Academia Pontaniana, sodalitas litteraria Neapoli Italiae posita, ab Antonio Panormita anno 1458 instituta, sub titulo Porticus Antonianus primis annis cognita est. Postea Iovianus Pontanus fuit dux academiae, a quo nomen novum Academia Pontaniana accepit. Academiam anno 1542 Petrus Toletanus clusit.
Fontes nonnulli annum institutionis 1442 seu 1443 indicant;[1] sed hoc datum fortasse Academiae cuidam Alphonsinae attribuendum est.[2]
Sodalitate anno 1808 sub nomine Società Pontaniana di Napoli renata anno 1825 nomen priscum Accademia Pontaniana restituit rex Franciscus I Utriusque Siciliae. Academia a gubernio Fascista anno 1934 suppressa, anno 1944, hoc gubernio debellato, restituta est.