಾಧ್ಯಾಪಕರುಗಳು ಸೇರಿದ್ದಾರೆ. The H-1B ವೀಸಾ ಕಾರ್ಯಕ್ರಮವು ಫ್ಯಾಷನ್ ಲೋಕದ ರೂಪದರ್ಶಿಗಳನ್ನೂ ಸಹ ಒಳಗೊಂಡಿದೆ.
H-1B ಕಾರ್ಯಕ್ರಮದ ಬಗ್ಗೆ ವಿಮರ್ಶಕರು ಟೀಕಿಸುವ ಒಂದು ನಿರಂತರವಾದ ಆಪಾದನೆಯೆಂದರೆ ವೇತನ ಹಿಂಜರಿತ: ಕೆಲವು ಅಧ್ಯಯನಗಳ ಪ್ರಕಾರ H-1B ಉದ್ಯೋಗಿಗಳಿಗೆ U.S.ಉದ್ಯೋಗಿಗಳಿಗಿಂತ ಗಮನಾರ್ಹವಾಗಿ ಕಡಿಮೆ ವೇತನವನ್ನು ನೀಡಲಾಗುತ್ತದೆ.[೨೯][೩೦] H-1B ಕಾರ್ಯಕ್ರಮವನ್ನು ಮುಖ್ಯವಾಗಿ ಅಗ್ಗದ ದುಡಿಮೆಯ ಮೂಲವಾಗಿ ಬಳಸಲಾಗುತ್ತಿದೆಯೆಂದು ವಾದಿಸಲಾಗುತ್ತದೆ.[೩೧][೩೨][೩೩][೩೪][೩೫][೩೫] ನ್ಯಾಷನಲ್ ಬ್ಯೂರೋ ಆಫ್ ಇಕನಾಮಿಕ್ ರಿಸರ್ಚ್ ಗಾಗಿ ಹಾರ್ವರ್ಡ್ ನ ಪ್ರಾಧ್ಯಾಪಕ ಜಾರ್ಜ್ J. ಬೋರ್ಜಾಸ್ ಮಂಡಿಸಿದ ಪ್ರಬಂಧ ವು, "ಡಾಕ್ಟರೇಟ್ಗಳ ನೀಡಿಕೆಯಲ್ಲಿ ವಲಸೆಗಾರಿಕೆ ಪ್ರೇರಿತ ಶೇಕಡಾ 10ರಷ್ಟು ಹೆಚ್ಚಳವು, ಸುಮಾರು ಶೇಕಡಾ 3 ರಿಂದ 4ರಷ್ಟು ಸ್ವರ್ಧಾತ್ಮಕ ಕೆಲಸಗಾರರ ವೇತನದಲ್ಲಿ ಇಳಿಕೆ ಉಂಟುಮಾಡುತ್ತದೆ."[ಸೂಕ್ತ ಉಲ್ಲೇಖನ ಬೇಕು] H-1B ಅರ್ಜಿಯಲ್ಲಿ ಸೇರಿಸಲಾದ LCAನಲ್ಲಿ, H-1B ನೌಕರರಿಗೆ ಉದ್ಯೋಗ ಮಾರುಕಟ್ಟೆಯಲ್ಲಿರುವ ಚಾಲ್ತಿ ಸಂಬಳವನ್ನು ನೀಡುವ ಬಗ್ಗೆ ಅಥವಾ ಮಾಲೀಕನ ವಾಸ್ತವವಾದ ಸರಾಸರಿ ವೇತನ(ಯಾವುದೇ ಅಧಿಕವಾಗಿದೆಯೋ ಅದು)[ಸೂಕ್ತ ಉಲ್ಲೇಖನ ಬೇಕು]ದ ಖಾತರಿ ನೀಡಬೇಕು. ಆದರೆ ಈ ನಿಬಂಧನೆಗಳಿಗೆ ಕೆಲವು ಮಾಲೀಕರು ಬದ್ಧರಾಗಿರುವುದಿಲ್ಲವೆಂಬ ಸಾಕ್ಷ್ಯ ದೊರೆತಿದೆ ಜೊತೆಗೆ ದುರುಪಯೋಗ ಮಾಡಿಕೊಂಡವರಿಗೆ ಕಠಿಣ ದಂಡದ ಹೇರಿಕೆಯ ನಡುವೆಯೂ ಚಾಲ್ತಿಯಲ್ಲಿರುವ ವೇತನ ನೀಡುವುದರಿಂದ ತಪ್ಪಿಸಿಕೊಳ್ಳುತ್ತಾರೆ.[೩೬] ಚಾಲ್ತಿ ವೇತನವನ್ನು DOL ನಾಲ್ಕು ಹಂತಗಳಾಗಿ ವಿಂಗಡಿಸಿದೆ. ಒಂದನೇ ಹಂತವು, ಅಮೆರಿಕನ್ನರು ಗಳಿಸುವ ಸರಾಸರಿ 17 ಶೇಕಡಕ ವೇತನವನ್ನು ಪ್ರತಿನಿಧಿಸುತ್ತದೆ. ಶೇಕಡಾ 80ರಷ್ಟು LCAಗಳನ್ನು ಈ 17ನೇ ಶೇಕಡಕ ಹಂತದಲ್ಲಿ ಸಲ್ಲಿಸಲಾಗುತ್ತದೆ[ಸೂಕ್ತ ಉಲ್ಲೇಖನ ಬೇಕು]. ಈ ನಾಲ್ಕು ಹಂತದ ಚಾಲ್ತಿ ವೇತನವನ್ನು DOL ಜಾಲತಾಣದಿಂದ ಪಡೆಯಬಹುದು,[೩೭] ಜೊತೆಗೆ ಇದು ಸಾಧಾರಣವಾಗಿ ಸರಾಸರಿ ವೇತನಕ್ಕಿಂತ ತೀರ ಕಡಿಮೆಯಿರುತ್ತದೆ[ಸೂಕ್ತ ಉಲ್ಲೇಖನ ಬೇಕು]. "ಚಾಲ್ತಿಯಲ್ಲಿರುವ ವೇತನದ" ಷರತ್ತು ನಮೂದನೆಯು ಅಸ್ಪಷ್ಟವೆಂದು ಹೇಳಲಾಗುತ್ತದೆ ಹಾಗು ಈ ರೀತಿಯಾಗಿ ಇದನ್ನು ಸುಲಭವಾಗಿ ತಿದ್ದಬಹುದು[ಸೂಕ್ತ ಉಲ್ಲೇಖನ ಬೇಕು], ಇದರ ಪರಿಣಾಮವಾಗಿ ವೀಸಾ ಅನ್ವಯ ಕೆಲಸ ಮಾಡುವ ನೌಕರರಿಗೆ ಮಾಲೀಕರು ಕಡಿಮೆ ವೇತನವನ್ನು ನೀಡುತ್ತಾರೆ. ರಾಚೆಸ್ಟರ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಲ್ಲಿ ಸಾರ್ವಜನಿಕ ಯೋಜನೆ ವಿಭಾಗದ ಸಹಾಯಕ ಪ್ರಾಧ್ಯಾಪಕ ರಾನ್ ಹೀರ ಪ್ರಕಾರ, 2005ರಲ್ಲಿ ಹೊಸ H-1B ಮಾಹಿತಿ ತಂತ್ರಜ್ಞಾನ(IT)ಕ್ಕೆ ಸರಾಸರಿ ವೇತನವು ಕೇವಲ 50,000 ಡಾಲರ್ಗಳಷ್ಟಿತ್ತು, ಇದು B.S.ಪದವಿಯನ್ನು ಪಡೆದಿರುವ IT ಪದವೀಧರರಿಗೆ ನೀಡಲಾಗುತ್ತಿದ್ದ ಆರಂಭಿಕ ವೇತನಕ್ಕಿಂತ ಕಡಿಮೆಯಿತ್ತು. U.S. ಸರ್ಕಾರದ OES ಕಚೇರಿಯ ದತ್ತಾಂಶವು, ಶೇಖಡಾ 90ರಷ್ಟು H-1B IT ವೇತನಗಳು, ಅದೇ ಉದ್ಯೋಗದಲ್ಲಿರುವ ಸರಾಸರಿ U.S. ವೇತನಕ್ಕಿಂತ ಕಡಿಮೆಯೆಂದು ಸೂಚಿಸುತ್ತದೆ.[೩೮] 2002ರಲ್ಲಿ, U.S. ಸರ್ಕಾರವು ಸನ್ ಮೈಕ್ರೋಸಿಸ್ಟಮ್ಸ್ ನ ನೇಮಕ ವಿಧಿವಿಧಾನಗಳ ಬಗ್ಗೆ ತನಿಖೆಯನ್ನು ಆರಂಭಿಸಿತು, ಇದರ ಒಬ್ಬ ಮಾಜಿ ಉದ್ಯೋಗಿ ಗೈ ಸಾಂಟಿಗ್ಲಿಯ, U.S. ಡಿಪಾರ್ಟ್ಮೆಂಟ್ ಆಫ್ ಜಸ್ಟಿಸ್ ಹಾಗು U.S. ಡಿಪಾರ್ಟ್ಮೆಂಟ್ ಆಫ್ ಲೇಬರ್ ನಲ್ಲಿ ದೂರುಗಳನ್ನು ಸಲ್ಲಿಸಿ, ಸಾಂಟಾ ಕ್ಲಾರಾ ಸಂಸ್ಥೆಯು H-1B ವೀಸಾಗಳನ್ನು ಹೊಂದಿರುವ ವಿದೇಶಿ ನೌಕರರ ಪರವಾಗಿ ಹಾಗು ಅಮೆರಿಕನ್ ಪ್ರಜೆಗಳಿಗೆ ವಿರುದ್ಧವಾಗಿ ತಾರತಮ್ಯ ಮಾಡುತ್ತಿದೆಯೆಂದು ಆರೋಪಿಸಿದರು. ಸಾಂಟಿಗ್ಲಿಯಾ U.S.ಪ್ರಜೆಗಳಿಗೆ ವಿರುದ್ಧವಾದ ಸಂಸ್ಥೆಯ ಪಕ್ಷಪಾತವನ್ನು ಆಪಾದಿಸಿದರು, ಸಂಸ್ಥೆಯು 2001ರ ಉತ್ತರಾರ್ಧದಲ್ಲಿ 3,900 ನೌಕರರನ್ನು ವಜಾಗೊಳಿಸುವುದರ ಜೊತೆಗೆ ಅದೇ ಸಮಯದಲ್ಲಿ ಸಾವಿರಾರು ವೀಸಾಗಳಿಗೆ ಅರ್ಜಿ ಸಲ್ಲಿಸಿದ್ದಾಗಿ ಆರೋಪಿಸಿದರು. 2002ರಲ್ಲಿ, ಸನ್ ಸಂಸ್ಥೆಯ 39,000 ನೌಕರರಲ್ಲಿ ಸುಮಾರು ಶೇಕಡಾ 5ರಷ್ಟು ನೌಕರರು ತಾತ್ಕಾಲಿಕ ಕೆಲಸದ ವೀಸಾ ಪಡೆದಿದ್ದರೆಂದು ಅವರು ಹೇಳಿದರು.[೩೯] 2005ರಲ್ಲಿ, ಸನ್ ಸಂಸ್ಥೆಯು ಕೇವಲ ಸಣ್ಣಪುಟ್ಟ ಅಗತ್ಯಗಳನಷ್ಟೇ ಉಲ್ಲಂಘಿಸಿದೆ ಹಾಗು ಈ ಉಲ್ಲಂಘನೆಗಳು ಯಾವುದೂ ಗಣನೀಯವಾಗಿಲ್ಲ ಹಾಗು ಉದ್ದೇಶಪೂರ್ವಕವಾಗಿಲ್ಲವೆಂಬ ನಿರ್ಣಯಕ್ಕೆ ಬರಲಾಯಿತು. ಈ ರೀತಿಯಾಗಿ, ನ್ಯಾಯಾಧೀಶರು ಸನ್ ಸಂಸ್ಥೆಗೆ ಅದರ ನೇಮಕ ಪ್ರಕ್ರಿಯೆಯಲ್ಲಿ ಬದಲಾವಣೆ ಮಾಡಲು ಮಾತ್ರ ಆದೇಶ ನೀಡಿತು.[೪೦]
