Hyns-horn Lynn Tegid

Jynn ethen war Hyns-horn Lynn Tegid yn 1975.

Hyns-horn Lynn Tegid (Kembrek: Rheilffordd Llyn Tegid / Sowsnek: Bala Lake Railway) yw hyns-horn kledhrennow kul a hol glann dhyghow Lynn Tegid yn Gwynedh, Kembra North. An linen, hag yw 4 1⁄2 mildir (7.2 km) a-hys, yw drehevys war rann a hyns-horn geyj savonek GWR yntra Rhiwabon hag Abermaw a veu degys yn 1965. Rann aral a'n hyns-horn deges ma yw devnydhyes gans Hyns-horn Llangollen. Hyns-horn Lynn Tegid, a bon war gledhrennow geyj 2 tros-hys (610 mm) gans kochys ha jynnow gwithys, yw esel a Great Little Trains of Wales.

Gorsavow

[golegi | pennfenten]
  • Llanuwchllyn, yma penn-vyldyansow, koffiji hweljiow ha sodhvaow an hyns-horn desedhys omma.
  • Gorta Pentrepiod, gorta dre wovyn.
  • Gorta Glan Llyn, gorsav treweythus y dhevnydh.
  • Llangower, penn-gorsav hanter-fordh, le may stopp pub tren. Yma loup-passya omma rag servisyow dew dren.
  • Gorta Bryn Hynod, gorta dre wovyn a veu degys yn 2011.
  • Bala (Penybont), penn an hyns, desedhys ogas dhe drev an Bala.

Ystynnans y'n termyn a dheu

[golegi | pennfenten]

Yn 2010 an hyns-horn a dhasdallathas y dowl dhe worfen 0.75 mildir (1.2 km) an linen bys dhe gres trev an Bala.

An towlennow a gomprehend: chi jynnow nowydh, kresen havysi ha dasdrehevel an chi kochys, o gorfennys yn 2019, ha sett nowydh a gochys.

Mis Meurth 2017 an trest a leveris ev dhe brena an tir rag an gorsav nowydh y'n drev.