Solanum lasiocarpum

Solanum lasiocarpum

Plantae — Angiospermae

Eudicotyledones
Asteridae
Ordo : Solanales
Familia : Solanaceae
Genus : Solanum
Subgenus : Leptostemonum
Species : Solanum lasiocarpum
Dunal^[1]

Solanum lasiocarpum (binomen a Michaele Felice Dunal anno 1813 statutum;^[1] synonymo etiam recenter usitato Solanum ferox) est planta florens generis Solani subgenerisque Leptostemoni. Clado Lasiocarpa huius subgeneris attributa est. Frutex ad 2 m altus, spinosus, foliis simplicibus modice lobatis, fructibus globosis diametro inter 2.5 cm et 3.5 cm, seminibus cuiusque fructus fere 100. Per Indiam, paeninsulam Indosinensem, Malaesiam, Indonesiam sponte gignitur et propter fructus sucosis acidisque colitur.

Huic fructui, nomine vernaculo Terung asam ("melongena acerba"), in Sarawak appellatio geographica conceditur. Haec species in India meridiana florens iam anno 1679 sub nomine ana-chunda ab Henrico van Rheede descripta et delineata est. De fructibus sic scripsit:

Fructus, qui congregati seu falciati proveniunt, rotundi sunt, pilis densis, longis, surrectis ac nonnihil hirsutis, ex albicante flaviusculis undique circumdati ac subasperi, primum virides, postea flavi, calycibus suis arcte inferius excepti; in hisce inter pulpam succulentam quae primum viridis est, postea flavescens, numerosa semina continentur in quinque distinctas series inter parietes mambranaceos intermedios disposita.^[2]

Notae

↑ ^1.0 ^1.1 Dunal (1813)
↑ van Rhede (1679) p. 66

Bibliographia

Fontes antiquiores

1679 : Henricus van Rhede tot Draakestein, Horti Malabarici pars secunda (Amstelaedami: sumptibus Johannis van Someren, et Joannis van Dyck) fig. 35, pp. 65-66
1813 : Michael Felix Dunal, Histoire naturelle, médicale et économique des Solanum et des genres qui ont été confondus avec eux (Lutetiae: Koenig, 1813) p. 222

De re botanica

Xavier Aubriot, Sandra Knapp, "A revision of the “spiny solanums” of Tropical Asia (Solanum, the Leptostemonum Clade, Solanaceae)" in PhytoKeys vol. 198 (2022) pp. 1-270
Xavier Aubriot, Paramjit Singh, Sandra Knapp, "Tropical Asian species show that the Old World clade of ‘spiny solanums’ (Solanum subgenus Leptostemonum pro parte: Solanaceae) is not monophyletic" in Botanical Journal of the Linnean Society vol. 181 (2016) pp. 199-223
A. R. Bean, "The taxonomy and ecology of Solanum subg. Leptostemonum (Dunal) Bitter (Solanaceae) in Queensland and far north-eastern New South Wales, Australia" in Austrobaileya vol. 6 (2003) pp. 639-816, vide pp. 718-719
Lynn Bohs, "A Chloroplast DNA Phylogeny of Solanum Section Lasiocarpa" in Systematic Botany vol. 29 (2004) pp. 177-187 JSTOR
Charles B. Heiser, "Ethnobotany of the Naranjilla (Solanum quitoense) and Its Relatives" in Economic Botany vol. 39 (1985) pp. 4-11 JSTOR
Charles B. Heiser, Of Plants and People (Norman: University of Oklahoma Press, 1985) pp. 74-76 Exemplar mutuabile (Paginae selectae apud Google Books)
Charles B. Heiser, "Origins of Solanum lasiocarpum and S. repandum" in American Journal of Botany vol. 74 (1987) pp. 1045-1048 JSTOR
Rachel S. Meyer, Michael Nee et al., Phylogeographic relationships among Asian eggplants and new perspectives on eggplant domestication" in Molecular Phylogenetics and Evolution vol. 63 (2012) pp. 685-701
Rachel S. Meyer, Maryam Bamshad, Dorian Q. Fuller, Amy Litt, "Comparing Medicinal Uses of Eggplant and Related Solanaceae in China, India, and the Philippines Suggests the Independent Development of Uses, Cultural Diffusion, and Recent Species Substitutions" in Economic Botany vol. 68 (2014) pp. 137-152
D. E. Symon, "The Solanaceae of New Guinea" in Journal of the Adelaide Botanic Gardens vol. 8 (1985) pp. 1-171, vide pp. 87-89
Michael D. Whalen, D. E. Costich, Charles B. Heiser, "Taxonomy of Solanum Section Lasiocarpa" in Gentes Herbarum vol. 12 (1981) pp. 41-129
Michael D. Whalen, Elizabeth E. Caruso, "Phylogeny in Solanum sect. Lasiocarpa (Solanaceae): Congruence of Morphological and Molecular Data" in Systematic Botany vol. 8 (1983) pp. 369-380 JSTOR

De usu

Lee Sin Chang, Siew May Eau Yong, Liew Phing Pui, "Production of Spray-dried “Terung Asam” (Solanum lasiocarpum Dunal) Powder" in Walailak Journal of Science and Technology vol. 18 (2021) no. 6922
Albert Ting Koon Soon, Phebe Ding, "A Review on Wild Indigenous Eggplant, Terung Asam Sarawak (Solanum lasiocarpum Dunal.)" in Sains Malaysiana vol. 50 (2021) pp. 595-603

Nexus externi

Situs scientifici: Tropicos • GRIN • ITIS • Plant List • NCBI • Biodiversity • Encyclopedia of Life • Plant Name Index • Flora of China • Flora of North America

Vicimedia Communia plura habent quae ad Solanum lasiocarpum spectant.

Vide "Solanum lasiocarpum" apud Vicispecies.

"Solanum lasiocarpum" apud Solanaceae Source
"Terung Asam (sour) Eggplant" apud Specialty Produce

[Dunal_(1813)-1] 1.0 ^1.1 Dunal (1813)

[2] van Rhede (1679) p. 66

[1]

[2]