ಆದಾಗ್ಯೂ, ಕಡಿಮೆ ವೇತನವೆಂದರೆ, ಮಾಲೀಕರಿಗೆ ಕಡಿಮೆ ವೆಚ್ಚ ತಗಲುತ್ತದೆಂಬ ಅರ್ಥವಲ್ಲ. H-1B ವೀಸಾಕ್ಕೆ ಅರ್ಜಿ ಸಲ್ಲಿಸಲು ಸಂಸ್ಥೆಗೆ ಗಮನಾರ್ಹ ವೆಚ್ಚ ತಗುಲಬಹುದು, ಹಾಗು ಇದು 1,440 ಡಾಲರ್ ಹಾಗು 5,000 ಡಾಲರ್ ನಡುವೆ ಇರಬಹುದು[೪೧] ಅಮೆರಿಕ ಸಂಯುಕ್ತ ಸಂಸ್ಥಾನದಲ್ಲಿ 50 ಅಥವಾ ಅದಕ್ಕೂ ಹೆಚ್ಚಿನ ನೌಕರರನ್ನು ನೇಮಕ ಮಾಡಿಕೊಂಡಿರುತ್ತಿದ್ದ ಅರ್ಜಿದಾರರಿಗೆ H1B ಶುಲ್ಕವನ್ನು 2000 ಡಾಲರ್ನಷ್ಟು ಹೆಚ್ಚಳ ಮಾಡಿತು. ಜತೆಗೆ ಅದರ ಶೇಕಡ 50ರಷ್ಟು ನೌಕರರು ಅಮೆರಿಕ ಸಂಯುಕ್ತ ಸಂಸ್ಥಾನದಲ್ಲಿ H-1B ಅಥವಾ L (L-1A, L-1B ಮತ್ತು L-2ಸೇರಿದಂತೆ) ವಲಸೆರಹಿತ ಸ್ಥಾನಮಾನ ಹೊಂದಿರಬೇಕಾಗಿತ್ತು. ಅಧ್ಯಕ್ಷ ಒಬಾಮ 2010 ಆಗಸ್ಟ್ 10ರಿಂದ ಸಾರ್ವಜನಿಕ ಕಾನೂನು 111-230ಕ್ಕೆ ಸಹಿ ಹಾಕಿದರು,[೪೨] ಇದು ವಕೀಲರ ಶುಲ್ಕ(ಅವರ ಬಳಕೆ ಮಾಡಿದ್ದಲ್ಲಿ), ಸಂಸ್ಥೆಯಲ್ಲಿರುವ ನೌಕರರ ಸಂಖ್ಯೆ ಹಾಗು ವೇಗದ ಪ್ರೀಮಿಯಂ ಸೇವೆಗೆ ಹಣ ಪಾವತಿ ಮಾಡಿದ್ದನ್ನು ಅವಲಂಬಿಸಿದೆ. ತಾಯ್ನಾಡಿನ ಗಡಿಗೆ ಸಂಭಾವ್ಯ ಪ್ರಯಾಣದ ವೆಚ್ಚ ಅಥವಾ ನವೀಕರಣ ವೆಚ್ಚ ಸೇರಿರುವುದಿಲ್ಲ. ಇದರ ಜೊತೆಯಲ್ಲಿ, ನಿರೀಕ್ಷಿತ ನೌಕರನಿಗೆ ಹೆಚ್ಚಿನ ಬೇಡಿಕೆಯ ಕಾರಣದಿಂದ ವೀಸಾ ದೊರಕುತ್ತದೆಂಬ ಯಾವುದೇ ಭರವಸೆ ಇರುವುದಿಲ್ಲ, ಜೊತೆಗೆ ಕೆಲವೊಂದು ಬಾರಿ ವೆಚ್ಚಗಳನ್ನು ಹಿಂದಕ್ಕೆ ನೀಡಲಾಗುವುದಿಲ್ಲ. ಇದಲ್ಲದೆ, ಮಾಲೀಕನು ಉದ್ಯೋಗಿಯನ್ನು ವಜಾಗೊಳಿಸಿದರೆ, ಸಂಸ್ಥೆಯು, ಅವನು/ಅವಳು ಅಂತಿಮ ವಿದೇಶಿ ನಿವಾಸಕ್ಕೆ ಹಿಂತಿರುಗುವಾಗ ಅವನ/ಅವಳ ಪ್ರಯಾಣ , ಅವನ/ಅವಳ ವೈಯಕ್ತಿಕ ಆಸ್ತಿಯ ಸಾಗಣೆ ಮುಂತಾದ ಸಮಂಜಸ ವೆಚ್ಚಗಳಿಗೆ ಬಾಧ್ಯಸ್ಥರಾಗಿರುತ್ತಾರೆ. ಈ ನಿಬಂಧನೆ ಕೇವಲ ನೌಕರನನ್ನು ವಜಾಗೊಳಿಸಿದಾಗ ಮಾತ್ರ ಒಳಗೊಂಡಿರುತ್ತದೆ. ನೌಕರನು ರಾಜಿನಾಮೆ ಸಲ್ಲಿಸಿದರೆ ಇದು ಪ್ರಸ್ತುತವಲ್ಲ. [ಸೂಕ್ತ ಉಲ್ಲೇಖನ ಬೇಕು]
ಐತಿಹಾಸಿಕವಾಗಿ, H-1B ಪಡೆದವರನ್ನು ಕೆಲವೊಂದು ಬಾರಿ ಕರಾರಿಗೆ ಒಳಪಟ್ಟ ಸೇವಕರು ಎಂದು ವಿವರಿಸಲಾಗುತ್ತದೆ,[೪೩] ಈ ಹೋಲಿಕೆಯು ಒಟ್ಟಾರೆಯಾಗಿ ನಿಖರವಾಗಿಲ್ಲ, ಇದು ಅಮೆರಿಕನ್ ಕಾಂಪಿಟಿಟಿವ್ನೆಸ್ ಇನ್ ದಿ ಟ್ವೆಂಟಿ-ಫಸ್ಟ್ ಸೆಂಚುರಿ ಆಕ್ಟ್ ಆಫ್ 2000ದ ಅಂಗೀಕಾರಕ್ಕೆ ಮುಂಚೆ ಹೆಚ್ಚು ಮಾನ್ಯತೆಯನ್ನು ಪಡೆದಿತ್ತು. ಆದಾಗ್ಯೂ ವಲಸೆಗಾರಿಕೆಯು ಸಾಧಾರಣವಾಗಿ ಅಲ್ಪಾವಧಿಗೆ ಹಾಗು ದೀರ್ಘಾವಧಿಗೆ ಭೇಟಿ ನೀಡುವವರಿಗೆ ಗ್ರೀನ್ ಕಾರ್ಡ್(ಕಾಯಂ ನಿವಾಸ) ಕೋರುವ ಯಾವುದೇ ಮಹತ್ವಾಕಾಂಕ್ಷೆಯನ್ನು ನಿರಾಕರಿಸುವುದು ಅಗತ್ಯವಾಗಿದೆ. ಇದಕ್ಕೆ H-1B ವೀಸಾ ಪಡೆದವರು ಪ್ರಮುಖ ಅಪವಾದವಾಗಿರುತ್ತಾರೆ. ಉಭಯ-ಉದ್ದೇಶವೆಂದು ಕರೆಯಲ್ಪಡುವ ಸಿದ್ಧಾಂತದ ಅಡಿಯಲ್ಲಿ H-1B ಕಾನೂನು ಸಮ್ಮತವಾಗಿ ಗ್ರೀನ್ ಕಾರ್ಡ್ ಪಡೆಯಲು ಒಂದು ಸಂಭಾವ್ಯ ಹೆಜ್ಜೆಯೆಂದು ಪರಿಗಣಿಸಲಾಗುತ್ತದೆ. H-1B ವೀಸಾ ಪಡೆದವರು, U.S. ಕಾರ್ಮಿಕ ಇಲಾಖೆಯಲ್ಲಿ ಸಲ್ಲಿಸಲಾದ ವಿದೇಶಿ ದುಡಿಮೆ ಪ್ರಮಾಣೀಕರಣದ ಅರ್ಜಿಯ ಮೂಲಕ ತಮ್ಮ ಮಾಲೀಕರಿಂದ ಗ್ರೀನ್ ಕಾರ್ಡ್ ನ ಪ್ರಾಯೋಜಕತ್ವವನ್ನು ಪಡೆಯಬಹುದು.[ಸೂಕ್ತ ಉಲ್ಲೇಖನ ಬೇಕು] ಈ ಹಿಂದೆ, ಪ್ರಾಯೋಜಕತ್ವದ ಪ್ರಕ್ರಿಯೆಗೆ ಹಲವಾರು ವರ್ಷಗಳು ತಗಲುತ್ತಿತ್ತು, ಜೊತೆಗೆ ಹೆಚ್ಚಿನ ಸಮಯ H-1B ವೀಸಾ ಧಾರಕರು ಗ್ರೀನ್ ಕಾರ್ಡ್ ಪಡೆಯುವ ಸರದಿಯಲ್ಲಿ ತಮ್ಮ ಸ್ಥಾನವನ್ನು ಕಳೆದುಕೊಳ್ಳದೇ ಕೆಲಸವನ್ನು ಬದಲಾಯಿಸಲು ಅಸಮರ್ಥರಾಗುತ್ತಿದ್ದರು. ಇದು H-1B ವೀಸಾ ಪಡೆದವರಿಂದ ಮಾಲೀಕರೆಡೆಗೆ ಬಲವಂತದ ನಿಷ್ಠಾವಂತಿಕೆಯನ್ನು ಸೃಷ್ಟಿಸುತ್ತಿತ್ತು. ಈ ರೀತಿಯಾದ ಬಲವಂತದ ನಿಷ್ಠಾವಂತಿಕೆಯಿಂದ ಮಾಲೀಕರಿಗೆ ಪ್ರಯೋಜನ ಉಂಟಾಗುತ್ತಿತ್ತೆಂದು ವಿಮರ್ಶಕರು[who?] ಆರೋಪಿಸುತ್ತಾರೆ. ಏಕೆಂದರೆ H-1B ಉದ್ಯೋಗಿ ಕೆಲಸವನ್ನು ತೊರೆದು ತಮ್ಮ ಪ್ರತಿಸ್ಪರ್ಧಿಗಳಲ್ಲಿ ಕೆಲಸಕ್ಕೆ ಸೇರಿಕೊಳ್ಳಬಹುದೆಂಬ ಭಯ ಮಾಲೀಕರಿಗೆ ಕಡಿಮೆಯಾಗುತ್ತಿತ್ತು ಹಾಗು ಇದು ಉದ್ಯೋಗದ ಮಾರುಕಟ್ಟೆಯಲ್ಲಿ ಆ ದೇಶದ ನೌಕರರಿಗೆ ಅನನುಕೂಲಕ್ಕೆ ದಾರಿ ಮಾಡಿಕೊಡುತ್ತಿತ್ತು, ಏಕೆಂದರೆ ಕೆಲಸ ಮಾಡುವ ಪರಿಸರವು ಕಠಿಣವಾಗಿದ್ದರೆ, ವೇತನವು ಕಡಿಮೆ ಇದ್ದರೆ ಅಥವಾ ಕೆಲಸವು ಬಹಳ ಕಷ್ಟಕರ ಅಥವಾ ಜಟಿಲವಾಗಿದ್ದರೆ, ದೀರ್ಘಾವಧಿಯವರೆಗೆ ಈ ಕೆಲಸದಲ್ಲಿ ತಮ್ಮ ದೇಶದ ನೌಕರನು ಉಳಿಯುತ್ತಾನೆಂಬ ಭರವಸೆಯು ಮಾಲೀಕನಿಗೆ ಇರುತ್ತಿರಲಿಲ್ಲ. ಈ ರೀತಿಯಾಗಿ H-1B ಯೋಜನೆಯು ಮಾಲೀಕರಿಗೆ ಆಕರ್ಷಕವಾಗಿದೆಯೆಂದು ಸಮರ್ಥಿಸಲಾಗುತ್ತದೆ, ಜೊತೆಗೆ ಈ ನಿಟ್ಟಿನಲ್ಲಿ ಕಾರ್ಮಿಕ ಕಾನೂನು, ಇಂತಹ ಪ್ರಯೋಜನಗಳನ್ನು ಅರಸುವ ಹಾಗು ಅದರಿಂದ ಲಾಭವನ್ನು ಪಡೆಯುವ ಸಂಸ್ಥೆಗಳಿಂದ ಪ್ರಭಾವವನ್ನು ಹೊಂದಿವೆ.[ಸೂಕ್ತ ಉಲ್ಲೇಖನ ಬೇಕು] ಕೆಲವು ಇತ್ತೀಚಿನ ವರದಿಗಳು, 2008ರಲ್ಲಿ ಆರಂಭವಾದ ಹಿಂಜರಿತವು ಯೋಜನೆಗೆ ಬೆಂಬಲಿಸುವವರಿಗೆ ಹಾಗು ಯೋಜನೆಯನ್ನು ವಿರೋಧಿಸುವವರಿಗೆ ಇಬ್ಬರಿಗೂ H-1B ವೀಸಾ ಪರಿಸ್ಥಿತಿಯನ್ನು ಉಲ್ಬಣಗೊಳಿಸುತ್ತವೆ ಎಂದು ತಿಳಿಸಿದೆ.[೪೪] ಗ್ರೀನ್ ಕಾರ್ಡ್ ನ್ನು ಪಡೆಯುವ ಪ್ರಕ್ರಿಯೆಯು ಎಷ್ಟು ದೀರ್ಘವಾಗಿದೆಯೆಂದರೆ, ಈ ಹಿಂಜರಿತದ ವರ್ಷಗಳಲ್ಲಿ, ಪ್ರಾಯೋಜಿತ ಸಂಸ್ಥೆಗಳು ವಿಫಲವಾಗಿ, ಕಣ್ಮರೆಯಾಗಿರುವುದು ವಿಶೇಷವೇನಲ್ಲ, ಈ ರೀತಿಯಾಗಿ H-1B ನೌಕರನು ಮತ್ತೊಬ್ಬ ಪ್ರಾಯೋಜಕನನ್ನು ಹುಡುಕಿಕೊಳ್ಳುತ್ತಾನೆ ಮತ್ತು ಗ್ರೀನ್ ಕಾರ್ಡ್ ಪಡೆಯುವ ಸರದಿಯಲ್ಲಿ ಅವನ ಸ್ಥಾನ ತಪ್ಪಿ ಹೋಗುತ್ತದೆ. ಒಬ್ಬ H-1B ನೌಕರನಿಗೆ ಗ್ರೀನ್ ಕಾರ್ಡ್ ಪಡೆಯಲು ಕೇವಲ ಒಂದು ತಿಂಗಳು ಮಾತ್ರ ಇದ್ದು, ಆತ ಅಥವಾ ಆಕೆಯು ವಜಾಗೊಂಡರೆ, ಅವನು ಅಥವಾ ಅವಳು ದೇಶವನ್ನು ಬಿಡಬೇಕಾಗುತ್ತದೆ ಅಥವಾ ಸರದಿಯ ಕೊನೆಗೆ ಹೋಗಿ ಗ್ರೀನ್ ಕಾರ್ಡ್ ಪಡೆಯುವ ಪ್ರಕ್ರಿಯೆಯನ್ನು ಆರಂಭಿಸಬೇಕು ಹಾಗು ಅವರ ಪೌರತ್ವ ಹಾಗು ವೀಸಾ ವಿಭಾಗವನ್ನು ಅವಲಂಬಿಸಿ ಮತ್ತೆ ಇನ್ನೂ 10 ವರ್ಷಗಳಷ್ಟು ಕಾಲ ಕಾಯಬೇಕಾಗುತ್ತದೆ.[೪೫]
ಸೆಪ್ಟೆಂಬರ್ 2008ರ U.S. CITIZENSHIP AND IMMIGRATION SERVICES "H-1B ಬೆನಿಫಿಟ್ ಫ್ರಾಡ್ & ಕಾಂಪ್ಲಯನ್ಸ್ ಅಸೆಸ್ಮೆಂಟ್",ಅನುಮತಿ ನೀಡಿದ H1-B ವೀಸಾಗಳಲ್ಲಿ 21%ರಷ್ಟು ವಂಚನೆಯಿಂದ ಕೂಡಿದ ಅರ್ಜಿಗಳಿಂದ ಹುಟ್ಟಿದೆಯೆಂದು ಅಥವಾ ತಾಂತ್ರಿಕ ಉಲ್ಲಂಘನೆಗಳಿಂದ ಕೂಡಿದ ಅರ್ಜಿಗಳೆಂಬ ಅಭಿಪ್ರಾಯಕ್ಕೆ ಬಂದಿತು.[೪೬] ವಂಚನೆಯನ್ನು ಉದ್ದೇಶಪೂರ್ವಕ ತಪ್ಪು ನಿರೂಪಣೆ ಎಂದು, ಖೋಟಾ ಸೃಷ್ಟಿಯೆಂದು, ಅಥವಾ ವಾಸ್ತವಿಕತೆಯ ಲೋಪವೆಂದು ನಿರೂಪಿಸಲಾಗುತ್ತದೆ. ವಂಚನೆ ವ್ಯಾಖ್ಯಾನದಲ್ಲಿರದ ತಾಂತ್ರಿಕ ಉಲ್ಲಂಘನೆಗಳು, ದೋಷಗಳು, ಲೋಪಗಳು ಮತ್ತು ಅನುಸರಣೆಯ ವೈಫಲ್ಯಗಳನ್ನು 21% ದರದಲ್ಲಿ ಸೇರಿಸಲಾಗಿದೆ. ತರುವಾಯ, USCIS, H-1B ಅರ್ಜಿಗಳಲ್ಲಿ ಉಂಟಾಗುವ ವಂಚನೆ ಹಾಗು ತಾಂತ್ರಿಕ ಉಲ್ಲಂಘನೆ ಸಂಖ್ಯೆಯನ್ನು ತಗ್ಗಿಸಲು ಕಾರ್ಯವಿಧಾನ ಬದಲಾವಣೆಗಳನ್ನು ಮಾಡಿತು.
H-1B ವೀಸಾ ಸುಧಾರಣೆಯ ಬಗ್ಗೆ ಸದನದಲ್ಲಿ ಸೆನೆಟ್ ಸದಸ್ಯ ಡಿಕ್ ಡರ್ಬನ್, "H-1B ವೀಸಾ ಉದ್ಯೋಗವನ್ನು ಗರಿಷ್ಠ ಮೂರು ವರ್ಷಗಳ ಕಾಲ ಮಾಡಬಹುದು ಜೊತೆಗೆ ಮತ್ತೆ ಮೂರು ವರ್ಷಗಳಿಗೆ ನವೀಕರಿಸಬಹುದು ಎಂದು ಹೇಳಿಕೆ ನೀಡುತ್ತಾರೆ. ಇದರ ನಂತರ ನೌಕರರ ಪಾಡೇನು? ಸರಿ, ಅವರು ಇಲ್ಲಿ ನೆಲೆಸಬಹುದು. ಇದು ಸಾಧ್ಯವಿದೆ. ಆದರೆ ಭಾರತದ ಹೊರಗಿರುವ ಈ ಹೊಸ ಕಂಪೆನಿಗಳು, ಹಣವನ್ನು ಗಳಿಸಲು ಉತ್ತಮ ಯೋಜನೆಗಳನ್ನು ಹೊಂದಿರುತ್ತವೆ. ಇವುಗಳು ಭಾರತದಿಂದ ಅಮೆರಿಕಾಕ್ಕೆ ಖಾಲಿಯಿರುವ ಹುದ್ದೆಗಳನ್ನು ಭರ್ತಿ ಮಾಡಲು ಇಂಜಿನಿಯರುಗಳನ್ನು ಕಳುಹಿಸುತ್ತವೆ--ಹಾಗು ಈ ರೀತಿ ಮಾಡಲು ಹಣವನ್ನು ಪಡೆಯುತ್ತವೆ--ಹಾಗು ಮೂರರಿಂದ ಆರು ವರ್ಷಗಳ ಅವಧಿಯ ನಂತರ, ಈ ಕಂಪೆನಿಗಳು ಅಮೆರಿಕನ್ ಸಂಸ್ಥೆಗಳೊಂದಿಗೆ ಸ್ಪರ್ಧಿಸುವ ಕಂಪೆನಿಗಳಲ್ಲಿ ಕೆಲಸ ಮಾಡಲು ಅವರನ್ನು ಪುನಃ ಭಾರತಕ್ಕೆ ಕರೆತರುತ್ತವೆ. ಈ ವಿಧಾನವನ್ನು ಅವುಗಳು ತಮ್ಮ ಹೊರಗುತ್ತಿಗೆ ವೀಸಾ ಎಂದು ಕರೆಯುತ್ತವೆ. ಇವುಗಳು ತಮ್ಮ ಪ್ರತಿಭಾನ್ವಿತ ಇಂಜಿನಿಯರುಗಳನ್ನು, ಅಮೆರಿಕನ್ನರು ಹೇಗೆ ವ್ಯವಹರಿಸುತ್ತಾರೆ ಎಂಬುದನ್ನು ತಿಳಿದುಕೊಳ್ಳಲು ಕಳುಹಿಸಿಕೊಡುತ್ತವೆ ಹಾಗು ಆ ಅಮೆರಿಕನ್ ಸಂಸ್ಥೆಗಳೊಂದಿಗೆ ಸ್ಪರ್ಧಿಸಲು ಅವರನ್ನು ಮತ್ತೆ ಹಿಂದಕ್ಕೆ ಕರೆಸಿಕೊಳ್ಳುತ್ತವೆ."[೪೭] H-1B ಯೋಜನೆಯನ್ನು ಹೊರಗುತ್ತಿಗೆಗೆ ಬಳಕೆ ಮಾಡುವುದರ ವಿರುದ್ಧದ ವಿಮರ್ಶಕರು, H1-B ವೀಸಾಗಳನ್ನು ಅಮೆರಿಕ ಸಂಯುಕ್ತ ಸಂಸ್ಥಾನದಲ್ಲಿ ಪ್ರಧಾನ ಕಛೇರಿಯನ್ನು ಹೊಂದಿರುವ ಸಂಸ್ಥೆಗಳಿಗಿಂತ ಹೆಚ್ಚಾಗಿ ಭಾರತದಲ್ಲಿ ಪ್ರಧಾನ ಕಛೇರಿಯನ್ನು ಹೊಂದಿರುವ ಸಂಸ್ಥೆಗಳಿಗೆ ನೀಡಲಾಗುತ್ತದೆಂದೂ ಸಹ ಗಮನಿಸಿದರು.[೪೮]
ಅನೇಕ ರಾಜ್ಯಗಳಲ್ಲಿ, H-1B ನೌಕರರು ಮತ್ತು ಅವರ ಅವಲಂಬಿತರು USನಲ್ಲಿ ಅವರು ಎಷ್ಟೇ ಕಾಲ ಕಳೆದಿರಲಿ, ರಾಜ್ಯದ ಒಳಗಿನ ಶುಲ್ಕಕ್ಕೆ ಅರ್ಹತೆ ಪಡೆಯಲು ಅದನ್ನು ಪರಿಗಣಿಸಲಾಗುವುದಿಲ್ಲ.[ಸೂಕ್ತ ಉಲ್ಲೇಖನ ಬೇಕು] ಆದಾಗ್ಯೂ,ಒಂದು ದಶಕಕ್ಕೂ ಹೆಚ್ಚು ಕಾಲ ಕೆಲವು ರಾಜ್ಯಗಳಾದ ಕ್ಯಾಲಿಫೋರ್ನಿಯ, ನ್ಯೂಯಾರ್ಕ್, ವಾಷಿಂಗ್ಟನ್ ಮತ್ತು ಟೆಕ್ಸಾಸ್ H-1Bನೌಕರರು ಮತ್ತು ಅವಲಂಬಿತರಿಗೆ ರಾಜ್ಯದ ಒಳಗಿನ ಶುಲ್ಕವನ್ನು ವಿಸ್ತರಿಸಿದೆ. ಸಾಮಾನ್ಯವಾಗಿ H-1B ಮತ್ತು H4ನಿವಾಸಿಗಳಿಗೆ ರಾಜ್ಯದ ಒಳಗಿನ ಶುಲ್ಕ ಪ್ರಸ್ತಾಪದ ನಿರ್ಧಾರವನ್ನು ರಾಜ್ಯ ನ್ಯಾಯಾಲಯದ ವ್ಯತಿರಿಕ್ತ ತೀರ್ಪಿನ ಫಲವಾಗಿ ತೆಗೆದುಕೊಳ್ಳಲಾಗಿದೆ. TOLL v. MORENO, 441 U.S. 458 (1979) ಪ್ರಕರಣದ ಸುಪ್ರೀಂಕೋರ್ಟ್ ತೀರ್ಪಿನಲ್ಲಿ G-4ವೀಸಾಗಳಿಗೆ ಸ್ಥಾಪನೆಯಾದ ಪೂರ್ವನಿದರ್ಶನವನ್ನು ಅದು ಬಳಸಿಕೊಂಡಿತು.
