ಉದಯ ಟಿವಿ ಸನ್ ಟಿವಿ ನೆಟ್ವರ್ಕ್ ಒಡೆತನದ ಭಾರತೀಯ ಕನ್ನಡ ಭಾಷೆಯ ಸಾಮಾನ್ಯ ಮನರಂಜನಾ ಪಾವತಿ ದೂರದರ್ಶನ ಚಾನೆಲ್ ಆಗಿದೆ. ಉದಯ ಟಿವಿ ಭಾರತ, ಕೆಲವು ಗಲ್ಫ್ ರಾಷ್ಟ್ರಗಳು ಮತ್ತು ಯುನೈಟೆಡ್ ಸ್ಟೇಟ್ಸ್ನಂತಹ ಹಲವಾರು ರಾಷ್ಟ್ರಗಳಲ್ಲಿ ಪ್ರಸಾರವಾಗುತ್ತದೆ. ಉದಯ ಟಿವಿಯನ್ನು ೧೯೯೪ರ ಜೂನ್ ೧ರಂದು ಪ್ರಾರಂಭಿಸಲಾಯಿತು.
ಉದಯ ಟಿವಿ | |
---|---|
ಪ್ರಾರಂಭ | ೧ ಜೂನ್ ೧೯೯೪ |
ಮಾಲೀಕರು | ಸನ್ ಟಿವಿ ನೆಟ್ವರ್ಕ್ |
ದೇಶ | ಭಾರತ |
ಭಾಷೆ | ಕನ್ನಡ |
ವಿತರಣಾ ವ್ಯಾಪ್ತಿ | ಭಾರತ, ಯುಎಇ ಮತ್ತು ಅಮೇರಿಕಾ, ಯುರೋಪ್ ಸ್ಯಾಟಲೈಟ್ ಟಿವಿ ಮೂಲಕ |
ಮುಖ್ಯ ಕಛೇರಿಗಳು | ಬೆಂಗಳೂರು, ಕರ್ನಾಟಕ |
ಮಿಂಬಲೆನೆಲೆ | ಉದಯಟಿವಿ TV ಸನ್ನೆಟ್ವರ್ಕ್.ಇನ್ |
ಉದಯ ಟಿವಿಯನ್ನು ೧೯೯೪ ಜೂನ್ ೧ರಂದು ತಮಿಳುನಾಡಿನ ಚೆನ್ನೈನಲ್ಲಿ ನೋಂದಾಯಿತ ಕಚೇರಿಯೊಂದಿಗೆ ದೂರದರ್ಶನ ಪ್ರಸಾರದಲ್ಲಿ ತೊಡಗಿಸಿಕೊಂಡಿರುವ ಖಾಸಗಿ ಲಿಮಿಟೆಡ್ ಕಂಪನಿಯಾಗಿ ಸಂಯೋಜಿಸಲಾಯಿತು. ಇದನ್ನು ಸನ್ ಟಿವಿಯ ಅಧ್ಯಕ್ಷರಾದ ಕಲಾನಿತಿ ಮಾರನ್ ಅವರು ಪ್ರಾರಂಭಿಸಿದರು. ಇದು ಪ್ರಸಾರವಾದ ಮೊದಲ ಕನ್ನಡ ಉಪಗ್ರಹ ವಾಹಿನಿ.
ಇದು ವೇಗವಾಗಿ ಬೆಳೆಯಿತು ಮತ್ತು ಮೇ ೨೦೦೦ ರ ಹೊತ್ತಿಗೆ ಉದಯ ಟಿವಿಯು ಕರ್ನಾಟಕ ರಾಜ್ಯದಲ್ಲಿ ಟಿವಿಯಲ್ಲಿ ೭೦% ಜಾಹೀರಾತು ವೆಚ್ಚವನ್ನು ವಶಪಡಿಸಿಕೊಂಡಿದೆ [೧]. ೨೦೦೦ ಮತ್ತು ೨೦೦೧ ರಲ್ಲಿ ಇದು ೨೦೦೧ರ ಅತ್ಯುತ್ತಮ ಕನ್ನಡ ಟಿವಿ ಚಾನೆಲ್ಗಾಗಿ ಇಂಡಿಯನ್ ಟೆಲಿವಿಷನ್ ಅಕಾಡೆಮಿಯ ಪ್ರಶಸ್ತಿಯನ್ನು ಗೆದ್ದುಕೊಂಡಿತು [೨]. ಇದು ವಿಶಾಕ ಎಫ್ಎಂ, ವಿಶಾಖಪಟ್ಟಣಂನಲ್ಲಿ ಎಫ್ಎಂ ಚಾನೆಲ್ ಅನ್ನು ಪ್ರಾರಂಭಿಸುವ ಮೂಲಕ ಎಫ್ಎಂ ರೇಡಿಯೊ ಪ್ರಸಾರಕ್ಕೆ ಮುನ್ನುಗ್ಗಿತು. ೨೦೦೪ರ ಆಗಸ್ಟ್ ೧ರವರೆಗೆ ಇದು ಉಚಿತ ಪ್ರಸಾರದ ಚಾನಲ್ ಆಗಿತ್ತು. ನಂತರ ಅದನ್ನು ರೂ.೧೮ ಚಂದಾದಾರಿಕೆ ಶುಲ್ಕದೊಂದಿಗೆ ಪಾವತಿ ಚಾನೆಲ್ ಆಗಿ ಮಾಡಲಾಯಿತು [೩].
