Argentovaria vel Castrum Argentariense fuit oppidum Celtarum et castellum Romanum ubi nunc est vicus Horbourg-Wihr[1] in Alsatia. Talis est locatio a plerisque hodie probataː aliae quidem fuerunt nec testimonium irrefutabile adhuc exstitit.
A geographo Claudio Ptolemaeo et in Tabula Peutingeriana nomen Argentovariae citatur.[2] Ptolemaeus Argentovariam urbem populi Rauricorum fuisse dixit.
Anno 378 imperator Gratianus proelio apud Argentovariam Alamannos Lentienses vicit.