H1B ನೌಕರರು ತಮ್ಮ ವೇತನದ ಭಾಗವಾಗಿ ಸಾಮಾಜಿಕ ಭದ್ರತೆ ಮತ್ತು ಆರೋಗ್ಯವಿಮೆ ತೆರಿಗೆಗಳನ್ನು ಪಾವತಿ ಮಾಡಬೇಕು. US ಪೌರರ ರೀತಿಯಲ್ಲಿ,ಅವರು ಅಮೆರಿಕ ಸಂಯುಕ್ತ ಸಂಸ್ಥಾನವನ್ನು ತೊರೆದರೂ ಅವರು ಸಾಮಾಜಿಕ ಭದ್ರತೆ ಸೌಲಭ್ಯಗಳನ್ನು ಪಡೆಯಲು ಅರ್ಹರಾಗಿರುತ್ತಾರೆ. ಆದರೆ ಕನಿಷ್ಟ 10ವರ್ಷಗಳ ಕಾಲ ಅವರು ಸಾಮಾಜಿಕ ಭದ್ರತೆ ಸೌಲಭ್ಯಗಳಿಗಾಗಿ ಪಾವತಿ ಮಾಡಿರಬೇಕು. ಇದಲ್ಲದೇ, USಸಾಮಾಜಿಕ ಭದ್ರತಾ ವ್ಯವಸ್ಥೆಗೆ ಪಾವತಿ ಮಾಡಿದ ಕಾಲಾವಧಿ 10 ವರ್ಷಗಳಿಗಿಂತ ಕಡಿಮೆಯಿದ್ದರೂ, ವಿದೇಶಿ ರಾಷ್ಟ್ರದ ಹೋಲಿಕೆ ವ್ಯವಸ್ಥೆ ಮತ್ತು ಪ್ರತಿಕ್ರಮದಲ್ಲಿ ಅದನ್ನು ಗಣನೆಗೆ ತೆಗೆದುಕೊಳ್ಳಲಾಗುತ್ತದೆ ಎಂದು ಖಾತರಿಮಾಡಲು US ಅನೇಕ ರಾಷ್ಟ್ರಗಳ ಜತೆ ದ್ವಿಪಕ್ಷೀಯ ಒಪ್ಪಂದಗಳನ್ನು ಮಾಡಿಕೊಂಡಿದೆ.[೪೯]
H-4 (ಅವಲಂಬಿತ)ವೀಸಾ ವ್ಯಾಪ್ತಿಯಲ್ಲಿ ಬರುವ H-1B ವೀಸಾ ಧಾರಕರ ಪತಿ/ಪತ್ನಿ ಅಮೆರಿಕದಲ್ಲಿ ಕೆಲಸ ಮಾಡುವಂತಿಲ್ಲ.[೫೦]
H-1Bನೌಕರ ಯಾವುದೇ ಕಾರಣದಿಂದ ಕೆಲಸ ಕಳೆದುಕೊಂಡರೆ, H-1B ಕಾರ್ಯಕ್ರಮವು ಅವರ ಕೆಲಸಕಾರ್ಯ ಪೂರೈಸಿಕೊಳ್ಳಲು ಅವಧಿ ವಿನಾಯಿತಿ ಅಥವಾ ಗ್ರೇಸ್(ಹೆಚ್ಚುವರಿ)ಕಾಲಾವಧಿಯನ್ನು ನಮೂದಿಸುವುದಿಲ್ಲ. H-1Bನೌಕರ ಎಷ್ಟು ಕಾಲ ಅಮೆರಿಕದಲ್ಲಿ ವಾಸವಿದ್ದರೂ ಅದು ಪರಿಗಣಿತವಾಗುವುದಿಲ್ಲ. ಒಬ್ಬರ ಕೆಲಸಕಾರ್ಯಗಳನ್ನು ಪೂರೈಸಿಕೊಳ್ಳಲು ಇನ್ನೊಂದು ವಲಸೆರಹಿತ ಸ್ಥಾನಮಾನದ ಬದಲಾವಣೆಗೆ ಅರ್ಜಿ ಸಲ್ಲಿಸುವುದು ಅವಶ್ಯಕವಾಗಿದೆ. ಕೆಲಸ ಕಳೆದುಕೊಂಡ H-1B ನೌಕರ ಅವರ ಪರವಾಗಿ ಅರ್ಜಿ ಸಲ್ಲಿಸಲು ಹೊಸ H-1B ಮಾಲೀಕರನ್ನು ಹುಡುಕಲು ಪ್ರಯತ್ನಿಸುವುದು ಉದ್ಯೋಗದ ಕೊನೆಯ ದಿನ ಮತ್ತು ಹೊಸ H-1B ಅರ್ಜಿ ಸಲ್ಲಿಸುವ ನಡುವೆ ಒಂದು ದಿನದ ಅಂತರವಿದ್ದರೂ ಕೂಡ ಸ್ಥಾನಮಾನದ ಆಚೆ ಎಂದು ಪರಿಗಣಿಸಲಾಗುತ್ತದೆ. ಕೆಲವು ಅಟಾರ್ನಿಗಳು(ವಕೀಲರು)30 ದಿನಗಳು, 60 ದಿನಗಳು ಅಥವಾ ಕೆಲವೊಮ್ಮೆ 10 ದಿನಗಳ ಗ್ರೇಸ್ ಅವಧಿ ಇರುತ್ತದೆಂದು ವಾದಿಸುತ್ತಾರೆ. ಆದರೆ ಕಾನೂನಿನ ಪ್ರಕಾರ ಅದು ನಿಜವಲ್ಲ. ರೂಢಿಗತವಾಗಿ, USCIS H-1Bವರ್ಗಾವಣೆ ಅರ್ಜಿಗಳನ್ನು ಉದ್ಯೋಗದಲ್ಲಿ 60ದಿನಗಳವರೆಗೆ ಅಂತರ ಇರುವ ತನಕ ಅಂಗೀಕರಿಸಿದೆ. ಆದರೆ ಅದಕ್ಕೆ ಯಾವ ಖಾತರಿಯೂ ಇರುವುದಿಲ್ಲ. ಗ್ರೇಸ್(ಹೆಚ್ಚುವರಿ) ಅವಧಿಗೆ ಸಂಬಂಧಿಸಿದ ಕೆಲವು ಗೊಂದಲ ಉದ್ಭವಿಸಿರುವುದು ಏಕೆಂದರೆ H-1Bನೌಕರ ತಮ್ಮ ಅಧಿಕೃತ ಉಳಿಯುವ ಅವಧಿ ಪೂರ್ಣಗೊಂಡ ನಂತರ ಅಮೆರಿಕದಿಂದ ನಿರ್ಗಮಿಸಲು 10 ದಿನಗಳ ಗ್ರೇಸ್ ಅವಧಿ ಇರುತ್ತದೆ(ಕೆಲಸ ಕಳೆದುಕೊಂಡ ನೌಕರರಿಗೆ ಅನ್ವಯವಾಗುವುದಿಲ್ಲ). ಅವರ I-797 ಅನುಮೋದನೆ ನೋಟೀಸ್ ಅಥವಾ I-94 ಕಾರ್ಡ್ನಲ್ಲಿ ಪಟ್ಟಿಮಾಡಿದ H-1Bಅವಧಿ ಮುಗಿಯುವ ದಿನಾಂಕದ ತನಕ ನೌಕರ ಕೆಲಸ ಮಾಡಿದ್ದರೆ ಮಾತ್ರ ಈ ಗ್ರೇಸ್ ಅವಧಿಯು ಅನ್ವಯಿಸುತ್ತದೆ. 8 CFR 214.2(h)(13)(i)(A). ಕೆಲಸ ಕಳೆದುಕೊಂಡ ನೌಕರನಿಗೆ ಹಿಂದಿರುಗುವ ಸಾರಿಗೆ ವೆಚ್ಚವನ್ನು ಪಾವತಿ ಮಾಡಲು ಮಾಲೀಕರು ಕಾನೂನಿನ ಕಟ್ಟುಪಾಡಿಗೆ ಒಳಪಟ್ಟಿರುತ್ತಾರೆ.
USCISನಲ್ಲಿ ಸಲ್ಲಿಸಿದ ಪ್ರತಿಯೊಂದು H-1Bಅರ್ಜಿಯಲ್ಲಿ,ಅಮೆರಿಕದ ಕಾರ್ಮಿಕ ಇಲಾಖೆ ದೃಢೀಕರಿಸಿದ ಲೇಬರ್ ಕಂಡೀಷನ್ ಅಪ್ಲಿಕೇಶನ್(ದುಡಿಮೆ ಷರತ್ತು ಅರ್ಜಿ)(LCA)ಯನ್ನು ಒಳಗೊಂಡಿರಬೇಕು. ವಲಸೆರಹಿತ ನೌಕರನಿಗೆ ನೀಡುವ ವೇತನವು ಉದ್ಯೋಗದ ಸ್ಥಳದಲ್ಲಿ ಚಾಲ್ತಿಯಲ್ಲಿರುವ ವೇತನ ಅಥವಾ ಅದಕ್ಕಿಂತ ಹೆಚ್ಚಿನ ವೇತನವನ್ನು ಪಡೆಯುವುದನ್ನು ಖಾತರಿಪಡಿಸಿಕೊಳ್ಳುವಂತೆ LCAಯನ್ನು ವಿನ್ಯಾಸಗೊಳಿಸಬೇಕು. ಮುಷ್ಕರವನ್ನು ಮುರಿಯುವ ಉದ್ದೇಶದಿಂದ ಅಥವಾ U.S. ಪೌರತ್ವದ ನೌಕರರನ್ನು ಬದಲಿಸುವ ಉದ್ದೇಶದಿಂದ ವಿದೇಶಿ ನೌಕರರನ್ನು ಆಮದು ಮಾಡಿಕೊಳ್ಳಲು ಈ ಕಾರ್ಯಕ್ರಮವನ್ನು ಬಳಸುವುದರಿಂದ ತಪ್ಪಿಸಲು LCA ದೃಢೀಕರಣ ವಿಭಾಗವನ್ನು ಕೂಡ ಹೊಂದಿದೆ. ನಿಬಂಧನೆಗಳ ಅನ್ವಯ, LCAಸಾರ್ವಜನಿಕ ದಾಖಲೆಯ ವಸ್ತುವಾಗಿದೆ. H-1B ನೌಕರರನ್ನು ನೇಮಿಸಿಕೊಳ್ಳುವ ಸಂಸ್ಥೆಗಳು ಅವುಗಳನ್ನು ನೋಡಲು ಬಯಸುವ ಸಾರ್ವಜನಿಕರಿಗೆ ದಾಖಲೆಗಳನ್ನು ಒದಗಿಸುವುದು ಅಗತ್ಯವಾಗಿದೆ. ಚಾಲ್ತಿಯಲ್ಲಿರುವ ದಾಖಲೆಗಳ ಪ್ರತಿಗಳು ವಿವಿಧ ಜಾಲತಾಣಗಳಲ್ಲಿ ಕೂಡ ಲಭ್ಯವಿದ್ದು, ನೌಕರ ಇಲಾಖೆ ಕೂಡ ಇವುಗಳಲ್ಲಿ ಒಳಗೊಂಡಿವೆ. ಸೈದ್ಧಾಂತಿಕವಾಗಿ LCAಪ್ರಕ್ರಿಯೆ U.S.ಮತ್ತು H-1B ನೌಕರರು ಇಬ್ಬರಿಗೂ ರಕ್ಷಣೆ ನೀಡುವಂತೆ ಕಂಡುಬರುತ್ತದೆ. ಆದಾಗ್ಯೂ,U.S. ಜನರಲ್ ಅಕೌಂಟಿಂಗ್ ಕಚೇರಿ ಪ್ರಕಾರ, ಜಾರಿ ಪರಿಮಿತಿಗಳು ಮತ್ತು ವಿಧಿವಿಧಾನಗಳ ಸಮಸ್ಯೆಗಳಿಂದಾಗಿ ಈ ರಕ್ಷಣೆಗಳನ್ನು ನಿರರ್ಥಕಗೊಳಿಸಿವೆ.[೫೧] ಅಂತಿಮವಾಗಿ, ಪ್ರಸ್ತಾಪಿತ ಸ್ಥಾನಕ್ಕೆ ಚಾಲ್ತಿಯಲ್ಲಿರುವ ವೇತನ ತೀರ್ಮಾನಕ್ಕೆ ಯಾವ ಮೂಲವನ್ನು ಬಳಸಬೇಕೆಂದು ನಿರ್ಧರಿಸುವುದು ಮಾಲೀಕರೇ ಹೊರತು ಕಾರ್ಮಿಕ ಇಲಾಖೆಯಲ್ಲ. ಅದು ಸ್ವಯಂ ವೇತನ ಸಮೀಕ್ಷೆ ಸೇರಿದಂತೆ ವಿವಿಧ ಸ್ಪರ್ಧಾತ್ಮಕ ಸಮೀಕ್ಷೆಗಳ ನಡುವೆ ಆಯ್ಕೆ ಮಾಡಿಕೊಂಡು ಈ ವೇತನವನ್ನು ನಿರ್ಧರಿಸುತ್ತದೆ. ಇಂತಹ ಸಮೀಕ್ಷೆಗಳು ನಿರ್ದಿಷ್ಟ ಸ್ಫುಟ ನಿಯಮಗಳು ಮತ್ತು ನಿಬಂಧನೆಗಳನ್ನು ಅನುಸರಿಸಬೇಕಾಗುತ್ತದೆ. ಪರಿಪೂರ್ಣತೆ ಮತ್ತು ಸ್ಪಷ್ಟ ಅನಿಷ್ಕೃಷ್ಟತೆ ತಪಾಸಣೆ ಮಾಡುವುದಕ್ಕಾಗಿ ಈ ಕಾರ್ಮಿಕ ಇಲಾಖೆಯು LCAಗಳ ಅನುಮೋದನೆ ಪ್ರಕ್ರಿಯೆಯನ್ನು ನಿರ್ಬಂಧಿಸುತ್ತದೆ.