Ioannes Cohen (musicus)

Ioannes Cohen (natus Queens Novi Eboraci 2 Augusti 1932; mortuus 16 Septembris 2019^[1]) fuit musicologus,^[2] photographus, fabricator pellicularum, et sodalis conditor gregis New Lost City Ramblers. Describunt nonnullae ex eis imaginibus notissimis scaenam expressionisticam abstractam in Cedar Bar Novi Eboraci; eventus in pinacothecis a primis artificibus perfunctionis; adventum Neoeboracense iuvenis Roberti Dylan; scriptores Aetatis Prostratae, per Pull My Daisy pelliculam Roberti Frank et Alfredi Leslie factam; et musicos temporis prisci in Appalachia. (Nomen High Lonesome Sound, eius pelliculae anni 1962, synonymum illius musicae factum est.) Cohen est notabilis musicorum et cantorum traditionalium inventor, qui Dillard Chandler, Roscoe Holcomb, et multos banionis psallatores repperit inque discos rettulit, insignissime in albo High Atmosphere. Cohen duxit Penny Seeger, minimam sodalem familiae Seegeranae, quae insigniter comprehendit Petrum Seeger, fratrem eiusdem patris.^[3] Photographiam et adumbrationem in Collegio Purchase docuit.

Monographa

• There Is No Eye: John Cohen Photographs, praefatio Greil Marcus. Novi Eboraci: PowerHouse Books, 2001. ISBN 1-57687-107-X, ISBN 1-57687-119-3.
• Past, Present, Peru, Gotingae: Steidl, 2010. ISBN 978-3-86930-103-7.

Pelliculographia selecta

• The High Lonesome Sound (1962)
• Fifty Miles from Times Square (1970)
• The End of an Old Song (1972). Versio DVD venditur in Dark Holler: Old Love Songs and Ballads (2005). Vasingtoniae: Smithsonian Folkways.
• Q'eros: The Shape of Survival (1979)
• Peruvian Weaving: a continuous warp (1980)
• Sara and Maybelle (1981)
• Gypsies Sing Long Ballads (1982)
• Mountain Music of Peru (1984)
• Dancing with the Incas (1990)
• Carnival in Q'eros (1992)
• Play on John: A Life in Music (2009) in Smithsonian Networks

Discographia selecta (productor)

• High Atmosphere: Ballads and Banjo Tunes from Virginia and North Carolina (1975)
• There Is No Eye: Music for Photographs, Smithsonian Folkways SFW CD 40091 (2001), comes libri eiusdem nominis
• Back Roads to Cold Mountain (2004)

Notae

1. Friskics-Warren, Bill (September 17, 2019). "John Cohen, Champion of Old-Time Music, Is Dead at 87" .
2. Steve Kurutz, "John Cohen: Biography," AllMusic.
3. "A Vision Shared," Austin Chronicle, weeklywire.com, 18 Augusti 1997.

Nexus externi

• Cohen, John. Situs proprius.
• Cohen, John. Situs proprius recentissimus, cum photographematibus.
• Cohen, John. Colloquium interrogatorium. American Standard Time.
• Glinter, Ezra. 2010, 2016. The Revivalist. The Forward.
• Matthews, Scott. 2008. John Cohen in Eastern Kentucky: Documentary Expression and the Image of Roscoe Halcomb During the Folk Revival. Southern Spaces.
• Stephenson, L. Parker. Situs proprius, cum photographematibus Novi Eboraci.
• De hoc homine in Indice Interretiali Pellicularum (Anglice)
• Webcast "The High Lonesome Sound Revisited": Documenting Traditional Culture in America, programmatis Bibliothecae Congressionalis (2009).