Petrus-Theodorus Verhaegen

Statua Theodori Verhaegen coram aedibus Universitatis Liberae Bruxellensis

Petrus-Theodorus Verhaegen, natione Belga, natus Bruxellis anno 1796 et ibidem mortuus die 8 decembris 1862, fuit causidicus et homo politicus factionis Liberalis.

Anno 1834, postquam episcopi Belgicae condiderunt novam universitatem catholicam in urbe Mechliniae, condidit una cum sodalibus Logiarum Massonicarum Belgicae Universitatem Liberam Bruxellensem ne clerus haberet monopolium studiorum.

Fuit rector huius novae universitatis ita ut plures familiares eius qui etiam direxerunt universitates:

• Ioannes Verhaegen, quater rector (bis anno 1581 per primum et secundum semestre anni et annis 1583 et 1584) Studii Generalis Lovaniensis;
• Petrus-Theodorus Verhaegen (1762-1822), rector Studii Generalis Lovaniensis anno 1797;
• Petrus-Iosephus Verhaegen (1800-1868), iesuita et rector usque ad annum 1836 Sancti Ludovici Universitatis in Unitis Statibus Americae.

Petrus-Theodorus Verhaegen etiam fuit francomurarius, et Magnus Magister Massonicus in Belgica.

Vicimedia Communia plura habent quae ad Petrus-Theodorus Verhaegen spectant.