[೫೨] FY (ಆರ್ಥಿಕ ವರ್ಷ) 2005ರಲ್ಲಿ, ಸಲ್ಲಿಕೆಯಾದ 300,000ಅರ್ಜಿಗಳ ಪೈಕಿ ಕೇವಲ 800LCAಗಳು ತಿರಸ್ಕೃತವಾಗಿವೆ. ಹೈರ್ ಅಮೆರಿಕನ್ಸ್ ಫಸ್ಟ್(ಅಮೆರಿಕದವರಿಗೆ ಮೊದಲಿಗೆ ಕೆಲಸ ಕೊಡಿ)ಕಾರ್ಯಕ್ರಮವು ವ್ಯಕ್ತಿಗಳಿಂದ ನೇರವಾಗಿ H1-Bವೀಸಾ ಹಾರ್ಮ್(ವೀಸಾದಿಂದ ಕೆಡುಕು)ವರದಿಗಳ ನೂರಾರು ಪ್ರಥಮ ಮಾಹಿತಿ ವರದಿಗಳನ್ನು ಪ್ರಕಟಿಸಿದೆ. ಈ ವ್ಯಕ್ತಿಗಳು H1-B ವೀಸಾ ಕಾರ್ಯಕ್ರಮದಿಂದ ನಕಾರಾತ್ಮಕ ಪರಿಣಾಮ ಎದುರಿಸಿದ್ದು, ಮಾಧ್ಯದ ಜತೆ ಮಾತನಾಡುವ ಇಚ್ಛೆ ವ್ಯಕ್ತಪಡಿಸಿದ್ದರು.[೨೭] ಜಾರಿಯು ಕಳಪೆ ಗುಣಮಟ್ಟದ್ದಾಗಿದ್ದು, INS ಲೆಕ್ಕತಪಾಸಣೆಗಳಿಂದ ಯಾವುದೇ ಹಾನಿಯಾಗದೇ ದುರ್ಬಳಕೆದಾರರು ಉಳಿದುಕೊಂಡ ವರದಿಗಳು ಬಂದಿದ್ದವು.[೫೩] 2009ರಲ್ಲಿ ಫೆಡರಲ್ ಅಧಿಕಾರಿಗಳು ರಾಷ್ಟ್ರವ್ಯಾಪಿ H-1B ವೀಸಾ ಹಗರಣವನ್ನು ಬಯಲು ಮಾಡಿದರು. 2008ರ ಅಕ್ಟೋಬರ್ನಲ್ಲಿ H-1B ಕಾರ್ಯಕ್ರಮವು ಶೇಕಡ 20ಕ್ಕಿಂತ ಹೆಚ್ಚು ಉಲ್ಲಂಘನೆ ಪ್ರಮಾಣವನ್ನು ಹೊಂದಿದೆ ಎಂದು USCIS ವರದಿ ತಿಳಿಸಿತು.[೫೪]
ಟ್ವೆಂಟಿಫಸ್ಟ್ ಸೆಂಚುರಿ ಆಕ್ಟ್ ಆಫ್ 2000ದಲ್ಲಿ ಅಮೆರಿಕದ ಸ್ಪರ್ಧಾತ್ಮಕತೆ (AC21)ಮತ್ತು U.S.ಕಾರ್ಮಿಕ ಇಲಾಖೆಯ ದುಡಿಮೆ ಪ್ರಮಾಣೀಕರಣಕ್ಕೆ PERM ವ್ಯವಸ್ಥೆಯು ಹಸಿರು ಕಾರ್ಡ್(ಗ್ರೀನ್ ಕಾರ್ಡ್) ಪ್ರಕ್ರಿಯೆ ಸಂದರ್ಭದಲ್ಲಿ H-1Bಗಳು ಒಪ್ಪಂದಕ್ಕೆ ಬದ್ಧರಾದ ಸೇವಕರು ಎಂಬ ಬಹುಮಟ್ಟಿನ ವಾದಗಳನ್ನು ಅಳಿಸಿಹಾಕಿತು. PERMನೊಂದಿಗೆ ಕಾರ್ಮಿಕ ಪ್ರಮಾಣೀಕರಣ ಪ್ರಕ್ರಿಯೆ ಕಾಲವು ಈಗ ಅಂದಾಜು 9 ತಿಂಗಳಾಗಿವೆ(2010ಮಾರ್ಚ್ನಲ್ಲಿದ್ದಂತೆ)[೫೫] AC21ಕಾರಣದಿಂದ, H-1B ನೌಕರನ ಬಳಿ ಆರು ತಿಂಗಳವರೆಗೆ ಇತ್ಯರ್ಥವಾಗಿರದ I-485 ಅರ್ಜಿ ಮತ್ತು ಅನುಮೋದಿತ I-140ಅರ್ಜಿಯಿದ್ದರೆ, ಅವನು ಉದ್ಯೋಗಳನ್ನು ಬದಲಾಯಿಸಲು ಸ್ವತಂತ್ರನಾಗಿರುತ್ತಾನೆ.ಅವರು ಸ್ಥಳಾಂತರವಾಗುವ ಸ್ಥಾನವು ಅವರ ಪ್ರಸಕ್ತ ಸ್ಥಾನಕ್ಕೆ ಗಣನೀಯ ಹೋಲಿಕೆಯಾಗಿರಬೇಕು. ಕೆಲವು ಪ್ರಕರಣಗಳಲ್ಲಿ, ಈ ದುಡಿಮೆ ಪ್ರಮಾಣೀಕರಣಗಳನ್ನು ಹಿಂದಕ್ಕೆ ತೆಗೆದುಕೊಂಡು,PERM ಅರ್ಜಿಗಳಿಂದ ಬದಲಾಯಿಸಿದರೆ, ಪ್ರಕ್ರಿಯೆ ಕಾಲಾವಧಿಗಳು ಸುಧಾರಿಸುತ್ತದೆ. ಆದರೆ ವ್ಯಕ್ತಿಯು ಅವರ ಅನುಕೂಲಕರ ಆದ್ಯತೆ ದಿನಾಂಕವನ್ನು ಕಳೆದುಕೊಳ್ಳುತ್ತಾರೆ. ಪ್ರಕರಣಗಳಲ್ಲಿ ಮಾಲೀಕರು ಹಸಿರು ಕಾರ್ಡ್ ನೀಡುವ ಮೂಲಕ H-1Bನೌಕರರನ್ನು ಉದ್ಯೋಗವೊಂದಕ್ಕೆ ಬಂಧಿಸುವ ಪ್ರೋತ್ಸಾಹವು ತಗ್ಗುತ್ತದೆ. ಏಕೆಂದರೆ ಮಾಲೀಕ ದುಡಿಮೆ ಪ್ರಮಾಣೀಕರಣ ಮತ್ತು I-140ಪ್ರಕ್ರಿಯೆಗಳಿಗೆ ಸಂಬಂಧಿಸಿದ ಅಧಿಕ ಕಾನೂನು ವೆಚ್ಚಗಳನ್ನು ಮತ್ತು ಶುಲ್ಕಗಳನ್ನು ಭರಿಸಬೇಕಾಗುತ್ತದೆ. ಆದರೆ H-1Bನೌಕರ ಆಗಲೂ ಉದ್ಯೋಗಗಳನ್ನು ಬದಲಿಸಲು ಮುಕ್ತನಾಗಿರುತ್ತಾನೆ. ಆದಾಗ್ಯೂ,ಅನೇಕ ಜನರು ಆದ್ಯತೆ ದಿನಾಂಕಗಳಲ್ಲಿ ವ್ಯಾಪಕ ವಿಮುಖಗತಿಯ ಕಾರಣದಿಂದ ಪ್ರಸಕ್ತ ಕಾಲಾವಧಿಯಲ್ಲಿ I-485 ಸಲ್ಲಿಕೆಗೆ ಅನರ್ಹರಾಗುತ್ತಾರೆ. ಹೀಗಾಗಿ, ತಮ್ಮ ಪ್ರಾಯೋಜಕ ಮಾಲೀಕರ ಬಳಿ ಅನೇಕ ವರ್ಷಗಳವರೆಗೆ ಕೆಲಸ ಮಾಡಬೇಕಾಗುತ್ತದೆ. ಪೂರ್ವ-PERMನಿಯಮಗಳ ಅನ್ವಯ ಅನೇಕ ಹಳೆಯ ದುಡಿಮೆ ಪ್ರಮಾಣೀಕರಣ ಪ್ರಕರಣಗಳು ಇತ್ಯರ್ಥವಾಗದೇ ಉಳಿದಿವೆ. 2006ರ ಮೇ 25ರಂದು U.S. ಸೆನೆಟ್ ವಲಸೆ ಮಸೂದೆ 2611ನ್ನು ಅನುಮೋದಿಸಿತು. ಇದು H-1Bವೀಸಾಗಳಲ್ಲಿ ಅನೇಕ ಹೆಚ್ಚಳಗಳನ್ನು ಹೊಂದಿತ್ತು, ಕೆಳಗಿನವುಗಳು ಸೇರಿವೆ:
ಆದಾಗ್ಯೂ,ಸದನವು ಈ ಕ್ರಮವನ್ನು ಪರಿಗಣಿಸಲು ನಿರಾಕರಿಸಿದ್ದರಿಂದ, ಅದು ಸಭೆಯಲ್ಲಿ ಬಿದ್ದುಹೋಯಿತು ಮತ್ತು ಚುನಾವಣೆಗಳಿಗಾಗಿ H-1Bಹೆಚ್ಚಳವು ಅನುಮೋದನೆಯಾಗಲಿಲ್ಲ. ನೀತಿ ಪರಾಮರ್ಶೆ ಮುಗಿದ ನಂತರ H-1B ಕೋಟಾ ಮಿತಿಗಳನ್ನು ತಪ್ಪಿಸಲು,U.Sಹೊರಗೆ ಒಂದು ವರ್ಷವನ್ನು ಕಳೆದ ವ್ಯಕ್ತಿಗಳು ಮತ್ತು ಅವರ ಇಡೀ ಆರು ವರ್ಷಗಳ ಕಾಲಾವಧಿಯನ್ನು ಖರ್ಚುಮಾಡಿರದಿದ್ದರೆ, ಆರಂಭಿಕ ಆರು ವರ್ಷಗಳ ಕಾಲಾವಧಿಯ ಮಿಕ್ಕಭಾಗಕ್ಕೆ ಮರುಪ್ರವೇಶಕ್ಕೆ ಆಯ್ಕೆಮಾಡಿಕೊಳ್ಳಬಹುದು ಎಂದು ಸ್ಪಷ್ಟನೆ ನೀಡುತ್ತಿರುವುದಾಗಿ USCISಪ್ರಕಟಿಸಿತು.[೫೯] ನೀತಿ ಪರಾಮರ್ಶೆ ಪೂರ್ಣಗೊಂಡ ನಂತರ, H-1B ವಿದೇಶೀಯರಿಗೆ ಅನ್ವಯವಾಗುವ ಆರು ವರ್ಷಗಳ ಗರಿಷ್ಠ ಅವಧಿಯ ಪ್ರವೇಶದ ವಿರುದ್ಧ H-4 ಸ್ಥಾನಮಾನದಲ್ಲಿ ಕಳೆದ ಯಾವುದೇ ಅವಧಿ ಲೆಕ್ಕಕ್ಕೆ ಬರುವುದಿಲ್ಲ ಎಂದು ಸ್ಪಷ್ಟನೆ ನೀಡುವುದಾಗಿ USCISಪ್ರಕಟಿಸಿತು.[೫೯] 2007 ಮೇ 24ರಂದು ಸೆನೆಟ್ ಸಮಗ್ರ ವಲಸೆ ಸುಧಾರಣೆ ಮಸೂದೆಯನ್ನು ಪರಿಗಣಿಸಿತು. ಇದರಲ್ಲಿ USCISವಿದ್ಯಾರ್ಥಿವೇತನ ಮತ್ತು ತರಬೇತಿ ಶುಲ್ಕವನ್ನು 1500ಡಾಲರ್ನಿಂದ 8500ಡಾಲರ್ಗೆ ಹೆಚ್ಚಿಸುವ ಸ್ಯಾಂಡರ್ಸ್ ಅಮೆಂಡ್ಮೆಂಟ್(ಸ್ಯಾಂಡರ್ಸ್ ತಿದ್ದುಪಡಿ)ಕೂಡ ಒಳಗೊಂಡಿದೆ(25ಕ್ಕಿಂತ ಹೆಚ್ಚು ಪೂರ್ಣಾವಧಿ ಕೆಲಸ ಮಾಡುವ ನೌಕರರಿಂದ ಕೂಡಿದ H-1B ಮಾಲೀಕರು).