ಸುಮಿತ್ರಾ
ಸುಮಿತ್ರಾ | |
|---|---|
| ಜನನ | |
| ವೃತ್ತಿ | ಚಲನಚಿತ್ರ ನಟಿ |
| ಸಕ್ರಿಯ ವರ್ಷಗಳು | ೧೯೭೩–ಪ್ರಸ್ತುತ |
| ಸಂಗಾತಿ | ಡಿ.ರಾಜೇಂದ್ರ ಬಾಬು |
ಸುಮಿತ್ರಾ ದಕ್ಷಿಣ ಭಾರತದ ಜನಪ್ರಿಯ ಚಲನಚಿತ್ರ ನಟಿ. ತಮಿಳು, ಮಲಯಾಳಂ, ಕನ್ನಡ ಮತ್ತು ತೆಲುಗು ಭಾಷೆಯ ಸುಮಾರು ೨೦೦ಕ್ಕೂ ಹೆಚ್ಚು ಚಲನಚಿತ್ರಗಳಲ್ಲಿ ಸುಮಿತ್ರಾ ಅಭಿನಯಿಸಿದ್ದಾರೆ. ೧೯೭೦ರ ದಶಕದ ಮಧ್ಯದಿಂದ ೧೯೮೦ರ ದಶಕದ ಮಧ್ಯದವರೆಗೆ ನಾಯಕಿಯಾಗಿ ಅಭಿನಯಿಸಿದ ಸುಮಿತ್ರಾ ನಂತರದಲ್ಲಿ ಪೋಷಕ ಪಾತ್ರಗಳಲ್ಲಿ ಅಭಿನಯಿಸಿ ಜನಪ್ರಿಯರಾಗಿದ್ದಾರೆ. ಸುಮಿತ್ರಾ ಅಭಿನಯದ ಗಮನಾರ್ಹ ಚಿತ್ರಗಳೆಂದರೆ ತಮಿಳಿನ ಅವಳುಂ ಪೆಣ್ ತಾನೆ(೧೯೭೪), ಅಣ್ಣನ್ ಒರು ಕೋಯಿಲ್(೧೯೭೭), ನಿಳಲ್ ನಿಜಮಾಗಿರದು(೧೯೭೮) ಮಲಯಾಳಂನ ನಿರ್ಮಾಲ್ಯಂ(೧೯೭೩), ಕನ್ನಡದ ಮುಗಿಯದ ಕಥೆ(೧೯೭೬), ಮಕ್ಕಳ ಸೈನ್ಯ(೧೯೮೦) ಮತ್ತು ರಾಮಾಚಾರಿ(೧೯೯೧)[೧].
ಆರಂಭಿಕ ಜೀವನ
[ಬದಲಾಯಿಸಿ]ಕೇರಳದ ತ್ರಿಶೂರ್ನಲ್ಲಿ ರಾಘವನ್ ನಾಯರ್ ಮತ್ತು ಜಾನಕಿ ದಂಪತಿಯ ಮಗಳಾಗಿ ಜನಿಸಿದ ಸುಮಿತ್ರಾರಿಗೆ ಮೂವರು ಸಹೋದರರಿದ್ದಾರೆ. ಸುಮಿತ್ರಾರ ತಂದೆ ತೈಲ ಸಂಸ್ಕರಣಾ ಸಂಸ್ಥೆಯೊಂದರಲ್ಲಿ ಉದ್ಯೋಗದಲ್ಲಿದ್ದರು. ಸುಮಿತ್ರಾ ತಮ್ಮ ಬಾಲ್ಯದಲ್ಲಿ ಮುರುಗಪ್ಪನ್ ಅವರಲ್ಲಿ ಶಾಸ್ತ್ರೀಯ ನೃತ್ಯವನ್ನು ಅಭ್ಯಸಿಸಿದ್ದರು[೧].
ವೃತ್ತಿ ಜೀವನ
[ಬದಲಾಯಿಸಿ]೧೯೭೨ರಲ್ಲಿ ತೆರೆಗೆ ಬಂದ ಮಲಯಾಳಂ ಚಿತ್ರ ನಿರ್ತನಸಾಲದ ಮೂಲಕ ಚಿತ್ರರಂಗ ಪ್ರವೇಶಿಸಿದ ಸುಮಿತ್ರಾ ನಾಯಕಿಯಾಗಿ ಅಭಿನಯಿಸಿದ ಮೊದಲ ಚಿತ್ರ ಮಲಯಾಳಂನ ನಿರ್ಮಾಲ್ಯಂ(೧೯೭೩). ಪ್ರಖ್ಯಾತ ಸಾಹಿತಿ ಎಂ.ಟಿ.ವಾಸುದೇವನ್ ನಾಯರ್ ಅವರು ತಮ್ಮ ಕಿರುಗಥೆಯನ್ನು ಆಧರಿಸಿ ನಿರ್ಮಿಸಿ ನಿರ್ದೇಶಿಸಿದ ಈ ಹೊಸ ಅಲೆಯ ಚಿತ್ರದಲ್ಲಿ ಸುಮಿತ್ರಾ ನೀಡಿದ ಉತ್ತಮ ನೈಜ ಅಭಿನಯ ಚಿತ್ರಪಂಡಿತರ ಗಮನ ಸೆಳೆಯಿತು. ಈ ಚಿತ್ರ ೧೯೭೩ನೇ ಸಾಲಿನ ಅತ್ತ್ಯುತ್ತಮ ಚಿತ್ರ ರಾಷ್ಟ್ರೀಯ ಪ್ರಶಸ್ತಿಗೆ ಭಾಜನವಾಗಿತ್ತು[೨]. ಸುಮಿತ್ರಾ ಅಭಿನಯದ ಮೊದಲ ತಮಿಳು ಚಿತ್ರ ಅವಳುಂ ಪೆಣ್ ದಾನೆ(೧೯೭೪). ಕೆಟ್ಟ ಸನ್ನಿವೇಶಕ್ಕೆ ಸಿಲುಕಿ ವೇಶ್ಯೆಯಾಗುವ ಯುವತಿಯೊಬ್ಬಳು ಸಹೃದಯಿ ನಾಯಕನನ್ನು ವಿವಾಹವಾಗಿ ಪ್ರಜ್ಞಾಪೂರ್ವಕ ಜೀವನ ನಡೆಸಿದರೂ ಸಮಾಜದಲ್ಲಿನ ಕುತ್ಸಿತ ಮನೋಭಾವ ಜನರ ಕುಹಕದ ಮಾತುಗಳಿಗೆ ಬೇಸತ್ತು ಬಲಿಯಾಗುವ ದುರಂತ ಕಥಾನಕವಿದ್ದ ಈ ಚಿತ್ರದಲ್ಲಿ ವೇಶ್ಯೆಯಾಗಿ ಅವಿಸ್ಮರಣೀಯ ಅಭಿನಯ ನೀಡಿದ ಸುಮಿತ್ರಾ ತಮಿಳು ಚಿತ್ರರಂಗದಲ್ಲಿ ಬೇಡಿಕೆಯ ನಟಿಯಾದರು. ಶಿವಾಜಿ ಗಣೇಶನ್ ನಾಯಕರಾಗಿ ಅಭಿನಯಿಸಿದ ಅಣ್ಣನ್ ಒರು ಕೋಯಿಲ್(೧೯೭೭) ಚಿತ್ರದಲ್ಲಿ ಅತ್ಯಾಚಾರಕ್ಕೊಳಗಾಗಿ ಆಘಾತದಿಂದ ತನ್ನ ಹಳೆಯ ನೆನಪುಗಳನ್ನು ಕಳೆದುಕೊಂಡ ಹುಡುಗಿಯಾಗಿ, ರಜನೀಕಾಂತ್ ಮತ್ತು ಶಿವಕುಮಾರ್ ಅವರೊಂದಿಗಿನ ಭುವನ ಒರು ಕೇಳ್ವಿಕುರಿ(೧೯೭೭) ಎಂಬ ಸಾಮಾಜಿಕ ಚಿತ್ರದಲ್ಲಿ ಲಂಪಟನೊಬ್ಬನಿಂದ ಅನ್ಯಾಯಕ್ಕೊಳಗಾದರೂ ಧೃತಿಗೆಡದೆ ನಾಯಕನ ನೆರವಿನಿಂದ ಹೊಸ ಜೀವನ ಕಂಡುಕೊಳ್ಳುವ ಹುಡುಗಿಯಾಗಿ ಸುಮಿತ್ರಾ ಅವರ ಅಭಿನಯ ಅಮೋಘ. ಈ ಎರಡೂ ಚಿತ್ರಗಳು ಗಲ್ಲಾಪೆಟ್ಟಿಗೆಯಲ್ಲಿ ಭಾರಿ ಯಶಸ್ಸು ಗಳಿಸಿದವು. ಆ ನಂತರದಲ್ಲಿ ಇವಳ್ ಒರು ಸೀತೈ(೧೯೭೮), ವಟತುಕ್ಕುಳ್ ಚದುರಂ(೧೯೭೮), ಮಚ್ಚಾನೈ ಪಾರ್ತೆಂಗಳ(೧೯೭೮) ಮುಂತಾದ ಚಿತ್ರಗಳಲ್ಲಿ ಪ್ರಭಾವಶಾಲಿ ಪಾತ್ರಗಳನ್ನು ಶಕ್ತವಾಗಿ ನಿರ್ವಹಿಸಿದ ಸುಮಿತ್ರಾ ಕೆ.ಬಾಲಚಂದರ್ ಅವರ ಕಮಲ್ ಹಾಸನ್ ನಾಯಕರಾಗಿ ಅಭಿನಯಿಸಿದ ನಿಳಲ್ ನಿಜಮಾಗಿರದು(೧೯೭೮) ಚಿತ್ರದಲ್ಲಿ ಪುರುಷ ದ್ವೇಷಿ ಸ್ವಾಭಿಮಾನಿ ಯುವತಿಯಾಗಿ ಶ್ಲಾಘನೀಯ ಅಭಿನಯ ನೀಡಿದ್ದಾರೆ.
ಪ್ರತಿಭಾವಂತ ನಟ ಶಿವಕುಮಾರ್ ಅವರೊಂದಿಗೆ ಕಣ್ಣನ್ ಒರು ಕೈ ಕುಳಂದೈ(೧೯೭೮), ಚಿಟ್ಟುಕುರುವಿ(೧೯೭೮), ಕಡವುಳ್ ಅಮೈತ್ತ್ ಮೇಡೈ(೧೯೭೯), ಮುದಲ್ ಇರವು(೧೯೭೯) ಮತ್ತು ಮಂಜಳ್ ನಿಲಾ(೧೯೮೨) ಮುಂತಾದ ಚಿತ್ರಗಳಲ್ಲಿ ನಾಯಕಿಯಾಗಿ ಪ್ರಬುದ್ಧ ಅಭಿನಯ ನೀಡಿದ ಸುಮಿತ್ರಾ ಮಲಯಾಳಂನ ಮೇರುನಟ ಪ್ರೇಮ್ ನಜೀರ್ ಅವರೊಂದಿಗೆ ದುರ್ಗಾ(೧೯೭೪), ನೀಲಪೊಣ್ಣ್ಮಾನ್(೧೯೭೫), ಕಡಮಟ್ಟತಾಚನ್(೧೯೮೪) ಮತ್ತು ಸನ್ನಾಹಂ(೧೯೮೫) ಮುಂತಾದ ಮಲಯಾಳಂ ಚಿತ್ರಗಳಲ್ಲಿ ಗಮನಾರ್ಹ ಅಭಿನಯ ನೀಡೀದ್ದಾರೆ.
