Hyns-horn Ugheldir Kembra

Trew eus ow pos tennys gans lokomotyv Garratt NGG16 ow tiberth Gorsav Karnarvon.

Hyns-horn ertach kledhrennow kul yn Gwynedd, Kembra yw an Hyns-horn Ugheldir Kembra (Kembrek: Rheilffordd Eryri, Sowsnek: Welsh Highland Railway). 25 mildir (40.2km) yw an hyns-horn 1' 11 1⁄2 " (597mm) a bon dhyworth Karnarvon dhe Borthmadok ow passya nebes arenebedhow havyasek, ow komprehendya Bedhgelert ha'n Bolgh Aberglaslynn.

Ev a jun an Hyns-horn Ertach Ugheldir Kembra dhe Dhibarthva Pen-y-Mount ogas dhe Borthmadok ha gans an Hyns-horn Ffestiniog dhe Worsav an Porth y'n Porthmadok. An hyns-horn a dreus an Linen Gambria yn Porthmadok dre'n unnik dreusva gledhren blat liesgeyj y'n Ruwvaneth Unys.

An gorsav dhe Rys Du.

Gwithans an hyns-horn a recevas niver a wobrow. Y'n dalleth, an hyns-horn a bonyas dhyworth Dinas ogas dhe Garnarvon dhe Borthmadok, an linen hedhyw a gomprehend rann geworansel dhyworth Dinas dhe'n dre Garnarvon. Yth esa skorren dhe Vryngwyn ha'n mengleudhow dhe Voel Tryvan dhe'n hyns-horn gwreydhek, an linen-ma re beu gwithys avel hyns-troos.

Y'n jydh hedhyw, an hyns-horn a wra devnydhyans a lokomotyvyowGarratt dhyworth Afrika Dyghow dhe vras awos aga bos gwiw dhe denna'n trennow hir a-hys an linen serth, mes treweythyow yma'n trennow tennys gans lokomotyvyow dhyowrth an Hyns-horn Ffestiniog po jynnow disel.

Garratt NGG16 Niver 143 ow trehedhes dhe worsav Pons Croesor dhyworth Karnarvon.

Gorsavow an Hyns-horn hedhyw

[golegi | pennfenten]

Treylyansow Kernowek an henwyn a-berth yn korblys pedrek, holyes gans pelder an gorsav dhyworth Karnarvon.

  • Caernarfon [Karnarvon] 0 mildir (0 km)
  • Bontnewydd [Ponsnowydh]
  • Dinas 2.7 mildir (4.3 km)
  • Tryfan Junction [Diberthva Dryven]
  • Waunfawr [Goonveur] 6.5 mildir (10.4 km)
  • Plas-y-Nant [Plas-an-Gover]
  • Snowdon Ranger [Gwandrans an Oodhva]
  • Rhyd Ddu [Rys Du] 12.1 mildir (19.4 km)
  • Meillionen (Forest Campsite) [Mellyonen (Kampva an Koos)]
  • Beddgelert [Bedhgelert] 16.8 mildir (27.0 km)
  • Nantmor [Gover an Mor]
  • Hafod y Llyn [Hendra an Lynn] (deges)
  • Pont Croesor [Pons Croesor] 22.3 mildir (35.9 km)
  • Pen-y-Mount Junction [Dibarthva Benn-an-Mount] 23.9 mildir (38.4 km) (Y fydh kay an HEUK byldyes)
  • Porthmadog Harbour [Gorsav an Porth Porthmadok] 24.7 mildir (39.7 km)

Kevrennow

[golegi | pennfenten]

Gwiasva an hyns-horn (yn Sowsnek).