[೬೦][೬೧] ಹೆಚ್ಚುವರಿ ಶುಲ್ಕವನ್ನು ಇತರೆ ಅಸ್ತಿತ್ವದಲ್ಲಿರುವ ಶುಲ್ಕಗಳೊಂದಿಗೆ ತರಬೇತಿ ಮತ್ತು ವಿದ್ಯಾರ್ಥಿವೇತನ ಕಾರ್ಯಕ್ರಮಗಳಿಗೆ ಬಳಸಲಾಗುವುದು. ಸೆನೆಟ್ ಸದಸ್ಯ ಸ್ಯಾಂಡರ್ಸ್ ತಮ್ಮ ತಿದ್ದುಪಡಿಯ ಬೆಂಬಲಿಗರಲ್ಲಿ ಟೀಮ್ಸ್ಟರ್ಸ್ ಯೂನಿಯನ್ ಮತ್ತು AFL-CIOಅವರನ್ನು ಪಟ್ಟಿಮಾಡಿದರು. ತಿದ್ದುಪಡಿಯಿಲ್ಲದಿದ್ದರೆ, ಕುಶಲಿ ಮಧ್ಯಮ ವರ್ಗ ಮತ್ತು ಮೇಲು ಮಧ್ಯಮ ವರ್ಗದ ಅಮೆರಿಕನ್ನರಿಗೆ ನೋವಾಗುತ್ತದೆ ಮತ್ತು ಅವರ ವೇತನಗಳನ್ನು ಅದುಮುವ ಪ್ರವೃತ್ತಿ ಮುಂದುವರಿಯುತ್ತದೆ ಎಂದು ಸೆನೆಟ್ ಸದಸ್ಯ ಸ್ಯಾಂಡರ್ಸ್ (I-VT)ಹೇಳಿದ್ದಾರೆ. ಮತದಾನಕ್ಕೆ ಸ್ವಲ್ಪ ಮುಂಚೆ,ತಾವು ತಿದ್ದುಪಡಿಗೆ ಬದಲಾವಣೆಗಳನ್ನು ಮಾಡಿದ್ದು, H-1B ವೀಸಾಗಳ ಶುಲ್ಕವನ್ನು ಮುಂಚೆ ಪ್ರಸ್ತಾಪಿಸಿದ 8500ಡಾಲರ್ಗಳಿಂದ 5000 ಡಾಲರ್ಗಳಿಗೆ ಇಳಿಸಿರುವುದಾಗಿ ಸೆನೆಟ್ ಸದಸ್ಯ ಸ್ಯಾಂಡರ್ಸ್ ಪ್ರಕಟಿಸಿದರು. ಸೆನೆಟ್ ಸದಸ್ಯ ಸ್ಯಾಂಡರ್ಸ್ ಪ್ರಕಟಣೆಯಿಂದ, ಸೆನೆಟ್ ಸದಸ್ಯರಾದ ಕೆನೆಡಿ ಮತ್ತು ಸ್ಪೆಕ್ಟರ್ ಮಸೂದೆಗೆ ತಮ್ಮ ಬೆಂಬಲವನ್ನು ವ್ಯಕ್ತಪಡಿಸಿದರು ಮತ್ತು ತಿದ್ದುಪಡಿಯು 59-35 ಮತಗಳಿಂದ ಅನುಮೋದನೆಯಾಯಿತು.[೬೨] ಸ್ಯಾಂಡರ್ಸ್ ತಿದ್ದುಪಡಿಯ ಅನುಮೋದನೆಯು ಹೊರಗುತ್ತಿಗೆಯನ್ನು ವರ್ಧಿಸುತ್ತದೆ ಮತ್ತು U.S.ಆರ್ಥಿಕ ಬೆಳವಣಿಗೆಯನ್ನು ಕುಂಠಿತಗೊಳಿಸುತ್ತದೆ ಎಂದು U.S.ತಾಂತ್ರಿಕ ಕಂಪೆನಿಗಳ ಮೈತ್ರಿಕೂಟ ಕಾಂಪೀಟ್ ಅಮೆರಿಕ ವರದಿಮಾಡಿತು." ಸಂಚಿತ ನೈಸರ್ಗಿಕ ಸಂಪನ್ಮೂಲಗಳ ಕಾಯಿದೆ, 2008 ಇತರೆ ವಿಷಯಗಳ ನಡುವೆ, ಉತ್ತರ ಮಾರಿಯಾನಾ ದ್ವೀಪಗಳ ಕಾಮನ್ವೆಲ್ತ್ನಲ್ಲಿ ವಲಸೆಯನ್ನು ಫೆಡರಲ್ ವ್ಯಾಪ್ತಿಗೆ ತಂದಿತು ಮತ್ತು ಪರಿವರ್ತನೆ ಅವಧಿಯಲ್ಲಿ CNMI ಮತ್ತು ಗಾಮ್ನ H ವೀಸಾ ವರ್ಗದಲ್ಲಿ ಅರ್ಹ ನೌಕರರಿಗೆ ಸಾಂಖ್ಯಿಕ ಮಿತಿಗಳು ಅನ್ವಯವಾಗುವುದಿಲ್ಲ ಎಂದು ನಮೂದಿಸಿತು.[೬೩] 2009ರ ಫೆಬ್ರವರಿ 17ರಂದು, ಅಮೆರಿಕ ರಿಕವರಿ ಎಂಡ್ ರಿಇನ್ವೆಸ್ಟ್ಮೆಂಟ್ ಆಕ್ಟ್ ಆಫ್ 2009 (“ಉತ್ತೇಜನ ಮಸೂದೆ”)ಗೆ ಕಾನೂನಾಗಿ ಸಹಿಮಾಡಿದರು. ಸಾರ್ವಜನಿಕ ಕಾನೂನು 111-5.[೬೪] ARRAದ 1661ನೇ ಖಂಡವು ಸೆನೆಟ್ ಸದಸ್ಯರಾದ ಸ್ಯಾಂಡರ್ಸ್(I-Vt.) ಮತ್ತು ಗ್ರಾಸ್ಲಿ(R-ಲೋವಾ) ಅವರಿಂದ ಎಂಪ್ಲಾಯ್ ಅಮೆರಿಕನ್ ವರ್ಕರ್ಸ್ ಆಕ್ಟ್ ಒಳಗೊಂಡಿದೆ. ಕೆಲವು ಬ್ಯಾಂಕುಗಳು ಮತ್ತು ಇತರೆ ಹಣಕಾಸು ಸಂಸ್ಥೆಗಳು H-1B ನೌಕರರನ್ನು ನೇಮಿಸಿಕೊಳ್ಳುವಾಗ ಅವರಷ್ಟೇ ಅರ್ಹತೆ ಪಡೆದ ಅಥವಾ ಅವರಿಗಿಂತ ಹೆಚ್ಚಿನ ಅರ್ಹತೆಯ US ನೌಕರರಿಗೆ ಸ್ಥಾನಗಳನ್ನು ನೀಡುವ ಪ್ರಸ್ತಾಪ ಮಾಡದೇ ನೇಮಕ ಮಾಡುವುದಕ್ಕೆ ಇದರಲ್ಲಿ ಮಿತಿ ವಿಧಿಸಲಾಗಿದೆ ಹಾಗು USನೌಕರರನ್ನು ತೆಗೆದ ಉದ್ಯೋಗಗಳಲ್ಲಿ H-1Bನೌಕರರನ್ನು ನೇಮಿಸಿಕೊಳ್ಳುವುದಕ್ಕೆ ಬ್ಯಾಂಕುಗಳಿಗೆ ತಡೆಯೊಡ್ಡುತ್ತವೆ. ಈ ನಿರ್ಬಂಧಗಳಲ್ಲಿ ಕೆಳಗಿನವು ಸೇರಿವೆ:
USCIS (U.S. ಪೌರತ್ವ & ವಲಸೆ ಸೇವೆಗಳು) ಇತ್ತೀಚೆಗೆ 2010 ಜನವರಿ 8ರ ದಿನಾಂಕದ ಮೆಮೊರಾಂಡಾ Archived 2010-02-14 ವೇಬ್ಯಾಕ್ ಮೆಷಿನ್ ನಲ್ಲಿ.(ನಿವೇದನ ಪತ್ರ)ವನ್ನು ಪ್ರಕಟಿಸಿತು. ಅರ್ಜಿದಾರ(ಮಾಲೀಕ)ಮತ್ತು ಫಲಾನುಭವಿ(ಸಂಭವನೀಯ ವೀಸಾ ಧಾರಕ)ರ ನಡುವೆ ಸ್ಪಷ್ಟವಾದ ನೌಕರ ಮತ್ತು ಮಾಲೀಕ ಸಂಬಂಧವಿರಬೇಕೆಂದು ಮೆಮೊರಾಂಡಾ ಪರಿಣಾಮಕಾರಿಯಾಗಿ ತಿಳಿಸಿದೆ. ಇದು ಮಾಲೀಕರು ಯಾವ ಪ್ರಕಾರವಾಗಿ ನಡೆದುಕೊಳ್ಳಬೇಕೆಂದು ರೂಪರೇಖೆ ನೀಡುತ್ತದೆ ಮತ್ತು ಕ್ರಮಬದ್ಧ ಸಂಬಂಧ ಅಸ್ತಿತ್ವದಲ್ಲಿದೆಯೆಂಬ ಮಾಲೀಕರ ಪ್ರತಿಪಾದನೆಗೆ ಬೆಂಬಲವಾಗಿ ದಾಖಲೆ ಅಗತ್ಯಗಳನ್ನು ಮುಂದಿಡುತ್ತದೆ. ಇದು ಸಣ್ಣ ಉತ್ಪಾದನೆ ಉದ್ಯಮಗಳನ್ನು "ಪರಿಣಾಮಕಾರಿಯಾಗಿ ನಾಶಗೊಳಿಸಿದೆ"ಎಂದು ಕೆಲವರು ವಾದಿಸುತ್ತಾರೆ. ಇದರಿಂದ ಅನುಮತಿ ನೀಡಿದ ವೀಸಾ ಅರ್ಜಿಗಳ ಸಂಖ್ಯೆ ಕುಸಿದಿರುವುದು ಸ್ಪಷ್ಟವಾಗಿದೆ(ಅಥವಾ ಪೂರ್ಣ ಕೋಟಾವನ್ನು ಮುಟ್ಟಲು ಇದು ಎಂದಿಗಿಂತ ನಿಧಾನವಾಗಿದೆ). ಕಾರ್ಯಕ್ರಮವನ್ನು ತಡೆಹಿಡಿಯುವಂತೆ ಸರಳವಾದ ರಾಜಕೀಯ ಒತ್ತಡದ ಫಲಿತಾಂಶವೇ ಅಥವಾ ನೈಜ ಆರ್ಥಿಕ ವಾಸ್ತವತೆಗಳ ಸುದೀರ್ಘಾವಧಿಯ ಫಲಿತಾಂಶವೇ ಎನ್ನುವುದು ಸ್ಪಷ್ಟವಾಗಿಲ್ಲ. ಮೆಮೊರಾಂಡಾ ಕ್ರಮಬದ್ಧ ನೌಕರ, ಮಾಲೀಕ ಸಂಬಂಧವೆಂದು ಯಾವುದನ್ನು ಪರಿಗಣಿಸಬೇಕು ಮತ್ತು ಯಾವುದನ್ನು ಪರಿಗಣಿಸಬಾರದು ಎಂಬ ಬಗ್ಗೆ ಸ್ಪಷ್ಟ ಉದಾಹರಣೆಗಳನ್ನು ನೀಡುತ್ತದೆ".
ಸಾಫ್ಟ್ವೇರ್ ಎಂಜಿನಿಯರ್ ಪ್ರಕರಣದಲ್ಲಿ ಅರ್ಜಿದಾರ(ಮಾಲೀಕ) ನಿಸ್ಸಂದಿಗ್ಧವಾಗಿ ಕೆಳಗಿನ ಕೆಲವನ್ನು ಇತರೆ ಕೆಲಸಗಳ ನಡುವೆ ನಿರ್ವಹಿಸಲು ಒಪ್ಪಿಕೊಳ್ಳಬೇಕು.
ಈ ಅಂಶಗಳನ್ನು ಹೇಗೆ ತೂಕ ಮಾಡಬೇಕು ಎನ್ನುವಲ್ಲಿ "ಸಾಮಾನ್ಯ ಕಾನೂನು ಸಂದರ್ಭಕ್ಕೆ ಹೊಂದಿಕೊಳ್ಳುತ್ತದೆ" ಎಂದು ಅದು ಹೇಳುತ್ತದೆ. ಈ ಮೆಮೋರಾಂಡಾ ಕಾನೂನಿನ ಪ್ರಕರಣಗಳನ್ನು ಉದಾಹರಿಸುತ್ತದೆ ಮತ್ತು ಉದಾಹರಣೆಗಳನ್ನು ಒದಗಿಸುತ್ತದೆ. ಇಂತಹ ಮೆಮೋರಾಂಡಾ ಸ್ವತಃ ಕಾನೂನಲ್ಲ. ಏಕೆಂದರೆ ಇದನ್ನು ಬದಲಾಯಿಸುವ ನಂತರದ ಮೆಮೊರಾಂಡಾಗಳನ್ನು ಸುಲಭವಾಗಿ ನೀಡಬಹುದು.