ಅವಳುಂ ಪೆಣ್ ದಾನೆ ಚಿತ್ರದ ಕನ್ನಡ ಅವತರಣಿಕೆಯಾದ ಮುಗಿಯದ ಕಥೆ(೧೯೭೬) ಚಿತ್ರದ ಮೂಲಕ ಕನ್ನಡ ಚಿತ್ರರಂಗ ಪ್ರವೇಶಿಸಿದ ಸುಮಿತ್ರಾ ವಿಷ್ಣುವರ್ಧನ್ ಅವರೊಂದಿಗೆ ಮಕ್ಕಳ ಸೈನ್ಯ(೧೯೮೦) ಮತ್ತು ಸತ್ಯಂ ಶಿವಂ ಸುಂದರಂ(೧೯೮೮) ಚಿತ್ರದಲ್ಲಿ ಅಪೂರ್ವ ಅಭಿನಯ ನೀಡಿದ್ದಾರೆ. ೧೯೮೦ರ ದಶಕದ ಮಧ್ಯದಿಂದ ಪೋಷಕ ಪಾತ್ರಗಳಿಗೆ ಸೀಮಿತರಾದ ಸುಮಿತ್ರಾ ರಾಮಾಚಾರಿ(೧೯೯೧) ಚಿತ್ರದಲ್ಲಿ ನಾಯಕನ ತಾಯಿಯಾಗಿ ನೀಡಿದ ಹೃದಯಸ್ಪರ್ಶಿ ಅಭಿನಯ ಕನ್ನಡ ಚಿತ್ರರಸಿಕರ ಮನಸೂರೆಗೊಂಡಿತ್ತು. ಕರ್ಣ(೧೯೮೬) ಮತ್ತು ಒಂದಾಗಿ ಬಾಳು(೧೯೮೯) ಚಿತ್ರದಲ್ಲಿ ನಾಯಕನ ವಾತ್ಸಲ್ಯಮಯಿ ಅತ್ತಿಗೆಯಾಗಿ ಪ್ರಶಂಸನೀಯ ಅಭಿನಯ ನೀಡಿದ ಸುಮಿತ್ರಾ ಗೋಪಿ ಕೃಷ್ಣ(೧೯೯೨) ಚಿತ್ರದಲ್ಲಿ ಮೋಹಕ ಅತ್ತೆಯಾಗಿ ಮಿಂಚಿದ್ದಾರೆ. ಶ್ರೀರಾಮಚಂದ್ರ(೧೯೯೨), ಕುರುಬನ ರಾಣಿ(೧೯೯೮), ಅಪ್ಪು(೨೦೦೦), ಅಭಿ(೨೦೦೩), ಮಿಲನ(೨೦೦೭), ಜಾಕಿ(೨೦೧೦), ಮೈನಾ(೨೦೧೩) ಸುಮಿತ್ರಾ ಪೋಷಕ ಪಾತ್ರದಲ್ಲಿ ನಟಿಸಿದ ಯಶಸ್ವಿ ಕನ್ನಡ ಚಿತ್ರಗಳು. ಅಗ್ನಿ ನಚತಿರಮ್(೧೯೮೮), ಚಿನ್ನ ತಂಬಿ(೧೯೯೧), ಸಿಂಗಾರವೇಲನ್(೧೯೯೨), ಸಿಂಗಂ(೨೦೧೦), ಸಿಂಗಂ ೨(೨೦೧೩) ಸುಮಿತ್ರಾ ಪೋಷಕ ನಟಿಯಾಗಿ ಅಭಿನಯಿಸಿದ ಪ್ರಮುಖ ತಮಿಳು ಚಿತ್ರಗಳಾಗಿವೆ.
ತಮ್ಮ ಸಹಜ ಸೌಂದರ್ಯ, ನೈಜ ಭಾವಪೂರ್ಣ ಅಭಿನಯದಿಂದ ದಕ್ಷಿಣ ಭಾರತದ ಚಿತ್ರರಸಿಕರ ಮೆಚ್ಚುಗೆ ಗಳಿಸಿರುವ ಸುಮಿತ್ರಾ ವೃತ್ತಿ ಜೀವನದಲ್ಲಿ ಅನೇಕ ಪ್ರಭಾವಶಾಲಿ ಪಾತ್ರಗಳನ್ನು ನಿರಾಯಾಸವಾಗಿ ನಿಭಾಯಿಸಿದ್ದಾರೆ. ದಕ್ಷಿಣ ಭಾರತದ ಪ್ರಖ್ಯಾತ ನಟರಾದ ಶಿವಾಜಿ ಗಣೇಶನ್, ಪ್ರೇಮ್ ನಜೀರ್, ಮಧು, ರಜನೀಕಾಂತ್, ಕಮಲ್ ಹಾಸನ್, ವಿಷ್ಣುವರ್ಧನ್, ರಾಜೇಶ್, ಶಿವಕುಮಾರ್, ವಿಜಯಕುಮಾರ್, ಸುಕುಮಾರನ್ ಮತ್ತು ಎಂ.ಜಿ.ಸೋಮನ್ ಮುಂತಾದವರೊಂದಿಗೆ ನಾಯಕಿಯಾಗಿ ಅಭಿನಯಿಸಿರುವ ಸುಮಿತ್ರಾ ರಜನೀಕಾಂತ್, ಕಮಲ್ ಹಾಸನ್ ಮತ್ತು ವಿಷ್ಣುವರ್ಧನ್ ಅವರಿಗೆ ತಾಯಿಯಾಗಿಯೂ ಅಭಿನಯಿಸಿದ ಹೆಗ್ಗಳಿಕೆಗೆ ಪಾತ್ರರು. ಎ.ಭೀಮ್ ಸಿಂಗ್, ಕೆ.ಬಾಲಚಂದರ್, ಎಸ್.ಪಿ.ಮುತ್ತುರಾಮನ್, ಭಾರ್ಗವ ಮತ್ತು ಡಿ.ರಾಜೇಂದ್ರ ಬಾಬು ಮುಂತಾದ ಹೆಸರಾಂತ ನಿರ್ದೇಶಕರೊಂದಿಗೆ ಕೆಲಸ ಮಾಡಿದ್ದಾರೆ.
