ಪುಷ್ಪಾಂಜಲಿ

ಪುಷ್ಪಾಂಜಲಿ (ಪುಷ್ಪ - ಹೂವು, ಅಂಜಲಿ - ಮಡಚಿದ ಕೈಗಳಿಂದ ಅರ್ಪಣೆ) ಭಾರತೀಯ ದೇವತೆಗಳಿಗೆ ಹೂವುಗಳ ಅರ್ಪಣೆ. ಪುಷ್ಪಾಂಜಲಿ ಒಂದು ಪ್ರದರ್ಶನದಲ್ಲಿನ ಮೊದಲ ನೃತ್ಯ. ಅದು ನೃತ್ಯದ ಅಧಿಪತಿ ನಟರಾಜ, ಗುರು, ಸಂಗೀತಗಾರರು ಮತ್ತು ಪ್ರೇಕ್ಷಕರಿಗೆ ವಂದನೆ.

ಲಕ್ಷಣಗಳು

1. ಸ್ವರ ಅಥವಾ ಶೊಲ್ಕಟ್ಟನ್ನು, ರಾಗ, ತಾಳಕ್ಕೆ ಸರಿಯಾಗಿ ಜೋಡಿಸಿ ಪುಷ್ಪಾಂಜಲಿಯನ್ನು ರಚಿಸಲಾಗುತ್ತದೆ.
2. ಕೆಲವು ಪುಷ್ಪಾಂಜಲಿಯಲ್ಲಿ ಸಾಹಿತ್ಯವಿರುತ್ತದೆ. ಸಾಹಿತ್ಯವು ದೇವರ ಕುರಿತು ಇರುತ್ತದೆ.
3. ಪುಷ್ಪಾಂಜಲಿಯು ಭಕ್ತಿ ಪ್ರಧಾನವಾಗಿರುತ್ತದೆ.

ನರ್ತನ ವಿಧಾನ

ನರ್ತಕಿಯರು ಕೈಯಲ್ಲಿ, ಪುಷ್ಪಪುಟ ಹಸ್ತದಲ್ಲಿ ಹೂವನ್ನು ಹಿಡಿದು ರಂಗವನ್ನು ಪ್ರವೇಶಿಸಬೇಕು. ನಂತರ ಹೂವನ್ನು ಹಿಡಿದು ನೃತ್ಯ ಮಾಡುತ್ತಾ, ನಟರಾಜ, ಇಷ್ಟ ದೇವತೆ, ಗುರು-ಹಿರಿಯರಿಗೆ, ರಂಗಮಂಟಪಕ್ಕೆ ಪುಷ್ಪವನ್ನು ಅರ್ಪಿಸಿ ವಂದಿಸಬೇಕು. ಪ್ರತೀ ದೇವರಿಗೂ ಪ್ರತ್ಯೇಕ ಹೂವುಗಳನ್ನು ಅರ್ಪಿಸಬೇಕು ಎಂಬ ನಿಯಮವಿದೆ.