H-1B ವೀಸಾಗಳ ಜತೆಯಲ್ಲಿ, ವೈವಿಧ್ಯಮಯ ವೀಸಾ ವರ್ಗಗಳಿದ್ದು, ವಿದೇಶಿ ನೌಕರರು U.S.ಗೆ ಆಗಮಿಸಿ ಕೆಲವು ಕಾಲದವರೆಗೆ ಕೆಲಸ ಮಾಡಲು ಅವಕಾಶ ನೀಡುತ್ತದೆ. ಒಂದು ಸಂಸ್ಥೆಯ ವಿದೇಶಿ ನೌಕರರಿಗೆ L-1 ವೀಸಾ ನೀಡಲಾಗುತ್ತದೆ. ಇತ್ತೀಚಿನ ನಿಯಮಗಳ ಅನ್ವಯ, ವೀಸಾ ಪಡೆಯುವುದಕ್ಕೆ ಮುಂಚಿತವಾಗಿ ಮೂರು ವರ್ಷಗಳ ಪೈಕಿ ಕನಿಷ್ಟ ಒಂದು ವರ್ಷ ವಿದೇಶಿ ನೌಕರ ಸಂಸ್ಥೆಯಲ್ಲಿ ದುಡಿದಿರಬೇಕು. ಕಂಪೆನಿಯ ತಂತ್ರಗಳು ಮತ್ತು ವಿಧಿವಿಧಾನಗಳ ಬಗ್ಗೆ ವಿಶೇಷ ಜ್ಞಾನ ಹೊಂದಿರುವ ಆಧಾರದ ಮೇಲೆ ಅಮೆರಿಕ ಸಂಯುಕ್ತ ಸಂಸ್ಥಾನಕ್ಕೆ ತಾತ್ಕಾಲಿಕವಾಗಿ ವರ್ಗಾವಣೆಯಾದ ವಲಸೆರಹಿತ ನೌಕರರಿಗೆ L-1B ವೀಸಾ ಸೂಕ್ತವಾಗಿದೆ. ಜನರನ್ನು ಅಥವಾ ಕಂಪೆನಿಯ ಅವಶ್ಯಕ ಕಾರ್ಯಚಟುವಟಿಕೆಗಳನ್ನು ನಿರ್ವಹಿಸುವ ವ್ಯವಸ್ಥಾಪಕರು ಅಥವಾ ಕಾರ್ಯನಿರ್ವಾಹಕರಿಗೆ L-1A ವೀಸಾ ನೀಡಲಾಗುತ್ತದೆ. L-1ವೀಸಾ ಧಾರಕರಿಗೆ ಚಾಲ್ತಿಯಲ್ಲಿರುವ ವೇತನಗಳನ್ನು ನೀಡುವ ಅವಶ್ಯಕತೆಯಿರುವುದಿಲ್ಲ. ಕೆನಡಾದ ನಿವಾಸಿಗಳಿಗೆ ವಿಶೇಷ L ವೀಸಾ ವರ್ಗದ ಲಭ್ಯತೆಯಿದೆ. TN-1 ವೀಸಾಗಳು ಉತ್ತರ ಅಮೆರಿಕ ಮುಕ್ತ ವ್ಯಾಪಾರ ಒಪ್ಪಂದ(NAFTA)ದ ಭಾಗವಾಗಿದ್ದು, ಕೆನಡಾ ಮತ್ತು ಮೆಕ್ಸಿಕೊದ ಪ್ರಜೆಗಳಿಗೆ ನೀಡಲಾಗುತ್ತದೆ.[೬೬] ನಾಫ್ಟಾ ಒಪ್ಪಂದ ನಿರ್ಧರಿಸುವ ಉದ್ಯೋಗಗಳ ಪೂರ್ವನಿರ್ಧರಿತ ಪಟ್ಟಿಯಲ್ಲಿ ಸೇರುವ ನೌಕರರಿಗೆ ಮಾತ್ರ TN ವೀಸಾಗಳು ಲಭ್ಯವಾಗುತ್ತವೆ. TN ವೀಸಾಗೆ ನಿರ್ದಿಷ್ಟ ಅರ್ಹತೆ ಅಗತ್ಯಗಳು Archived 2005-12-03 ವೇಬ್ಯಾಕ್ ಮೆಷಿನ್ ನಲ್ಲಿ. ಇರುತ್ತವೆ. ಆಸ್ಟ್ರೇಲಿಯ ಮುಕ್ತ ವ್ಯಾಪಾರ ಒಪ್ಪಂದದ ಅನ್ವಯ ಆಸ್ಟ್ರೇಲಿಯದ ಪೌರರಿಗೆ E-3 ವೀಸಾ ನೀಡಲಾಗುತ್ತದೆ. H-1B1ವೀಸಾಗಳನ್ನು ಚಿಲಿ ಮತ್ತು ಸಿಂಗಪುರದ ನಿವಾಸಿಗಳಿಗೆ ತಿದ್ದುಪಡಿಯಾದ NAFTA ಒಪ್ಪಂದದ ಅನ್ವಯ ವಿತರಿಸಲಾಗುತ್ತದೆ. ಉದ್ಯೋಗದ ವೀಸಾದ ಒಂದು ಇತ್ತೀಚಿನ ಪ್ರವೃತ್ತಿಯಲ್ಲಿ ವಿವಿಧ ರಾಷ್ಟ್ರಗಳು ಒಪ್ಪಂದದ ಮಾತುಕತೆಗಳ ಭಾಗವಾಗಿ ತಮ್ಮ ರಾಷ್ಟ್ರೀಯರಿಗೆ ವಿಶೇಷ ಆದ್ಯತೆ ನೀಡಲು ಪ್ರಯತ್ನಿಸುತ್ತವೆ. ಇನ್ನೊಂದು ಪ್ರವೃತ್ತಿಯು ಪ್ರತ್ಯೇಕ ಮತದಾನವನ್ನು ಜತೆಗೂಡುವ ವಿವಾದವನ್ನು ತಪ್ಪಿಸುವುದಕ್ಕಾಗಿ ದೊಡ್ಡ ಅಧಿಕಾರ ಅಥವಾ ಬಹ್ವಂಶಕ ಮಸೂದೆಗಳ ಸಂಗ್ರಹದಲ್ಲಿ ಹುದುಗಿರುವ ವಲಸೆ ಕಾನೂನಿನಲ್ಲಿ ಬದಲಾವಣೆಗಳು. H-2B ವೀಸಾ: The H-2Bವಲಸೆರಹಿತ ಕಾರ್ಯಕ್ರಮವು ತಾತ್ಕಾಲಿಕ ಕೃಷಿಯೇತರ ಕೆಲಸ ನಿರ್ವಹಿಸಲು U.S.ಗೆ ಬರುವಂತೆ ವಿದೇಶಿ ನೌಕರರನ್ನು ನೇಮಿಸಿಕೊಳ್ಳಲು ಮಾಲೀಕರಿಗೆ ಅನುಮತಿ ನೀಡುತ್ತದೆ. ಇದು ಒಂದು ಬಾರಿಯ, ಋತುಮಾನದ, ಗರಿಷ್ಠ ಪ್ರಮಾಣದ ಮತ್ತು ಮರುಕಳಿಸುವ ರೀತಿಯಲ್ಲಿರುತ್ತದೆ. H-2Bಸ್ಥಾನಮಾನ ಸ್ವೀಕರಿಸುವ ವಿದೇಶಿ ನೌಕರರ ಸಂಖ್ಯೆಯಲ್ಲಿ ಪ್ರತಿ ವರ್ಷ 66,000 ಮಿತಿಯನ್ನು ಹೇರಲಾಗುತ್ತದೆ. H-1B ವೀಸಾಗೆ ಪರ್ಯಾಯಗಳು:
H-1Bವೀಸಾ ಧಾರಕರು ತಮ್ಮ ನಿಕಟ ಕುಟುಂಬ ಸದಸ್ಯರನ್ನು(21ವಯಸ್ಸಿಗಿಂತ ಕೆಳಗಿರುವ ಪತಿ/ಪತ್ನಿ ಮತ್ತು ಮಕ್ಕಳು)ಅವಲಂಬಿತರಾಗಿ H4 ವೀಸಾವರ್ಗದ ಅನ್ವಯ ಅಮೆರಿಕ ಸಂಯುಕ್ತ ಸಂಸ್ಥಾನಕ್ಕೆ ಕರೆತರಲು ಅವಕಾಶ ನೀಡಲಾಗುತ್ತದೆ. H4 ವೀಸಾಧಾರಕರು ಕಾನೂನಿನ ಸ್ಥಾನಮಾನದಲ್ಲಿ H-1B ವೀಸಾ ಧಾರಕರು ಉಳಿಯುವವರೆಗೆ U.S .ನಲ್ಲಿ ಉಳಿಯಬಹುದು. H4 ವೀಸಾ ಹೊಂದಿರುವವರು U.S. ನಲ್ಲಿ ಉದ್ಯೋಗ ಮಾಡಲು ಅರ್ಹತೆ ಪಡೆಯುವುದಿಲ್ಲ ಮತ್ತು ಸೋಷಿಯಲ್ ಸೆಕ್ಯೂರಿಟಿ ನಂಬರ್ (SSN)(ಸಾಮಾಜಿಕ ಭದ್ರತಾ ಸಂಖ್ಯೆ)ಗೆ ಅರ್ಹತೆ ಪಡೆಯುವುದಿಲ್ಲ.[೬೭] H4 ವೀಸಾಹೊಂದಿರುವವರು ಶಾಲೆಯಲ್ಲಿ ಕಲಿಯಬಹುದು, ಚಾಲಕ ಪರವಾನಗಿಯನ್ನು ಪಡೆಯಬಹುದು ಮತ್ತು US.ನಲ್ಲಿ ಬ್ಯಾಂಕ್ ಖಾತೆಯನ್ನು ಹೊಂದಬಹುದು. ಅವಲಂಬಿತ ಆದಾಯ ತೆರಿಗೆ ವಿವರ ಸಲ್ಲಿಕೆಗೆ ಅಥವಾ ಜಂಟಿ ಆದಾಯ ತೆರಿಗೆ ವಿವರ ಸಲ್ಲಿಸಲು ಅವಲಂಬಿತರು ವೈಯಕ್ತಿಕ ತೆರಿಗೆ ಗುರುತಿನ ಸಂಖ್ಯೆ(ITIN)ಪಡೆಯಬೇಕಾಗುತ್ತದೆ ಮತ್ತು ಅದನ್ನು ಆದಾಯ ತೆರಿಗೆ ವಿವರ ಸಲ್ಲಿಸುವ ಉದ್ದೇಶಗಳಿಗೆ ಮಾತ್ರ ಬಳಸಬೇಕು.