ವೈಯಕ್ತಿಕ ಜೀವನ
[ಬದಲಾಯಿಸಿ]ಸುಮಿತ್ರಾ ಕನ್ನಡದ ಜನಪ್ರಿಯ ನಿರ್ದೇಶಕ ಡಿ.ರಾಜೇಂದ್ರ ಬಾಬು ಅವರ ಪತ್ನಿ. ಪುತ್ರಿಯರಾದ ಉಮಾಶಂಕರಿ ಮತ್ತು ನಕ್ಷತ್ರಾ ಕೂಡ ನಟಿಯರಾಗಿದ್ದಾರೆ. ಇವರ ಪತಿ ಡಿ.ರಾಜೇಂದ್ರ ಬಾಬು ಅವರು ನವೆಂಬರ್ ೩, ೨೦೧೩ರಂದು ನಿಧನರಾಗಿದ್ದಾರೆ.
ಪ್ರಶಸ್ತಿ/ಪುರಸ್ಕಾರ
[ಬದಲಾಯಿಸಿ]- ಕಲೈಮಾಮಣಿ - ತಮಿಳುನಾಡು ಸರ್ಕಾರ[೧]
ಸುಮಿತ್ರಾ ಅಭಿನಯದ ಚಿತ್ರಗಳು
[ಬದಲಾಯಿಸಿ]ಮಲಯಾಳಂ
[ಬದಲಾಯಿಸಿ]| ವರ್ಷ | ಚಿತ್ರ | ಪಾತ್ರ | ನಿರ್ದೇಶನ | ಭೂಮಿಕೆ |
|---|---|---|---|---|
| ೧೯೭೩ | ನಿರ್ಮಾಲ್ಯಂ | ಎಂ.ಟಿ.ವಾಸುದೇವನ್ ನಾಯರ್ | ಪಿ.ಜೆ.ಆಂಟನಿ, ಸುಕುಮಾರನ್ | |
| ೧೯೭೪ | ಉದಯಂ ಕಿಳಕ್ಕು ತನ್ನೆ | ಪಿ.ಎಸ್.ಮೆನನ್ | ಸುಕುಮಾರನ್, ರವಿ ಮೆನನ್, ಸುಜಾತ | |
| ೧೯೭೪ | ಚಕ್ರವಾಕಂ | ತೊಪ್ಪಿಲ್ ಭಾಸಿ | ಪ್ರೇಮ್ ನಜೀರ್, ಸುಜಾತ | |
| ೧೯೭೪ | ಚಂದ್ರಕಾಂತಂ | ಶ್ರೀಕುಮಾರನ್ ತಂಬಿ | ಪ್ರೇಮ್ ನಜೀರ್, ಜಯಭಾರತಿ | |
| ೧೯೭೪ | ತುಂಬೋಲಾರ್ಚ | ಕುಂಚಕೊ | ಶೀಲಾ, ಪ್ರೇಮ್ ನಜೀರ್, ಶ್ರೀವಿದ್ಯಾ | |
| ೧೯೭೪ | ದುರ್ಗಾ | ಎಂ.ಕುಂಚಕೊ | ಪ್ರೇಮ್ ನಜೀರ್, ವಿಜಯನಿರ್ಮಲ | |
| ೧೯೭೪ | ನಗರಂ ಸಾಗರಂ | ಕೆ.ಪಿ.ಪಿಳ್ಳೈ | ರಾಘವನ್ | |
| ೧೯೭೪ | ನಡೀನಡನ್ಮಾರೆ ಅವಸ್ಯಮುಂಡು | ಕ್ರಾಸ್ ಬೆಲ್ಟ್ ಮಣಿ | ವಿನ್ಸೆಂಟ್ | |
| ೧೯೭೪ | ನೆಲ್ಲು | ರಾಮು ಕರ್ಯಾತ್ | ಪ್ರೇಮ್ ನಜೀರ್, ಜಯಭಾರತಿ, ಮೋಹನ್ ಶರ್ಮ | |
| ೧೯೭೪ | ಹನಿಮೂನ್ | ಎ.ಬಿ.ರಾಜ್ | ಪ್ರೇಮ್ ನಜೀರ್, ಕೆ.ಆರ್.ವಿಜಯಾ | |
| ೧೯೭೫ | ನೀಲಪೊಣ್ಣ್ಮಾನ್ | ಎಂ.ಕುಂಚಕೊ | ಪ್ರೇಮ್ ನಜೀರ್ | |
| ೧೯೭೫ | ನೀಲಸಾರಿ | ಎಂ.ಕೃಷ್ಣನ್ ನಾಯರ್ | ರವಿಕುಮಾರ್ | |
| ೧೯೭೫ | ಮಧುರ ಪದಿನೇಳು | ಹರಿಹರನ್ | ಸುಧೀರ್ | |
| ೧೯೭೫ | ಮನಿಷದ | ಕುಂಚಕೊ | ಪ್ರೇಮ್ ನಜೀರ್, ಶ್ರೀವಿದ್ಯಾ | |
| ೧೯೭೬ | ಅರುತು | ರವಿ | ಮಧು, ಕಮಲ್ ಹಾಸನ್ | |
| ೧೯೭೬ | ಚರಿತ್ರಂ ಆವರ್ತಿಕ್ಕುನ್ನಿಲ್ಲ | ಪಿ.ಭಾಸ್ಕರನ್ | ಕಮಲ್ ಹಾಸನ್, ಜಯಭಾರತಿ | |
| ೧೯೭೬ | ಮುತ್ತು | ಎನ್.ಎನ್.ಪೀಜಾರ್ದೆ | ಮಧು, ಮೋಹನ್ ಶರ್ಮ | |
| ೧೯೭೬ | ಸ್ವಿಮ್ಮಿಂಗ್ ಪೂಲ್ | ಶಶಿಕುಮಾರ್ | ಕಮಲ್ ಹಾಸನ್ | |
