Francisca Densmore

Francisca Densmore, Anglice Frances Densmore (21 Maii 1867–5 Iunii 1957), fuit ethnographa et ethnomusicologa Americana, musicarum culturarumque Indorum Americanorum in Civitatibus Foederatis peritissima (Gilman 1989:16).

Puella, in vico Red Wing Minnesotae nata, musicam Dakotanam vicinorum cupide audiebat. Clavili, organo, harmoniaeque in Conservatorio Oberliniensi studuit. Saeculo vicensimo ineunti, musicam Europaeam Indis Americanis per rempublicam docere coepit dum discendo, capiendo, scribendoque usum eorum musicae in eorum cultura perscribebat. Ipsa in eorum cultura conservata iuvit cum advenae albi Indos Americanos impellerent ut ei mores Occidentales asciscerent.

Densmore musicam pro Ministerio Ethnologiae Americanae Instituti Smithsoniani anno 1907 capere coepit. Multi ex cylindris cereis quos ea pro MEA fecit nunc in Bibliotheca Congressionali tenentur. Dum primae Indorum Americanorum perscriptiones essent cylindris cereis factis, multae aliis mediis denuo generatae in variis custodiuntur tabulariis, ubi eorum soni ab investigatoribus et legatis tribuum accedi possunt Densmore plus quam viginti libros et centum commentarios divulgavit, saepe in American Anthropologist, diurno academico, et plus quam duo milia cylindrorum cereorum musicae indigenarum cepit.

Laboravit cum tribubus Chippewa, Dakota, Hidatsa, Mandan, septentrionalibus Oklahomae Pawnee, Papago Arizonae, Indis variorum tribuum in Columbia Britannica et Vasintonia, Winnebago et Menominee Visconsiniae, Pueblo Indis regionis inter occasum solis et meridiem, et Seminoles Floridae (Kennedy 1989:354); Tule Indis Panamae quoque, et populo Samoae.

Singula scientiae culturarum Indorum in operibus Densmore, Iacobi Owen Dorsey, Eugenii Buechel, et fortasse aliorum scriptorum divulgata libris a Ricardo Erdoes confectis adhibentur, primum in libro Lame Deer: Seeker of Visions (1972).^[1]

Opera selecta

1917. Poems from Sioux and Chippewa Songs. Vasintonia, D.C.
1917. Recent Developments in the Study of Indian Music. Vasintonia, D.C.
1936. The American Indians and Their Music. Novi Eboraci: The Woman's Press.
1947. Imitative Dances Among the American Indians. Journal of American Folklore 60(235):73-78.
1965. Healing Songs of the American Indians. Novi Eboraci: Folkways Records & Service Corp. Discus, cum notis a Charles Hofmann scriptis.
1977. Dakota and Ojibwe People in Minnesota. St. Paul, Minn.: Minnesota Historical Society.
1979. Chippewa Customs. St. Paul, Minn.: Minnesota Historical Society Press.
Series discorum: Songs of the . . . . Vasintonia, D.C.: Library of Congress, Division of Music, Recording Laboratory.
- 1951. Songs of the Chippewa.
- 1951. Songs of the Pawnee and Northern Ute.
- 1951. Songs of the Sioux.
- 1951. Songs of the Yuma, Cocopa, and Yaqui.
- 1953? Songs of the Menominee, Mandan, and Hidatsa.
- 1953? Songs of the Nootka and Quileute.
- 1953? Songs of the Papago.

Notae

↑ Julian Rice (1994), "A Ventriloquy of Anthros: Densmore, Dorsey, Lame Deer, and Erdoes," American Indian Quarterly 18(2).

Bibliographia

Gilman, Rhonda R. 1989. The Story of Minnesota's Past. Sancti Pauli Minnesotae: Minnesota Historical Society Press. ISBN 0-87351-267-7.
Kennedy, Stetson. 1989. Palmetto Country. Tallahassiae Floridae: Florida A&M University Press. ISBN 0-8130-0959-6.

Nexus externi

Bureau of American Ethnology, Bulletin 161: Seminole Music, Frances Densmore* Pagina Franciscae Densmore in situ Publici Minnesotae Radio
Francisca Densmore in situ Historicae Minnesotae Societatis
Notae historicae, praecipue in descriptionibus Franciscae Densmore
Washington Field Recordings in the Archive of Folk Culture (American Folklife Center, Library of Congress) apud www.loc.gov Finding Aids to Collections in the Smithsonian Archive of Folk Culture

[1] Julian Rice (1994), "A Ventriloquy of Anthros: Densmore, Dorsey, Lame Deer, and Erdoes," American Indian Quarterly 18(2).

[1]