ಗುಪ್ಪಟ್ಟೆ ಗಿಡ
ಗುಪ್ಪಟ್ಟೆ ಗಿಡ ರಸ್ತೆಬದಿ ಹಾಗೂ ಖಾಲಿ ಜಾಗದಲ್ಲಿ ಹೆಚ್ಚಾಗಿ ಕಂಡುಬರುವ ಸಸ್ಯ. ಇದು ಸೊಲನೇಶಿಯೆ ಕುಟುಂಬಕ್ಕೆ ಸೇರಿದೆ. ಇದರ ವೈಜ್ಞಾನಿಕ ಹೆಸರು ಪೈಸೇಲಿಯ ಮಿನಿಮ. ಕನ್ನಡದಲ್ಲಿ ಈ ಗಿಡಕ್ಕೆ ಗದ್ದೆ ಹಣ್ಣಿನ ಗಿಡ, ಆಂಗ್ಲ ಭಾಷೆಯಲ್ಲಿ ನೇಟಿವ್ ಗೂಸ್‌ಬೆರಿ, ಫಾರೆಸ್ಟ್ ಕೇಪ್ ಗೂಸ್‌ಬೆರಿ, ಪಿಗ್ಮಿ ಗೂಸ್‌ಬೆರಿ ಎಂದೆಲ್ಲ ಹೆಸರುಗಳಿವೆ .[೧]
ಬೆಳೆಯುವ ಪ್ರದೇಶಗಳು
[ಬದಲಾಯಿಸಿ]ಈ ಸಸ್ಯವು ಭಾರತ,ಮಲೇಶಿಯ,ಆಸ್ಟ್ರೇಲಿಯಾ ಹಾಗೂ ಬಲೂಚಿಸ್ತಾನ್ದಲ್ಲಿ ಬೆಳೆಯುತ್ತದೆ.[೨]
ಸಸ್ಯದ ವಿವರಣೆ
[ಬದಲಾಯಿಸಿ]ಈ ಗಿಡವು ೨೦-೫೦ಸೆಂ.ಮೀ ಎತ್ತರ ಇರುತ್ತದೆ. ತಿಳಿನೇರಳೆ ಕಂದು ಮಿಶ್ರಿತ ಬಣ್ಣದ ಕಾಂಡ ,ಬಿಳಿಬಣ್ಣದ ಹೂವು ಹಾಗೂ ಹಸಿರು ಬಣ್ಣದ ಎಲೆಯನ್ನು ಹೊಂದಿದೆ. ಇದರ ಪದರ ಬಲೂನಿನಂತೆ ಕಾಣುತ್ತದೆ. ಅದರ ಒಳಗೆ ಇರುವ ಗೋಲಿಯಾಕಾರದ ಕಾಯಿ ಚೆರ್ರಿ ಟೊಮಾಟೊಗಳಂತೆ ಕಾಣುತ್ತದೆ. ಫಿನೋಲಿಕ್ಸ್, ಆಲ್ಕಲೋಯಿಡ್, ಸ್ಟೀರೋಯಿಡ್, ಫ್ಲೇವನೋಯಿಡ್, ಎಂಬ ರಾಸಾಯನಿಕ ಸಂಯುಕ್ತಗಳನ್ನು ಹೊಂದಿದೆ. ಇದರ ಹಣ್ಣು, ಬೇರು, ಎಲೆ ವಿಷಕಾರಿಯಲ್ಲದಿದ್ದರೂ ಹಣ್ಣಿನ ಸುತ್ತ ಇರುವ ಪದರ ವಿಷಯುಕ್ತವಾಗಿದೆ. ಇದು ಹಣ್ಣನ್ನು ರಕ್ಷಿಸಲು ಸಸ್ಯದ ರಕ್ಷಣಾತಂತ್ರವಾಗಿದೆ.
ಉಪಯೋಗಗಳು
[ಬದಲಾಯಿಸಿ]ಸಂಪೂರ್ಣ ಸ‍ಸ್ಯವನ್ನು ಸಾಂಪ್ರದಾಯಿಕ ಚಿಕಿತ್ಸಾ ಪದ್ಧತಿಯಲ್ಲಿ ಬಳಸಲಾಗುತ್ತದೆ. ತಲೆನೋವು, ಕಿವಿನೋವು, ಕೀಲುನೋವು ಮುಂತಾದ ಅಸ್ವಸ್ಥತೆಗಳ ನಿವಾರಣೆಯಲ್ಲಿ ಬಳಸಲಾಗುತ್ತದೆ.
ಚಿತ್ರ ಸಂಪುಟ
[ಬದಲಾಯಿಸಿ]
ಉಲ್ಲೇಖ
[ಬದಲಾಯಿಸಿ]- ↑ "ಆರ್ಕೈವ್ ನಕಲು". Archived from the original on 2018-08-26. Retrieved 2018-09-19.
- ↑ https://ag.umass.edu/fruit/ne-small-fruit-management-guide/currants-gooseberries