| ೧೯೭೬ | ವಳಿವಿಲಕ್ಕು | ಪಿ.ಭಾಸ್ಕರನ್ | ಪ್ರೇಮ್ ನಜೀರ್, ಜಯಭಾರತಿ, ನಂದಿತಾ ಭೋಸ್ | |
| ೧೯೭೭ | ಅಭಿನಿವೇಶಂ | ಐ.ವಿ.ಶಶಿ | ರವಿಕುಮಾರ್, ಪದ್ಮಪ್ರಿಯಾ | |
| ೧೯೭೭ | ಚಕ್ರವರ್ತಿನಿ | ಚಾರ್ಲ್ಸ್ ಅಯ್ಯಂಪಳ್ಳಿ | ಎಂ.ಜಿ.ಸೋಮನ್, ಮಲ್ಲಿಕಾ ಸುಕುಮಾರನ್ | |
| ೧೯೭೭ | ನಿರಪರಯುಂ ನಿಲವಿಲಕ್ಕುಂ | ಸಿಂಗೀತಂ ಶ್ರೀನಿವಾಸ್ ರಾವ್ | ಶೀಲಾ, ವಿನ್ಸೆಂಟ್, ರವಿ ಮೆನನ್ | |
| ೧೯೭೭ | ವರದಕ್ಷಿಣ | ಶಶಿಕುಮಾರ್ | ಪ್ರೇಮ್ ನಜೀರ್, ಜಯಭಾರತಿ | |
| ೧೯೭೮ | ಅಡಿಕ್ಕೆ ಅಡಿ | ಕರ್ಣನ್ | ವಿನ್ಸೆಂಟ್ | |
| ೧೯೭೮ | ಜಲತರಂಗಂ | ಪಿ.ಚಂದ್ರಕುಮಾರ್ | ಮಧು, ಶೀಲಾ | |
| ೧೯೮೦ | ಲಾವಾ | ಹರಿಹರನ್ | ಪ್ರೇಮ್ ನಜೀರ್, ಪ್ರಮೀಳಾ | |
| ೧೯೮೨ | ಇವನ್ ಒರು ಸಿಂಹಂ | ಎನ್.ಪಿ.ಸುರೇಶ್ | ಪ್ರೇಮ್ ನಜೀರ್, ಶ್ರೀವಿದ್ಯಾ, ಎಂ.ಜಿ.ಸೋಮನ್, ಸುಕುಮಾರನ್ | |
| ೧೯೮೪ | ಅಮ್ಮೆ ನಾರಾಯಣ | ಎನ್.ಪಿ.ಸುರೇಶ್ | ಶ್ರೀವಿದ್ಯಾ, ಪ್ರೇಮ್ ನಜೀರ್ | |
| ೧೯೮೪ | ಕಡಮಟ್ಟತಾಚನ್ | ಎನ್.ಪಿ.ಸುರೇಶ್ | ಪ್ರೇಮ್ ನಜೀರ್ | |
| ೧೯೮೫ | ಸನ್ನಾಹಂ | ಜೋಸ್ ಕಲ್ಲೆನ್ | ಪ್ರೇಮ್ ನಜೀರ್, ರತೀಶ್ |
ತಮಿಳು
[ಬದಲಾಯಿಸಿ]| ವರ್ಷ | ಚಿತ್ರ | ಪಾತ್ರ | ನಿರ್ದೇಶನ | ಭೂಮಿಕೆ |
|---|---|---|---|---|
| ೧೯೭೪ | ಅವಳುಮ್ ಪೆಣ್ ದಾನೆ | ದುರೈ | ಮುತ್ತುರಾಮನ್ | |
| ೧೯೭೪ | ಕಣ್ಮಣಿ ರಾಜ | ದೇವರಾಜ್ ಮೋಹನ್ | ಶಿವಕುಮಾರ್ | |
| ೧೯೭೬ | ಮೊಗಮ್ ಮುಪ್ಪದು ವರುಷಂ | ಎಸ್.ಪಿ.ಮುತ್ತುರಾಮನ್ | ಕಮಲ್ ಹಾಸನ್, ಶ್ರೀಪ್ರಿಯಾ | |
| ೧೯೭೬ | ಲಲಿತಾ | ವಾಲಂಪುರಿ ಸೋಮನಾಥನ್ | ಸುಜಾತ, ಜೆಮಿನಿ ಗಣೇಶನ್, ಕಮಲ್ ಹಾಸನ್ | |
| ೧೯೭೭ | ಅಣ್ಣನ್ ಒರು ಕೋಯಿಲ್ | ಕೆ.ವಿಜಯನ್ | ಶಿವಾಜಿ ಗಣೇಶನ್, ಸುಜಾತ | |
| ೧೯೭೭ | ನಾನ್‌ದಾ ಎನ್ ನಿಲಾ | ಎ.ಜಗನ್ನಾಥನ್ | ವಿಜಯಕುಮಾರ್, ಫಟಾಫಟ್ ಜಯಲಕ್ಷ್ಮಿ | |
| ೧೯೭೭ | ನೀ ವಾಳ ವೇಂಡುಂ | ಎ.ಭೀಮ್ ಸಿಂಗ್ | ರವಿಚಂದ್ರನ್, ಮುತ್ತುರಾಮನ್, ಭಾರತಿ | |
| ೧೯೭೭ | ಭುವನ ಒರು ಕೇಳ್ವಿಕುರಿ | ಭುವನ | ಎಸ್.ಪಿ.ಮುತ್ತುರಾಮನ್ | ಶಿವಕುಮಾರ್, ರಜನೀಕಾಂತ್ |
| ೧೯೭೭ | ರಘುಪತಿ ರಾಘವ ರಾಜಾ ರಾಮ್ | ದುರೈ | ರಜನೀಕಾಂತ್, ವಿಜಯಕುಮಾರ್ | |
