Breitachklamm
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)
D Breitachklamm es ön eng Stell, wo dr Baach Breitach si janz Wasser tösche Velse dörch deut. Si litt en d Nööde va Tiefenbach em Aljäu.
En d leitzde 10.000 Joohr hat sisch d Breitach önö Wääch dörch dr Kalkvels vresse un dat janze Wasser leufd dörch di äng Stell, di an a paar Ställe jrad öns 2 Meter breed es. Völl Turiste kikke sisch dat Spektakel a, em Sommer un em Wengkter, wobei dat jevroore Wasser zo lang Iißzappe vrüsst un Wasserväll us Iiß beld.
Am 23. September 1995 koom öt bo zo ön Katastrof als 50.000 m³ Vels jäje 6 Uhr en d Jraav van d Breitach stürzde. Do joov öt ke vottlaufe. Sälvs dat Wasser koom net mi dörch. Mi als 300.000 m³ Wasser staude sich hänger di Stehen. Am 23. Määz 1996 broch dat Wasser dörch un stald alles op dr Kopp. 300.000 Mark woore nüdisch, öm d Breitachklamm wärm böjoobach z maache. Hüü sitt mo mä noch di Keie en d Klamm liije.
-
Wasservall us Iiß -
Mä 2 Meter breed an d ängste Stell -
D Keie send no en d Klamm z venge
