Крема республика

Крема республика
Repubblica Cremasca

Repubblica di Crema
Францияны эгеч республикасы

←
28 март 1797 джыл — 29 июль 1797 джыл →
Герби
Девизи
Libertà, uguaglianza (къар.-малкъ. «Эркинлик, тенглик»)

Венеция республиканы къурамында Крема шахар (арасында) (артдан Крема республика боллукъду)
Ара шахары Крема
Тил(лер)и Итальян тил, Крема диалект
Кърал оноууну формасы парламент республика

Крема республика (итал. Repubblica Cremasca) — француз аскерле Кремагъа киргенлеринде 1979-чи джылны 28-чи мартында Ломбардияда къуралгъан революциячы правительстводу. Ол шахарны эмда аны тёгерегини ишлерин джюрютгенди. Аннга дери ол территория Милан герцоглукъну ичинде венециячы эксклав болуб тургъанды. 1797-чи джылны июлунда муниципалитет Цизальпин республиканы къурамына киреди.

Тарих

[тюзет | къайнакъны тюзет]

Крема шахар тёгерегинде джерлешимле бла бирге Венеция республиканы оккупациясына 1449-чу джыл тюшеди, эмда анда юч ёмюр чакълы бирни турады. 1797-чи джылны 28-чи мартында француз драгунланы бёлеклери кърашчыланыу тюбемегенлий шахарны алады, анда ахыргъы венециячы магистратны, герцога Зан Баттист Контаринини тутады. Венеция республиканы кёб ёмюрлюк бийлиги бошалады: Сыйлы Маркны белгилери къурутуладыла, дин орденле бла аланы монастырлары джабыладалы (Сант-Агостино, Сан-Франческо, Сан-Доменико, кечирек казармалагъа буруладыла), клисаланы эмда епархияны хазналары конфискация этиледи, инквизиция сюд къурутулады.

Шахарны оноуун джюрютюр ючюн джангы муниципалитет къуралады, аны къурамында кёбюсюне ууакъ джер иеле бла джерли сыйлы адамла боладыла. Ала кёб турмай джангы Крема республиканы баямлайдыла, ол республика Крема шахарны эмда провинцияны контролгъа алады.

Гитче революцион республика кёб джашамагъанды. Юч айдан, 1797-чи джылны 29-чу июлунда Кампо-Формия мамырлыкъны шартларына кёре д'Адда департамент[it] бла Альто По департаментге[it] къошулады.

Къайнакъла

[тюзет | къайнакъны тюзет]
  • Horst Dippel, Constitutions of the world from the late 18th century to the middle of 19th century, Göttingen, de Gruyter, 2010, p. 17.
  • Storia di Crema dal sito istituzionale del comune, su http://www.comune.crema.cr.it. URL consultato il 25 luglio 2017.
  • Giovanni Solera, Storia di Crema raccolta per Alemanio Fino dagli annali di M. Pietro Terni, Milano, Ronchetti e Ferreri, 1845, p. 108.