Kvabebihyrax est genus exstinctum Hyracoideorum quae aevo Pliocaeno montes Caucasios habitabant, cuius generis una species nota est, K. kachethicus. Kvabebihyrax, 1.6 metra longus, multo maior hyracibus hodiernis erat, et cum speciebus maioribus Titanohyracis, generis Palaeogenici aevi, comparari potest. Corpus amplum et oculi in alta calvaria positi Kvabebihyraci aspectum hippopotami dabant; etiam magna paria incisorum in ambabus maxillis habebat.[1]