Раурак республика
| Раурак республика République Rauracienne Францияны эгеч республикасы | |||||||||
| |||||||||
|---|---|---|---|---|---|---|---|---|---|
| |||||||||
| |||||||||
| Ара шахары | Поррантрюи | ||||||||
| Тарихи | |||||||||
| - Республиканы баямланыуу | 17 декабрь 1792 | ||||||||
| - Франциягъа къошулуу | 23 март 1793 | ||||||||
.svg)
Раурак республика (фр. République Rauracienne, нем. Raurachische Republik) - Францияны къысха заман джашагъан къаранчха республикаларыны бириди. Бусагъатдагъы Швейцарияны Юра кантонуну территориясын алгъанды, эмда ол замандагъы Сыйлы Рим империягъа кирген Базель епископлукъ бийликни шимал джанын кесегинде орналгъанды. Республика кёб заманны джамагъанды, 1792-чи джылны 17-чи декабрында баямланнганындан сора, 1793-чю джылны 23-чю мартында Биринчи Француз республикагъа къошулгъанды. Наполеон кёзюуден сора, 1815-чи джылда территориясы Базель бла Берн кантонланы арасында юлешиннгенди. Республиканы аты буруннгулада ол джерледе джашагъан кельт юйюр раурицилени аты болгъанды. Кечирек башха француз эгеч къралгъа, Гельветика республикагъа аты берилген гельветле да раурицилеге джууукъ болгъандыла.
Тарих
[тюзет | къайнакъны тюзет]1792-чи джылны сентябрында Биринчи Француз республиканы баямланыуундан сора, мизамсызлыкъла хоншу регионлагъа терк джайылгъандыла, аланы ичинде Базелни епископ-бийини да джерлери болгъанды. Алада "революциячы комитетле " къураладыла. 1792-чи джылны 17-чи декабрындаФранцияны биринчи "эгеч республикасы" Рауарак республика бамаланады. Эки кере миллет ассаблея бегим алалмагъанды, ючючню кере Францияны къурамына кириуню къабыл этгенди. 1793-чю джылны 23-чю мартында Мон-Террибль департамент аты бла Францияны къурамына киреди.
Административ чекле эки он джылны ичинде талай кере да ауушдурулгъандыла, алай а къазауат бошалгъанында Мон-Террибл департаментни территориясы хорламчыла бла Вена конгрессде Швейцарияны Берн эмда Базель кантонларыны арасында юлешиннгенди