ಚಕ್ರಾತಾ
ಚಕ್ರಾತಾ ಭಾರತದ ಉತ್ತರಾಖಂಡ್ ರಾಜ್ಯದಲ್ಲಿರುವ ಒಂದು ದಂಡು ಪಟ್ಟಣ ಮತ್ತು ಡೆಹ್ರಾಡೂನ್ ಜಿಲ್ಲೆಯ ಒಂದು ಉಪ ಜಿಲ್ಲೆ / ತಹಸಿಲ್ ಕೂಡ ಆಗಿದೆ.
ಪ್ರವಾಸೋದ್ಯಮ ಮತ್ತು ಪ್ರಕೃತಿ
[ಬದಲಾಯಿಸಿ]
.jpg)
ಈ ಪ್ರದೇಶದಲ್ಲಿ ಶಂಕುಮರಗಳು, ರೋಡೋಡೆಂಡ್ರನ್‍ಗಳು ಮತ್ತು ಓಕ್‍ಗಳು ಹೇರಳವಾಗಿವೆ. ಕೆಂಪು ರೋಡೋಡೆಂಡ್ರನ್‍ಗಳು ಈ ಪ್ರದೇಶದಲ್ಲಿ ಹೆಚ್ಚು ಕಂಡುಬರುತ್ತವೆ. ಚಕ್ರಾತಾದ ಸಮೀಪವಿರುವ ಆಕರ್ಷಣೆಗಳು ಹೀಗಿವೆ:
- ಟೈಗರ್ ಜಲಪಾತವು ಉತ್ತರಾಖಂಡದ ಅತಿ ಎತ್ತರದ ನೇರ ಜಲಪಾತವಾಗಿದೆ. ಇದು ಚಕ್ರಾತಾದಿಂದ 20 ಕಿ.ಮೀ ದೂರದಲ್ಲಿದೆ ಮತ್ತು 312 ಅಡಿ ಎತ್ತರವಿದೆ.
- ಬುಧೇರ್ (ಮೊಯಿಲಾ ಡಂಡಾ) 2800 ಮೀಟರ್ ಎತ್ತರದಲ್ಲಿರುವ ಒಂದು ಸುಂದರವಾದ ಹುಲ್ಲುಗಾವಲು. ಬುಧೇರ್‌ನ ಕಾರ್ಸ್ಟ್ ಭೂದೃಶ್ಯಗಳು ಪ್ರಾಚೀನ ಸುಣ್ಣದ ಗುಹೆಗಳ ಜಾಲಕ್ಕೆ ನೆಲೆಯಾಗಿವೆ.
- ಕನಾಸರ್ ಏಷ್ಯಾದ ಅತ್ಯುತ್ತಮ ಯೋಗ್ಯತೆಯ ದೇವದಾರ್ ಅರಣ್ಯದಿಂದ ಆವೃತವಾಗಿದೆ. ಇದು ಚಕ್ರಾತಾದ ಸಮೀಪವಿರುವ ಅತ್ಯುತ್ತಮ ಪಿಕ್ನಿಕ್ ತಾಣಗಳಲ್ಲಿ ಒಂದಾಗಿದೆ.
- ಚಿಲ್ಮಿರಿ ಸೂರ್ಯಾಸ್ತದ ಸ್ಥಳವು ಸೂರ್ಯಾಸ್ತದ ಅತ್ಯುತ್ತಮ ನೋಟಗಳಲ್ಲಿ ಒಂದನ್ನು ನೀಡುವ ಸುಂದರವಾದ ಪ್ರಸ್ಥಭೂಮಿಯಾಗಿದೆ.
- ಸುಮಾರು 2900 ಮೀಟರ್ ಎತ್ತರದಲ್ಲಿರುವ ದೇವ್‍ಬನ್ ಹಿಮಾಲಯದ ಪರಿದೃಶ್ಯ ನೋಟವನ್ನು ನೀಡುತ್ತದೆ.
- ಮುಂಡಾಲಿ ಹುಲ್ಲುಗಾವಲುಗಳನ್ನು ತಲುಪುವುದು ಕಷ್ಟ, ಆದರೆ ಚಳಿಗಾಲದ ಕ್ರೀಡೆಗಳಿಗೆ ಬಹಳ ಸಾಮರ್ಥ್ಯವನ್ನು ಹೊಂದಿವೆ.
- ಲಾಖಾಮಂಡಲ್ ಎಂಬುದು ಪುರಾತನ ಹಿಂದೂ ದೇವಾಲಯ ಸಂಕೀರ್ಣವಾಗಿದ್ದು, ಶಿವನಿಗೆ ಸಮರ್ಪಿತವಾಗಿದೆ ಮತ್ತು ಪಾಂಡವರೊಂದಿಗೆ ಸಂಬಂಧ ಹೊಂದಿದೆ.
- ಬೈರತ್ ಖೈ ಕಣಿವೆಮಾರ್ಗ ಎಂದೂ ಕರೆಯಲ್ಪಡುವ ಬೈರತ್ ಖೈ (ಬೆಟ್ಟಗಳ ರಾಜಕುಮಾರಿ) ಚಕ್ರಾತಾದಿಂದ ಪೂರ್ವಕ್ಕೆ 25 ಕಿ.ಮೀ ದೂರದಲ್ಲಿದೆ. ಇಲ್ಲಿ ಜನರು ಉತ್ತರದಲ್ಲಿ ವರ್ಷವಿಡೀ ಹಿಮದಿಂದ ಆವೃತವಾದ ಹಿಮಾಲಯದ 180 ಡಿಗ್ರಿ ನೋಟವನ್ನು ವೀಕ್ಷಿಸಬಹುದು.
- ಮಂಝ್‍ಗಾಂವ್ ಶಿವನಿಗೆ ಸಮರ್ಪಿತವಾದ ಪ್ರಾಚೀನ ಹಿಂದೂ ದೇವಾಲಯವಾಗಿದೆ. ಇದನ್ನು ಪ್ರಾದೇಶಿಕ ಭಾಷೆಯಲ್ಲಿ ಮಾಸು ದೇವತಾ ಎಂದು ಕರೆಯಲಾಗುತ್ತದೆ.
ವಿಸ್ತರಿತ ಸ್ಥಳಗಳು
[ಬದಲಾಯಿಸಿ]ಹನೋಲ್ ಚಕ್ರಾತಾದಿಂದ 100 ಕಿ.ಮೀ. ದೂರದಲ್ಲಿದ್ದು ಸುಂದರವಾದ ರಜಾಸ್ಥಳವಾಗಿದೆ. ಹನೋಲ್‍ನಲ್ಲಿ ಮಹಾಸು ದೇವತಾ ದೇವಾಲಯವಿದೆ. ಇದು ಭಗವಾನ್ ಮಹಾಸುವಿಗೆ ಸಮರ್ಪಿತವಾಗಿದೆ.
