Kurdên Almanyayê

Kurdên Almanyayê

Kurden in Deutschland
Gelhe tevahî
800,000 - 1,200,000
Ziman
Zikmakî: kurdî | Duyem: Zimanê tirkî, almanî, erebî û farsî
Baweriya dînî
Piraniya wan: Îslam Hindekarî: Êzîdî, Xristiyanî

Kurdên Almanyayê (bi almanî: Kurden in Deutschland an jî Deutsch-Kurden) an jî wek di nav gel tên binavkirin Almancî, ji kesên kurd ên ku li Almanyayê dijîn re tê gotin. Li ser hejmara van kurdên ji hemû beşên Kurdistanê tu agahî û statîstîkên fermî ê dewleta alman nîne, lê bi texmînî qase 800 hezar heya 1,2 mîlyon kurd, ku piraniya wan ji bakurê Kurdistanê ne, li Almanyayê dijîn.^[1]

Dîroka koçberiyê

Piraniya kurdên Almanyayê ji destpêka salên 1980'î û şûn de piranî ji ber şerê dewletên dagirkerên Kurdistanê û bi taybetî dewleta tirk, cih û warên xwe bicih hiştin û reviyan Ewropayê û bi taybetî Almanyayê.^[2] Îro gelek ji kurdên Almanyayê li vî welatî hatine dinê û mezin bûne û Kurdistanê tenê ji bîranînên dayîk û bavên xwe û ji televîzyonan nas dikin. Ev nifşên nû di dibistanên Almanyayê mezin bûne û piranî bi çend zimanan dizanin.

Çand

Rodî Minimarkt, Bielefeld

Piraniya wan ligel zimanê almanî, kurdî û tirkî (kurdê ji bakurê Kurdistanê) jî dizanin. Bi vê hejmara mezin, kurdên Almanyayê di van salên bihurî de bûne xwedî gelek dezgeh û saziyên siyasî, çandî, civakî û hunerî û herwiha di aliyê aborî de jî bûne xwedî gelek derfet.

Herwiha

• Kurdên Awistiryayê

Çavkanî

1. "Who is the Kurdish Institute ?". Institutkurde.org (bi îngilîzî). Roja gihiştinê 25 nîsan 2023.
2. "The Kurdish Diaspora". Institutkurde.org (bi îngilîzî). Roja gihiştinê 25 nîsan 2023.

Girêdanên derve

• (almanî) Kurdên li Almanyayê ^{Girêdana arşîvê 2008-12-12 li ser Wayback Machine}