| ೧೯೭೮ | ಇವಳ್ ಒರು ಸೀತೈ | ಎ.ಜಗನ್ನಾಥನ್ | ವಿಜಯಕುಮಾರ್ | |
| ೧೯೭೮ | ಇರೈವನ್ ಕೊಡುತ ವರಂ | ಎ.ಭೀಮ್ ಸಿಂಗ್ | ರಜನೀಕಾಂತ್, ವಿಜಯಕುಮಾರ್ | |
| ೧೯೭೮ | ಕಣ್ಣನ್ ಒರು ಕೈ ಕುಳಂದೈ | ಎನ್.ವೆಂಕಟೇಶ್ | ಶಿವಕುಮಾರ್, ಜೈಗಣೇಶ್ | |
| ೧೯೭೮ | ಕಣ್ಣಮೂಚಿ | ಆರ್.ಪಟ್ಟಾಭಿರಾಮನ್ | ಶಿವಕುಮಾರ್ | |
| ೧೯೭೮ | ಚಿಟ್ಟುಕುರುವಿ | ದೇವರಾಜ್ ಮೋಹನ್ | ಶಿವಕುಮಾರ್ | |
| ೧೯೭೮ | ನಿಳಲ್ ನಿಜಮಾಗಿರದು | ಕೆ.ಬಾಲಚಂದರ್ | ಕಮಲ್ ಹಾಸನ್, ಶೋಭಾ | |
| ೧೯೭೮ | ಪಾವತ್ತಿನ್ ಸಂಬಳಂ | ದುರೈ | ಮುತ್ತುರಾಮನ್, ಪ್ರಮಿಳಾ, ರಜನೀಕಾಂತ್ | |
| ೧೯೭೮ | ಮಚ್ಚಾನೈ ಪಾರ್ತೆಂಗಳ | ವಿ.ಸಿ.ಗುಹನಾಥನ್ | ಶಿವಕುಮಾರ್, ಶ್ರೀದೇವಿ | |
| ೧೯೭೮ | ರುದ್ರತಾಂಡವಂ | ವಿ.ಕೆ.ರಾಮಸಾಮಿ | ವಿಜಯಕುಮಾರ್ | |
| ೧೯೭೮ | ವಟತುಕ್ಕಿಳ್ ಚದುರಂ | ಎಸ್.ಪಿ.ಮುತ್ತುರಾಮನ್ | ಲತಾ, ಶ್ರೀಕಾಂತ್, ಶರತ್ ಬಾಬು | |
| ೧೯೭೮ | ಸೊನ್ನದು ನೀ ದಾನ | ಸಿ.ಎನ್.ಮುತ್ತು | ವಿಜಯಕುಮಾರ್, ಜೈಗಣೇಶ್ | |
| ೧೯೭೯ | ಅನ್ಬೆ ಸಂಗೀತ | ಕೆ.ನಾರಾಯಣ್ | ಜೈಗಣೇಶ್ | |
| ೧೯೭೯ | ಕಡವುಳ್ ಅಮೈತ್ತ್ ಮೇಡೈ | ಎಸ್.ಪಿ.ಮುತ್ತುರಾಮನ್ | ಶಿವಕುಮಾರ್ | |
| ೧೯೭೯ | ಚೆಲ್ಲ ಕಿಳಿ | ಕೆ.ಎಂ.ಬಾಲಕೃಷ್ಣನ್ | ವಿಜಯಕುಮಾರ್ | |
| ೧೯೭೯ | ನೀ ಸಿರಿತಾಳ್ ನಾ ಸಿರಿಪ್ಪೇನ್ | ವಿ.ರಾಜಗೋಪಾಲ್ | ಶಿವಚಂದ್ರನ್, ಶ್ರೀಕಾಂತ್ | |
| ೧೯೭೯ | ಮುಗತ್ತಿಲ್ ಮುಗಂ ಪಾರ್ಕಲಾಂ | ಎ.ಜಗನ್ನಾಥನ್ | ವಿಜಯಕುಮಾರ್, ರಾಧಿಕಾ | |
| ೧೯೭೯ | ಮುದಲ್ ಇರವು | ಎ.ಜಗನ್ನಾಥನ್ | ಶಿವಕುಮಾರ್ | |
| ೧೯೮೦ | ಒರೆ ಮುತಂ | ಸಿ.ಎ.ಮುಗಿಲನ್ | ಜೈಗಣೇಶ್, ಶ್ರೀಕಾಂತ್ | |
| ೧೯೮೦ | ಕಣ್ಣಿಲ್ ತೆರಿಯುಂ ಕಥೈಗಳ್ | ದೇವರಾಜ್ ಮೋಹನ್ | ಶರತ್ ಬಾಬು, ವಡಿವುಕ್ಕರಸಿ | |
| ೧೯೮೧ | ಎಂಗಮ್ಮ ಮಹಾರಾಣಿ | ಎಂ.ಎ.ಕಾಜಾ | ದೆಲ್ಲಿ ಗಣೇಶ್, ರೂಪಾ, ವಿಜಯ್ ಬಾಬು | |
| ೧೯೮೧ | ತಿರುಪ್ಪಂಗಳ್ | ಜೋಸೆಫ್ ಆನಂದನ್ | ಜೈಗಣೇಶ್ | |
| ೧೯೮೧ | ಪಾಕ್ಕು ವೇತಾಳೈ | ಆರ್.ಎಸ್.ವೈರವನ್ | ರಾಜೇಶ್ | |
| ೧೯೮೧ | ನೆಲ್ಲಿಕಣಿ | ಶಿವಕುಮಾರ್ | ||