ನವೆಂಬರ್ ೨೦೦೬ ರಲ್ಲಿ ಅದರ ಮಾಲೀಕ ಕಲಾನಿತಿ ಮಾರನ್ ಉದಯ ಟಿವಿ ಲಿಮಿಟೆಡ್ ಅನ್ನು ಸನ್ ಟಿವಿ ನೆಟ್ವರ್ಕ್ನೊಂದಿಗೆ ಜೆಮಿನಿ ಟಿವಿ ಲಿಮಿಟೆಡ್ ಜೊತೆಗೆ ಸನ್ ಟಿವಿ ನೆಟ್ವರ್ಕ್ನ ಐಪಿಒ ಪಟ್ಟಿಗಾಗಿ ವಿಲೀನಗೊಳಿಸಿದರು [೪].
ಉದಯ ಮೂವೀಸ್ ಭಾರತೀಯ ಕನ್ನಡ ಭಾಷೆಯ ಚಲನಚಿತ್ರ ಪಾವತಿ ದೂರದರ್ಶನ ಚಾನೆಲ್ ಆಗಿದೆ. ಇದು ಸನ್ ಟಿವಿ ನೆಟ್ವರ್ಕ್ನ ಒಂದು ಭಾಗವಾಗಿದೆ. ಇದನ್ನು ೨೫ ಮೇ ೨೦೦೦ ರಂದು ಉಷೆ ಟಿವಿ ಎಂದು ಪ್ರಾರಂಭಿಸಲಾಯಿತು ಮತ್ತು ನಂತರ ಉದಯ ಮೂವೀಸ್ ಎಂದು ಮರುನಾಮಕರಣ ಮಾಡಲಾಯಿತು.
ಉದಯ ಮ್ಯೂಸಿಕ್ ಕನ್ನಡ ಭಾಷೆಯ ಸಂಗೀತ ಪ್ರಸಾರ ಮಾಡುವ ಪಾವತಿ ದೂರದರ್ಶನ ಚಾನೆಲ್ ಆಗಿದೆ. ಇದು ಸನ್ ಟಿವಿ ನೆಟ್ವರ್ಕ್ ಒಡೆತನದಲ್ಲಿದೆ. ೨೦೦೬ರ ಫೆಬ್ರವರಿ ೫ರಂದು ಉದಯ ೨ ಎಂದು ಪ್ರಾರಂಭಿಸಲಾಯಿತು ಮತ್ತು ನಂತರ ಉದಯ ಮ್ಯೂಸಿಕ್ ಎಂದು ಮರುನಾಮಕರಣ ಮಾಡಲಾಯಿತು.
ಚಿಂಟು ಟಿವಿ ಭಾರತದ ಮೊದಲ ಕನ್ನಡ ಭಾಷೆಯ ಮಕ್ಕಳ ಪಾವತಿ ದೂರದರ್ಶನ ವಾಹಿನಿ ಆಗಿದೆ. ಸನ್ ಟಿವಿ ನೆಟ್ವರ್ಕ್ ಒಡೆತನದಲ್ಲಿದೆ. ೩ ರಿಂದ ೧೪ ವರ್ಷದೊಳಗಿನ ಮಕ್ಕಳು ಈ ವಾಹಿನಿಯ ಪ್ರೇಕ್ಷಕರಾಗಿದ್ದರು. ಇದನ್ನು ೨೦೦೯ರ ಏಪ್ರಿಲ್ ೧೧ರಂದು ಪ್ರಾರಂಭಿಸಲಾಯಿತು.
ಉದಯ ಕಾಮಿಡಿ ಭಾರತೀಯ ಕನ್ನಡ ಭಾಷೆಯ ಹಾಸ್ಯ ಪಾವತಿ ದೂರದರ್ಶನ ವಾಹಿನಿಯಾಗಿದೆ. ಇದನ್ನು ೨೦೦೯ರ ಏಪ್ರಿಲ್ ೭ರಂದು ಪ್ರಾರಂಭಿಸಲಾಯಿತು.
ಉದಯ ನ್ಯೂಸ್ ಸನ್ ಟಿವಿ ನೆಟ್ವರ್ಕ್ ಒಡೆತನದಲ್ಲಿದ್ದ ಭಾರತದ ಮೊದಲ ಕನ್ನಡ ಭಾಷೆಯ ಸುದ್ದಿ ವಾಹಿನಿಯಾಗಿದೆ. ಇದನ್ನು ೨೦೦೪ರ ಆಗಸ್ಟ್ ೫ರಂದು ಉದಯ ವಾರ್ತೆಗಳು ಎಂದು ಪ್ರಾರಂಭಿಸಲಾಯಿತು ಮತ್ತು ನಂತರ ಅದನ್ನು ಉದಯ ನ್ಯೂಸ್ ಎಂದು ಮರುನಾಮಕರಣ ಮಾಡಲಾಯಿತು. ೧೯ ವರ್ಷಗಳ ನಂತರ ೨೦೧೭ರ ಅಕ್ಟೋಬರ್ ೨೪ರಂದು ಹೆಚ್ಚುತ್ತಿರುವ ನಷ್ಟಗಳು ಮತ್ತು ಸ್ಪರ್ಧೆಯಿಂದಾಗಿ ವಾಹಿನಿಯು ತನ್ನ ಪ್ರಸಾರವನ್ನು ನಿಲ್ಲಿಸಿತು. ಉದಯ ನ್ಯೂಸ್ ಅನ್ನು ೨೦೧೯ರ ಫೆಬ್ರವರಿ ೧ರಂದು ಶಾಶ್ವತವಾಗಿ ಸ್ಥಗಿತಗೊಳಿಸಲಾಯಿತು[೫].