Alexander's Feast, or the Power of Musick: an Ode wrote in Honour of St. Cecilia est carmen Ioannis Dryden, anno 1697 scriptum, ubi narratur historia comissationis Alexandri Magni Persepoli celebratae: eodem tempore evocari censetur unio Gulielmi et Mariae, qui ab anno 1685 Britanniae imperabant. Huic carmini sub eodem titulo musicam anno 1736 composuit Georgius Fridericus Handel. Versus None but the brave deserves the fair e carmine saepe citatur.
Fontes principales, quibus Dryden usus est, fuerunt Plutarchi "Vita Alexandri" (quam cognovit ipse) et anecdoton e Basilii Caesareensis Ad adolescentes (quod per scriptorem recentiorem Ieremiam Collier habuit)[1] de Timotheo, cantore qui, variis modis musicis utens, Alexandrum ad pugnam et ad somnum vicissim coegerit. Secundum Plutarchum aliosque auctores antiquos, Timotheus a Persepoli aberat.[2]