ಗ್ರೇಗ್ ಸ್ಟೀಫೆನ್ ಚಾಪೆಲ್ (ಆಗಸ್ಟ್ ೭ ೧೯೪೮ರಂದು ಜನನ) ಇವರು ಆಸ್ಟ್ರೇಲಿಯಾ ಕ್ರಿಕೆಟ್ ತಂಡದ ಮಾಜಿ ನಾಯಕರು, ಮಧ್ಯಮ ಕ್ರಮಾಂಕದ ಬಲಗೈ ಬ್ಯಾಟ್ಸಮನ್ನರು ಮತ್ತು ಮಧ್ಯಮ ವೇಗದ ಬೌಲರರು. ಇವರು ೧೯೭೫-೧೯೭೭ ಮತ್ತು ೧೯೭೯-೧೯೮೩ರ ಮಧ್ಯೆ ಆಸ್ಟ್ರೇಲಿಯಾ ಕ್ರಿಕೆಟ್ ತಂಡದ ನಾಯಕತ್ವವನ್ನು ವಹಿಸಿದ್ದರು. ಆಸ್ಟ್ರೇಲಿಯಾ ಕ್ರಿಕೆಟ್ ತಂಡವನ್ನು ಪ್ರತಿನಿಧಿಸಿದ್ದ ಚಾಪೆಲ್ ಸಹೋದರರಲ್ಲಿ ಎರಡನೆಯವರು. ಇವರು ಸೆಪ್ಟಂಬರ್ ೨೦೦೫ ಮತ್ತು ಏಪ್ರಿಲ್ ೨೦೦೭ರ ಮಧ್ಯೆ ಭಾರತ ಕ್ರಿಕೆಟ್ ತಂಡದ ಕೋಚ್ ಆಗಿ ಕಾರ್ಯ ನಿರ್ವಹಿಸಿದ್ದರು, ಅವರ ಕೋಚಿಂಗ್ ಅವಧಿ ಸಾಕಷ್ಟು ವಿವಾದಗಳನ್ನು ಸೃಷ್ಟಿಸಿತ್ತು.
