Alvastrum

Ruinae monasterii Alvastri
Imago ex opere Suecia Antiqua et Hodierna, cum inscriptione: "Rudera sive Reliquiae Templi et Monasterii Alvastrae."
Ruinae monasterii Alvastri

Alvastrum[1] (Suecice Alvastra[2]), seu Alvastra sive Alvestrum, est vicus in communi Ödeshögensi provinciae Gothiae Orientalis in Suecia.[1] Locus praecipue notus est propter ruinas monasterii Cisterciensis, quod anno 1143 a monachis Gallicis fundatum est.[3] Monasterium Alvastrense, tempore Medii Aevi Suecici situm et in regione magni momenti pro regno Suecico, per quattuor fere saecula floruit. Prope montem Ombergensem aedificatum, ex lapide calcario constructum est. Sancta Birgitta, una ex patronis Europae, multas revelationes suas hic accepit.[4] Post Reformationem monasterium dissolutum est, et eius possessiones ad coronam relatae sunt. Hodie ruinae monasterii visitatoribus patent et partem pretiosam patrimonii culturalis Gothiae Orientalis constituunt.

Historia nominis Latini

[recensere | fontem recensere]

Prima certa mentio scripta Alvastri invenitur in actis Capituli Generalis Ordinis Cisterciensis, diebus 13-16 Septembris anno 1213 Cistercii habiti. Textus sic se habet:

"Quoniam abbas de Fontanis in Anglia abbatiam de Lysa in Noruegia secundum formam ordinis competenter non potest visitare, eadem domus de Lysa domui de Aluastro committitur in filiam. Abbas de Asylo abbati de Aluastro hoc denuntiet."[5]

Hoc documentum ostendit monasterium Alvastri iam tunc temporis satis magni momenti in ordine Cisterciensi fuisse, ut ei cura abbatiae Lysensis in Norvegia committeretur.

Exstat quidem littera antiquior, die 26 Iunii anno 1208 data, in qua Alvastrum nominatur[6], sed huius documenti authenticitas adhuc incerta est.

Bibliographia

[recensere | fontem recensere]
  • Diplomatarium Danicum 1. rk. V nr. 35; DRB. I:5 nr. 35 (Canivez I 406 § 11)
  • Diplomaturium Suecanum SDHK 319

Notae

[recensere | fontem recensere]
  1. ↑ 1.0 1.1 J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3
  2. ↑ https://runeberg.org/ortnamn/0008.html
  3. ↑ https://web.archive.org/web/20150623182728/http://www.visitostergotland.se/en/Odeshog/products/145059/Alvastra-klosterruin/
  4. ↑ https://web.archive.org/web/20150623182728/http://www.visitostergotland.se/en/Odeshog/products/145059/Alvastra-klosterruin/
  5. ↑ https://web.archive.org/web/20240930214809/https://tekstnet.dk/books/dipdan/1213/dd_12130913001/
  6. ↑ Diplomatarium Suecanum SDHK 319

Nexus externi

[recensere | fontem recensere]
Situs geographici et historici: Locus: 58°17′40″N 14°39′2″E • GeoNames • Store norske Lexikon