Esquites[1] (Navatlace ízquitl "maizium tostum"[2]), sunt cenula Mexicana (Hispanice antojito).[3] Popinae et tabernulae in foris ubi elotes venumdantur etiam esquites venditare solent. Venditores etiam viarii per ferias offerunt.
Grana maizii primum ex aqua salsa coquuntur, quae in butyro cum cepis, capsicis annuis (pequin) concisis, epazote, et sale tum saltantur. Grana calida in parvis poculis proferuntur, suco lumiarum, capsico contrito vel liquamine e capsicis, sale, embammate Magonico inspersis.[4]