| ೧೯೮೧ | ವಸಂತ ಕಾಲಂ | ಏಂ.ಎ.ಕಾಜಾ | ಸುರುಳಿರಾಜನ್ | |
| ೧೯೮೨ | ಇರಟ್ಟೈ ಮನಿದನ್ | ಕೆ.ಶಂಕರ್ | ಎಸ್.ಎಸ್.ರಾಜೇಂದ್ರನ್, ಲತಾ, ಜೈಗಣೇಶ್, ಭವಾನಿ | |
| ೧೯೮೨ | ಮಂಜಳ್ ನಿಲಾ | ರಂಜಿತ್ | ಶಿವಕುಮಾರ್ | |
| ೧೯೮೨ | ಸಂಗಿಳಿ | ಸಿ.ವಿ.ರಾಜೇಂದ್ರನ್ | ಶಿವಾಜಿ ಗಣೇಶನ್, ಶ್ರೀಪ್ರಿಯಾ, ಪ್ರಭು ಗಣೇಶನ್ | |
| ೧೯೮೩ | ಅಣ್ಣೆ ಅಣ್ಣೆ | ಮೌಳಿ | ಮೌಳಿ | |
| ೧೯೮೫ | ವೆಳಿ | ಜೈಶಂಕರ್, ರಾಜೇಶ್, ಸರಿತಾ | ||
| ೧೯೮೬ | ಒರು ಮನಿದನ್ ಒರು ಮನೈವಿ | ದುರೈ | ಅಶೋಕ್ | |
| ೧೯೮೭ | ವೀರ ಪಾಂಡ್ಯನ್ | ಕಾರ್ತಿಕ್ ರಘುನಾಥ್ | ಶಿವಾಜಿ ಗಣೇಶನ್, ವಿಜಯಕಾಂತ್ | |
| ೧೯೯೧ | ನಟ್ಟಿ ತಿರುಡಾತೆ | ಸೆಂದಿಲ್ ನಾಥನ್ | ಜನಕರಾಜ್ | |
| ೧೯೯೧ | ನಾನ್ ಪಡಿಚ್ಚ ಮಾಪಿಳ್ಳೈ | ವಿ.ಶೇಖರ್ | ನಿಳಲ್ಗಳ್ ರವಿ, ಜನಕರಾಜ್ | |
| ೧೯೯೨ | ಸತ್ಯಂ ಅದು ನಿತ್ಯಂ | ಟಿ.ದುರೈರಾಜ್ | ಶಿವಕುಮಾರ್ |
ಕನ್ನಡ
[ಬದಲಾಯಿಸಿ]| ವರ್ಷ | ಚಿತ್ರ | ಪಾತ್ರ | ನಿರ್ದೇಶನ | ಭೂಮಿಕೆ |
|---|---|---|---|---|
| ೧೯೭೬ | ಮುಗಿಯದ ಕಥೆ | ದೊರೈ | ರಾಜೇಶ್ | |
| ೧೯೮೦ | ಮಕ್ಕಳ ಸೈನ್ಯ | ಲಕ್ಷ್ಮಿ | ವಿಷ್ಣುವರ್ಧನ್ | |
| ೧೯೮೧ | ರಾಜೇಶ್ವರಿ | ಎಚ್.ಎಂ.ಕೃಷ್ಣಮೂರ್ತಿ | ಅಶೋಕ್ | |
| ೧೯೮೪ | ರವಿ ಮೂಡಿ ಬಂದ | ವಿ.ವಿ.ಎ.ರಂಗಾಚಾರ್ | ಚಂದ್ರಶೇಖರ್, ಜೈಜಗದೀಶ್ | |
| ೧೯೮೬ | ಅಗ್ನಿಪರೀಕ್ಷೆ | ನಾಗಶ್ರೀನಿವಾಸ್ | ಟೈಗರ್ ಪ್ರಭಾಕರ್, ಜಯಂತಿ, ಶಂಕರ್ ನಾಗ್, ಭವ್ಯಾ | |
| ೧೯೮೬ | ಅಸಂಭವ | ಡಿ.ರಾಜೇಂದ್ರ ಬಾಬು | ರವಿಚಂದ್ರನ್, ಅಂಬಿಕಾ | |
| ೧೯೮೬ | ಕರ್ಣ | ಭಾರ್ಗವ | ವಿಷ್ಣುವರ್ಧನ್, ಸುಮಲತಾ | |
| ೧೯೮೭ | ಸತ್ಯಂ ಶಿವಂ ಸುಂದರಂ | ಕೆ.ಎಸ್.ಆರ್.ದಾಸ್ | ವಿಷ್ಣುವರ್ಧನ್, ರಾಧಿಕಾ | |
| ೧೯೮೯ | ಒಂದಾಗಿ ಬಾಳು | ಕೆ.ಎಸ್.ಆರ್.ದಾಸ್ | ವಿಷ್ಣುವರ್ಧನ್, ರಾಜೇಶ್, ಮಂಜುಳಾ ಶರ್ಮ | |
| ೧೯೯೧ | ರಾಮಾಚಾರಿ | ಡಿ.ರಾಜೇಂದ್ರ ಬಾಬು | ವಿಷ್ಣುವರ್ಧನ್, ರಾಧಿಕಾ |
ಉಲ್ಲೇಖಗಳು
[ಬದಲಾಯಿಸಿ]- ↑ ೧.೦ ೧.೧ ೧.೨ "Biography of Tamil Actress Sumithra". ತಮಿಳ್ ಸ್ಪೈಡರ್. Archived from the original on 2016-07-31. Retrieved 2016-08-17.
