ಸೆರ್ಛಿಪ್
ಸೆರ್ಛಿಪ್ ಭಾರತದ ಮಿಝೋರಂ ರಾಜ್ಯದಲ್ಲಿನ ಸೆರ್ಛಿಪ್ ಜಿಲ್ಲೆಯ ಕೇಂದ್ರ ಕಾರ್ಯಸ್ಥಾನ ಪಟ್ಟಣವಾಗಿದೆ. ಇದು ಮಿಝೋರಂ ರಾಜ್ಯದ ಮಧ್ಯ ಭಾಗದಲ್ಲಿದೆ. ಇದು ರಾಜ್ಯದ ರಾಜಧಾನಿ ಐಝ್ವಾಲ್‍ನಿಂದ ೧೧೨ ಕಿ.ಮಿ. ದೂರವಿದೆ. ಈ ಜಿಲ್ಲೆಯು ಭಾರತದಾದ್ಯಂತ ಅತಿ ಹೆಚ್ಚಿನ ಸಾಕ್ಷರತೆಯನ್ನು ಹೊಂದಿದೆ. ಸೆರ್-ಛಿಪ್ ಶಬ್ದದ ಅರ್ಥ 'ಮೇಲಿರುವ ನಿಂಬೆಕುಲದ ಗಿಡ'.
ಪ್ರವಾಸೋದ್ಯಮ
[ಬದಲಾಯಿಸಿ]ಈ ಜಿಲ್ಲೆಯಲ್ಲಿ ಸೆರ್ಛಿಪ್ ಸುತ್ತಮುತ್ತ ಅನೇಕ ಪಟ್ಟಣಗಳು ಮತ್ತು ಗ್ರಾಮಗಳಿವೆ. ಥೆಂಜ಼ಾಲ್ ಸೆರ್ಛಿಪ್ ನಂತರ ಎರಡನೇ ಅತಿ ದೊಡ್ಡ ಪಟ್ಟಣವಾಗಿದೆ. ಇದು ಸುಂದರ ಹುಲ್ಲಿರುವ ಭೂದೃಶ್ಯವುಳ್ಳ ಕೆಲವು ಚಪ್ಪಟೆ ಪ್ರದೇಶಗಳಲ್ಲಿ ಒಂದಾಗಿದೆ. ಥೆಂಜ಼ಾಲ್ ಹತ್ತಿರ ವಾಂತಾಂಗ್ (ಅಂದರೆ ಸ್ವರ್ಗ ಮುಟ್ಟುವ ಜಲಪಾತ) ಜಲಪಾತವೆಂಬ ಹೆಸರಿನ ನಯನಮನೋಹರ ಜಲಪಾತವಿದೆ.
ಪ್ಯಾರಾಗ್ಲೈಡಿಂಗ್
[ಬದಲಾಯಿಸಿ]ಸೆರ್ಛಿಪ್ ಪಟ್ಟಣದ ಜನರಿಗೆ ಪ್ಯಾರಾಗ್ಲೈಡಿಂಗ್ ಹೊಸ ಕ್ರೀಡೆಯಾಗಿದೆ. ೨೦೨೦ರ ವರ್ಷದ ಅಂತರರಾಷ್ಟ್ರೀಯ ಪ್ಯಾರಾಗ್ಲೈಡಿಂಗ್ ಚ್ಯಾಂಪಿಯನ್‍ಶಿಪ್‍ನ್ನು ಸೆರ್ಛಿಪ್‍ನಲ್ಲಿ ಆಯೋಜಿಸಲಾಗಿತ್ತು ಮತ್ತು ಮಿಝೋರಂನಲ್ಲಿ ಪ್ರಮುಖ ಆಕರ್ಷಣೆಯಾಗಿದೆ.[೧]
ವಾಂತಾಂಗ್ ಖಾವ್‍ಥ್ಲಾ
[ಬದಲಾಯಿಸಿ]ಇದು ಮಿಜ಼ೋರಮ್‍ನ ಅತಿ ಪ್ರಸಿದ್ಧ ಜಲಪಾತವಾಗಿದ್ದು ಲೌ ನದಿಯ ಮೇಲಿದೆ. ಇದರ ಎತ್ತರ ಸುಮಾರು ೨೨೦ ಮೀ. ಎಂದು ಹೆಚ್ಚುಕಡಿಮೆ ಅಳೆಯಲಾಗಿದೆ.
ಜ಼ೋಲುಟಿ ಹ್ರಿಯಾಟ್ರೆಂಗ್ನಾ
[ಬದಲಾಯಿಸಿ]ಇದರರ್ಥ ಜ಼ೋಲುಟಿ ನೆನಪಿನ ಶಿಲೆ. ಮಿಜ಼ೊ ಜನರು ಬ್ರಿಟಿಷ್ ಅಧಿಕಾರಿಗಳಿಗೆ ಜ಼ೋಲುಟಿ ಎಂಬ ಬ್ರಿಟಿಷ್ ಮಹಿಳೆಯನ್ನು ಹಸ್ತಾಂತರಿಸಿದ ಸ್ಥಳದಲ್ಲಿ, ಆ ಘಟನೆಯ ನೆನಪಿಗಾಗಿ ಒಂದು ಕಲ್ಲನ್ನು ನೆಡಲಾಗಿದೆ.
ಛಿಂಗ್‍ಪುಯಿ ಥ್ಲಾನ್
[ಬದಲಾಯಿಸಿ]ಇದರರ್ಥ ಛಿಂಗ್‍ಪುಯಿಯ ಗೋರಿ. ಇಲ್ಲಿ ಛಿಂಗ್‍ಪುಯಿ ಎಂಬ ಹೆಸರಿನ ಯುವತಿಯ ನೆನಪಿನಲ್ಲಿ ಒಂದು ಕಲ್ಲನ್ನು ನೆಡಲಾಗಿದೆ. ಅವಳನ್ನು ಸೆರೆಹಿಡಿದು ಕೊಲ್ಲಲಾಯಿತು.
ಹೊರಗಿನ ಕೊಂಡಿಗಳು
[ಬದಲಾಯಿಸಿ]- Serchhip Information Website Archived 2018-11-26 ವೇಬ್ಯಾಕ್ ಮೆಷಿನ್ ನಲ್ಲಿ.
- Govt. Serchhip College
- Latest Serchhip News
- Zothlifim Daily Newspaper Serchhip Archived 2022-06-05 ವೇಬ್ಯಾಕ್ ಮೆಷಿನ್ ನಲ್ಲಿ.
ಉಲ್ಲೇಖಗಳು
[ಬದಲಾಯಿಸಿ]- ↑ "Bid to make Mizoram a paragliding hub". northeasttoday. Retrieved 12 March 2020.