Rasha Shehada | |
---|---|
Genys |
1980s Tiredhow Palestinek |
Kenedhlogeth | Palestayn |
Galwesigeth | person negys |
Pewasow | BBC 100 Women |
Rasha Shehada (Arabek رشا شحادة) yw dyghtyer-kevarwodher palestinek a ober y'n kowethyans teylu Diamond Line y'n Pennternasedh Unys Arabek (PUA).
Genys veu Rasha Shehada yn Palestayn, an kres a dri flogh. Yma broder ha hwor dhedhi ynwedh. Hi ha'y theylu a vovyas dhe'n Pennternasedh Unys Arabek pan o hi flogh, ow triga yn Abu Dhabi y'n dalleth. Hy thas a fondyas kowethyans ynperthi, Diamond Line y hanow. Hi eth dhe Bennskol Amerikanek yn Sharja, ha gradhya yn 2007, ha wosa henna, hi a oberi yn kenwerth kesgwlasek.
Y tallathas Rasha oberi yn kowethyans hy theylu, mes yn 2011, hy a viajyas dhe Ohio avel rann a 'Dowlen Keschanjya Kowethyansow Byghan Amerika Kres-Est'. Hi a leveris hi dhe weles hevelepterow ynter an kowethyansow byghan gwelys gensi y'n Statys Unys. Hi a oberas dhe dhisplegya kowethyansow, ha movya hy thas may hwrello ev dalleth gul devnydh a dhyski oberoryon an kowethyans a-lemmyn, a-der arveth kusulysi.
Kyns omdennans hy thas, ev a rannas an kowethyans yn rannow kehaval ynter an tri flogh. Hy broder ha hwor a'y dewisas dhe vos dyghtyer-kevarwodher yn 2013. Hy ober kynsa o dasfogella an kowethyans war y jyf negys a ynperthi oyl a-der provia stoffow dhe ostelyow.
Henwys veu Rasha Shehada gans paper termyn Forbes avel onan a'n benenes moyha awedhyansus yn negys an ranndir arabek, ha komprehendys veu yn towlen '100 benen' an BBC avel rann a'n bagas 30under30.