{{cite web}}: More than one of|archivedate=and|archive-date=specified (help); More than one of|archiveurl=and|archive-url=specified (help) - ↑ "ನಿರ್ಮಾಲ್ಯಂ-೧೯೭೩". ದಿ ಹಿಂದು.
ಎಂ.ವಿ.ರಾಜಮ್ಮ • ಆದವಾನಿ ಲಕ್ಷ್ಮಿ ದೇವಿ • ಪ್ರತಿಮಾದೇವಿ • ಹರಿಣಿ • ಪಂಡರೀಬಾಯಿ • ಸಾಹುಕಾರ್ ಜಾನಕಿ • ಕೃಷ್ಣಕುಮಾರಿ • ಬಿ.ಸರೋಜದೇವಿ • ಲೀಲಾವತಿ • ಮೈನಾವತಿ • ಜಯಂತಿ • ಕಲ್ಪನಾ • ಜಯಲಲಿತ • ಭಾರತಿ • ವಂದನಾ • ಚಂದ್ರಕಲಾ • ಉದಯಚಂದ್ರಿಕಾ • ರಾಜಶ್ರೀ • ಬಿ.ವಿ.ರಾಧ • ಶೈಲಶ್ರೀ • ಕಾಂಚನಾ_(ನಟಿ) • ಆರತಿ • ಮಂಜುಳ • ಲಕ್ಷ್ಮಿ_(ಚಿತ್ರನಟಿ) •ಜಯಮಾಲಾ • ಜಯಪ್ರದ • ಶ್ರೀದೇವಿ • ಅರುಂಧತಿನಾಗ್ • ಗಾಯತ್ರಿ • ಪದ್ಮಾ ವಾಸಂತಿ • ಸರಿತಾ • ಮಾಧವಿ • ಗೀತಾ_(ನಟಿ) • ಅಂಬಿಕಾ • ಸುಹಾಸಿನಿ • ಸುಮಲತಾ • ರೂಪಾದೇವಿ • ಊರ್ವಶಿ • ಮಹಾಲಕ್ಷ್ಮಿ • ಭವ್ಯ • ಖುಷ್ಬೂ • ಸುಧಾರಾಣಿ • ಮಾಲಾಶ್ರೀ • ರಮ್ಯ ಕೃಷ್ಣ • ರಶ್ಮಿಕಾ ಮಂದಣ್ಣ • ವನಿತಾ ವಾಸು • ವಿನಯಾ ಪ್ರಸಾದ್ • ಶ್ರುತಿ • ತಾರಾ • ಸಿತಾರ • ಸೌಂದರ್ಯ • ಪ್ರೇಮಾ • ಚಾರುಲತಾ • ನಿವೇದಿತಾ ಜೈನ್ • ಶಿಲ್ಪಾ • ವಿಜಯಲಕ್ಷ್ಮಿ • ರಂಭಾ • ಮೀನಾ_(ನಟಿ) • ಅನು ಪ್ರಭಾಕರ್ • ಭಾವನಾ• ಸುಮನ್ ನಗರ್ಕರ್ • ಶಿಲ್ಪಾಶೆಟ್ಟಿ • ರಕ್ಷಿತ • ರಮ್ಯ • ರಾಧಿಕಾ ಪಂಡಿತ್ • ರಾಧಿಕಾ ಕುಮಾರಸ್ವಾಮಿ •ರೇಖಾ(ಕನ್ನಡ) • ಡೈಸಿ ಬೋಪಣ್ಣ • ಅಶಿತ • ಶೋಭಾ • ಜೆನ್ನಿಫರ್ ಕೊತ್ವಾಲ್ • ದೀಪು • ಸಂಜಿತ •ನಿಧಿ ಸುಬ್ಬಯ್ಯ • ಸೋನಾಕ್ಷಿ • ದಿವ್ಯಾ ಸುರೇಶ್ • ದಿವ್ಯಾ ಉರುಡುಗ • ಪ್ರಿಯಾಂಕ ತಿಮ್ಮೇಶ್ • ರಂಜನಿ ರಾಘವನ್ • ಮೇಘಾ ಶೆಟ್ಟಿ • ವೈಷ್ಣವಿ ಗೌಡ • ಅಂಜನಾ • ವಿಜಯರಂಜಿನಿ • ಶಿಲ್ಪಾ_ಶೆಟ್ಟಿ |  | |