Arator

Arator vel Arator Subdiaconus, circa annum 490 natus et post annum 544 mortuus, poeta Latinus Christianus fuit. In Liguria natus est, Mediolani apud Ennodium et Ravennae iurisprudentiae et rhetoricae studuit. In Ravenna magister officiorum in aula Ostrogothica factus est. Bello cum Imperio orientali inito aulam reliquit et circa annum 540 Vigilius pontifex Ararorem subdiaconum Romae fecit. Ibi carmen suum, Actus apostolorum heroicis versibus transferens, in duos libros composuit et Vigilio dedicavit. Quod opus anno 544 in ecclesia Petri ad vincula publice recitavit. Etiam epistolas tres metricas scripsit.

Opera

De actibus apostolorum et epistolae Aratoris in Bibliotheca Augustana
Opera Aratoris in Patrologia Latina cum commentario magno
Arator Subdiaconus. Historia apostolica / Ed. A.P. Orbán. 2006 (= Corpus Christianorum. Series Latina 30) (ISBN: 978-2-503-01301-5)

De Aratore

Roger P. H. Green, Latin epics of the New Testament, Oxoniae 2006.
Johannes Schwind, Arator-Studien, Göttingen 1990.
Tino Licht, Aratoris fortuna, in: Quaerite faciem eius semper. Studien zu den geistesgeschichtlichen Beziehungen zwischen Antike und Christentum, Hamburg 2008, S. 163-179 (pdf).