ಚಿತ್ರ:H1b demographics.jpg |
USನಲ್ಲಿ H-1Bವೀಸಾ ಕುರಿತು ಎಲ್ಲಾ ಕಂಪ್ಯೂಟರ್ ವ್ಯವಸ್ಥೆ ವಿಶ್ಲೇಷಕರು ಮತ್ತು ಪ್ರೋಗ್ರಾಮರ್ಗಳ ಪೈಕಿ ಶೇಕಡ 74 ಮಂದಿ ಏಷ್ಯಾದಿಂದ ಆಗಮಿಸಿದವರು. ಅಮೆರಿಕ ಸಂಯುಕ್ತ ಸಂಸ್ಥಾನಕ್ಕೆ ಏಷ್ಯಾದ ITವೃತ್ತಿಪರರ ದೊಡ್ಡ ಪ್ರಮಾಣದ ವಲಸೆಯಿಂದ ವಿದೇಶದ ಹೊರಗುತ್ತಿಗೆ ಉದ್ಯಮವು ತಕ್ಷಣವೇ ಹೊಮ್ಮಲು ಮುಖ್ಯ ಕಾರಣವಾಗಿದೆ ಎಂದು ಉದಾಹರಿಸಲಾಗಿದೆ.[೬೮]
2006ರಲ್ಲಿ ಈ ಸಂಸ್ಥೆಗಳಿಗೆ ಒಟ್ಟಾಗಿ ಅನುಮತಿ ನೀಡಿದ 65,000ವೀಸಾಗಳ ಪೈಕಿ 19,512ವೀಸಾಗಳನ್ನು ವಿತರಿಸಲಾಗಿದ್ದು, 4ಹೊರಗುತ್ತಿಗೆ ಸಂಸ್ಥೆಗಳು H-1B ವೀಸಾಗಳನ್ನು ಪಡೆದ ಅಗ್ರ ಸಂಸ್ಥೆಗಳಾಗಿವೆ. ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿರುವ ಸಂಸ್ಥೆಗಳ ಪೈಕಿ ಕೆಲವು ಹೆಸರಾಂತ ಹೊರಗುತ್ತಿಗೆ ಸಂಸ್ಥೆಗಳಾಗಿವೆ:ಇನ್ಫೋಸಿಸ್, ಸತ್ಯಂ ಕಂಪ್ಯೂಟರ್ ಸರ್ವೀಸಸ್, ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್ ಮತ್ತು ವಿಪ್ರೊ ಟೆಕ್ನಾಲಜೀಸ್ ಈ ಹೊರಗುತ್ತಿಗೆ ಸಂಸ್ಥೆಗಳಿಗೆ H-1B ವೀಸಾಗಳನ್ನು ನೀಡುವುದು H-1Bವೀಸಾ ಕಾರ್ಯಕ್ರಮದ ನಿಜವಾದ ಉದ್ದೇಶವಲ್ಲ ಎಂದು ಕೆಲವು ಟೀಕಾಕಾರರು ವಾದಿಸಿದ್ದಾರೆ.[೬೯][೭೦] ಇದಕ್ಕೆ ನೀಡಿರುವ ಒಂದು ಕಾರಣ:ಭಾರತದ ಸಂಸ್ಥೆಗಳು ನಿಬಂಧನೆಗಳನ್ನು ಉಲ್ಲಂಘಿಸಿ ವೀಸಾಗಳನ್ನು U.S.ನಲ್ಲಿರುವ ನೌಕರರ ತರಬೇತಿಗೆ ಬಳಸಿಕೊಂಡು, ಹೊರದೇಶದಲ್ಲಿ ಉದ್ಯೋಗಗಳನ್ನು ಬದಲಿಸಲು ಅನುಕೂಲ ಮಾಡಿಕೊಡುತ್ತವೆ ಎಂದು ಟೀಕಾಕಾರರು ವಾದಿಸಿದ್ದಾರೆ.[೬೯] 2006ರಲ್ಲಿ ವಿಪ್ರೊ 20,000 H-1B ವೀಸಾಗಳಿಗೆ,160ಗ್ರೀನ್ ಕಾರ್ಡ್ಗಳಿಗೆ ಅರ್ಜಿ ಸಲ್ಲಿಸಿತು ಮತ್ತು ಇನ್ಫೋಸಿಸ್ 20,000 H-1B ವೀಸಾಗಳಿಗೆ ಮತ್ತು ಕೇವಲ 50ಗ್ರೀನ್ ಕಾರ್ಡ್ಗಳಿಗೆ ಅರ್ಜಿ ಸಲ್ಲಿಸಿತು. ಅರ್ಜಿ ಸಲ್ಲಿಸಿದ H-1Bವೀಸಾಗಳ ಪೈಕಿ, ವಿಪ್ರೊ ಮತ್ತು ಇನ್ಫೋಸಿಸ್ಗೆ ಕ್ರಮವಾಗಿ 4002 ಮತ್ತು 4,108ವೀಸಾಗಳಿಗೆ ಅನುಮತಿ ನೀಡಲಾಗಿದ್ದು, ಅನುಮತಿ ದರವು 20% ಮತ್ತು 24%ರಷ್ಟಾಗಿದೆ.[೭೧] ಎರಡೂ ಕಂಪೆನಿಗಳು ಅಂದಾಜು 100,000ನೌಕರ ಬಲವನ್ನು ಹೊಂದಿರುವುದರೊಂದಿಗೆ, U.S. ಉದ್ಯೋಗ ನೆಲೆಯು ಸರಿಸುಮಾರು20,000H-1B ಧಾರಕರನ್ನು ಹೊಂದಿದೆ. ಇದು ಸರಿಸುಮಾರು ಇನ್ಫೋಸಿಸ್ ಮತ್ತು ವಿಪ್ರೋದ ನೌಕರಬಲದಲ್ಲಿ ಸರಿಸುಮಾರು 1/5ರಷ್ಟು ನೌಕರರು 2006ರಲ್ಲಿ ವೀಸಾಗೆ ಅರ್ಜಿ ಸಲ್ಲಿಸಿದ್ದಾರೆಂದು ಸೂಚಿಸುತ್ತದೆ.[೭೨] 2009ನೇ ಬಿಸಿನೆಸ್ ವೀಕ್ ಲೇಖನವು ಕಂಪ್ಯೂಟರ್ ವರ್ಲ್ಡ್ ಲೇಖನವನ್ನು ಉದಾಹರಿಸಿ, ವಿಪ್ರೋ 1964ವೀಸಾಗಳೊಂದಿಗೆ ಈ ಕಾರ್ಯಕ್ರಮವನ್ನು ಅತ್ಯಧಿಕವಾಗಿ ಬಳಸಿಕೊಂಡಿರುವುದಾಗಿ ಸೂಚಿಸಿದೆ.[೭೩] ಟೀಕಾಕಾರರು ಈ ಪ್ರವೃತ್ತಿಯ ವಿರುದ್ಧ ವಾದ ಮಂಡಿಸಿದ್ದು, ಅಮೆರಿಕದಲ್ಲಿ ಅರ್ಹ ನೌಕರರ ಅಭಾವವಿಲ್ಲ ಎಂದು ತಿಳಿಸಿದ್ದಾರೆ.[೭೪] 2009ರಲ್ಲಿ ವಿಶ್ವವ್ಯಾಪಿ ಆರ್ಥಿಕ ಹಿಂಜರಿತದಿಂದ, ಹೊರಗುತ್ತಿಗೆ ಸಂಸ್ಥೆಗಳು H1B ವೀಸಾಗಳಿಗೆ ಸಲ್ಲಿಸಿದ ಅರ್ಜಿಗಳು ಹಿಂದಿನ ವರ್ಷಗಳಿಗಿಂತ ಗಮನಾರ್ಹವಾಗಿ ಕಡಿಮೆಯಾಗಿತ್ತು.[೭೫]
[೬೯][೭೦][೭೨][೭೩] | |||||
ಶ್ರೇಣಿ | ಕಂಪನಿ | ಕೇಂದ್ರ ಕಾರ್ಯಾಲಯ | ಮುಖ್ಯ ಉದ್ಯೋಗ ನೆಲೆ | 2006ರಲ್ಲಿ ಸ್ವೀಕರಿಸಿದ H-1Bಗಳು | 2009ರಲ್ಲಿ ಅನುಮೋದಿಸಿದ H-1Bಗಳು |
1, 8 | ಇನ್ಫೋಸಿಸ್ | ಬೆಂಗಳೂರು, ಕರ್ನಾಟಕ, ಭಾರತ | ಭಾರತ | 4,908 | 440 |
2, 1 | ವಿಪ್ರೊ | ಬೆಂಗಳೂರು, ಕರ್ನಾಟಕ, ಭಾರತ | ಭಾರತ | 4,002 | 1964 |
3, 2 | ಮೈಕ್ರೋಸಾಫ್ಟ್ | ರೆಡ್ಮಂಡ್, ವಾಷಿಂಗ್ಟನ್ | US | 3,117 | 1,318 |
4 | ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್ | ಮುಂಬಯಿಮುಂಬಯಿ, ಮಹಾರಾಷ್ಟ್ರ, ಭಾರತ | ಭಾರತ | 3,046 | |
5, 22 | ಸತ್ಯಂ ಕಂಪ್ಯೂಟರ್ ಸರ್ವೀಸಸ್ | ಹೈದರಾಬಾದ್, ಆಂಧ್ರ ಪ್ರದೇಶ, ಭಾರತ | ಭಾರತ | 2,880 | 219 |
6, 20 | ಕಾಗ್ನೈಜಂಟ್ | ಟೀನೆಕ್, ನ್ಯೂ ಜೆರ್ಸಿ[೭೬] | ಭಾರತ | 2,226 | 233 |
7, 5 | ಪತ್ನಿ ಕಂಪ್ಯೂಟರ್ ಸಿಸ್ಟಮ್ಸ್ | ಮುಂಬಯಿ, ಮಹಾರಾಷ್ಟ್ರ, ಭಾರತ | ಭಾರತ | 1,391 | 609 |
8, 4 | IBM (ಭಾರತ, ಖಾಸಗಿ ಲಿಮಿಟೆಡ್.) | ಆರ್ಮಾಂಕ್, ನ್ಯೂ ಯಾರ್ಕ್ | US | 1,130 | 695 |
9, 15 | ಒರೆಕಲ್ ಕಾರ್ಪೊರೇಷನ್ | ರೆಡ್ವುಡ್ ಶೋರ್ಸ್, ಕ್ಯಾಲಿಫೋರ್ನಿಯ | US | 1,022 | 272 |
10, 6 | ಲಾರ್ಸನ್ & ಟ್ಯೂಬ್ರೊ ಇನ್ಫೋಟೆಕ್ | ಮುಂಬಯಿ, ಮಹಾರಾಷ್ಟ್ರ, ಭಾರತ | ಭಾರತ | 947 | 602 |
, 3 | ಇಂಟೆಲ್ ಕಾರ್ಪೊರೇಷನ್ | ಸಾಂಟಾ ಕ್ಲಾರಾ, ಕ್ಯಾಲಿಫೋರ್ನಿಯ | US | 723 | |
, 7 | ಅರ್ನ್ಸ್ಟ್ & ಯಂಗ್LLP | ಲಂಡನ್, ಯುನೈಟೆಡ್ ಕಿಂಗ್ಡಮ್ | 481 | ||
, 8 | UST ಗ್ಲೋಬಲ್ | ಆಲಿಸೊ ವಿಯೇಜೊ, ಕ್ಯಾಲಿಫೋರ್ನಿಯ | 344 | ||
, 9 | DELOITTE CONSULTING LLP | ನ್ಯೂಯಾರ್ಕ್ಸಿಟಿ, ನ್ಯೂಯಾರ್ಕ್ | 328 | ||
10 | QUALCOMM INC | ಸಾನ್ ಡಿಯಾಗೋ, ಕ್ಯಾಲಿಫೋರ್ನಿಯಾ | 320 | ||
[೬೯][೭೦][೭೨] | |
ಶಾಲೆ | 2006ರಲ್ಲಿ ಸ್ವೀಕರಿಸಿದ H-1B ವೀಸಾಗಳು |
ನ್ಯೂಯಾರ್ಕ್ ಸಿಟಿ ಪಬ್ಲಿಕ್ ಸ್ಕೂಲ್ಸ್ | 642 |
ಮಿಚಿಗನ್ ವಿಶ್ವವಿದ್ಯಾನಿಲಯ | 437 |
ಚಿಕಾಗೊನಲ್ಲಿ ಯೂನಿವರ್ಸಿಟಿ ಆಫ್ ಇಲ್ಲಿನಾಯ್ಸ್ | 434 |
ಪೆನ್ಸಿಲ್ವೇನಿಯಾ ವಿಶ್ವವಿದ್ಯಾನಿಲಯ | 432 |
ಜಾನ್ಸ್ ಹಾಪ್ಕಿನ್ಸ್ ಯೂನಿವರ್ಸಿಟಿ ಸ್ಕೂಲ್ ಆಫ್ ಮೆಡಿಸಿನ್ | 432 |
ಮೆರಿಲ್ಯಾಂಡ್ ವಿಶ್ವವಿದ್ಯಾನಿಲಯ | 404 |
ಕೊಲಂಬಿಯ ಯುನಿವರ್ಸಿಟಿ | 355 |
ಯೆಲ್ ವಿಶ್ವವಿದ್ಯಾನಿಲಯ | 316 |
ಹಾರ್ವರ್ಡ್ ವಿಶ್ವವಿದ್ಯಾನಿಲಯ | 308 |
ಸ್ಟ್ಯಾನ್ ಫೋರ್ಡ್ ಯುನಿವರ್ಸಿಟಿ | 279 |
ಸೇಂಟ್ ಲೂಯಿಸ್ನ ವಾಷಿಂಗ್ಟನ್ ವಿಶ್ವವಿದ್ಯಾನಿಲಯ | 278 |
ಪಿಟ್ಸ್ಬರ್ಗ್ ವಿಶ್ವವಿದ್ಯಾನಿಲಯ | 275 |
[೬೯][೭೦][೭೨] | |
ಕಂಪನಿ | 2006ರಲ್ಲಿ ಪಡೆದ H-1Bಗಳು |
ಮೈಕ್ರೋಸಾಫ್ಟ್ | 3517 |
ಕಾಗ್ನೈಜೆಂಟ್ | 2226 |
IBM | 1130 |
ಒರೆಕಲ್ ಕಾರ್ಪೊರೇಷನ್ | 1022 |
ಸಿಸ್ಕೊ | 828 |
ಇಂಟೆಲ್ | 828 |
ಮೋಟೊರೋಲ | 760 |
ಕ್ವಾಲ್ಕಾಂ | 533 |
ಯಾಹೂ! | 347 |
ಹೆವ್ಲೆಟ್-ಪ್ಯಾಕರ್ಡ್ | 333 |
ಗೂಗಲ್ | 328 |
ಕ್ಸೇವಿಯೆಂಟ್ | 49 |
{{cite web}}
: Check date values in: |accessdate=
(help)
{{cite web}}
: Check date values in: |accessdate=
(help)
{{cite web}}
: Check date values in: |accessdate=
(help)
{{cite web}}
: Check date values in: |accessdate=
(help)
{{cite web}}
: Check date values in: |accessdate=
(help)
{{cite web}}
: Check date values in: |accessdate=
(help)
{{cite web}}
: Check date values in: |accessdate=
(help)
{{cite web}}
: Check date values in: |accessdate=
(help)
{{cite web}}
: Check date values in: |accessdate=
(help)
{{cite web}}
: Check date values in: |accessdate=
(help)
{{cite web}}
: Check date values in: |accessdate=
(help)[ಶಾಶ್ವತವಾಗಿ ಮಡಿದ ಕೊಂಡಿ]
{{cite web}}
: Check date values in: |accessdate=
(help)
{{cite web}}
: Check date values in: |accessdate=
(help)
{{cite web}}
: Check date values in: |accessdate=
(help)
{{cite web}}
: Check date values in: |accessdate=
(help)
ನೆವಾರ್ಕ್, NJವಿಮಾನನಿಲ್ದಾಣದಲ್ಲಿ H-1Bಪ್ರವೇಶಗಳ ಬಗ್ಗೆ ಸುಂಕ ಮತ್ತು ಗಡಿ ರಕ್ಷಣೆ ತನಿಖೆ ನಡೆಸಿತು.