Sancti Theodora et Didymus, circa annum 304 mortui, fuerunt martyres Christiani, Alexandriae Diocletiano imperante passi. Memoria eorum ab Ecclesia Catholica die 28 Aprilis, ab Orthodoxa 5 Aprilis et 27 Maii colitur.
Theodora Alexandrina virgo nobilis Christiana nuptum ire nolebat et pro eo a rectore urbis damnata et in lupanar missa est; Didymus miles Theodoram amans primus ad eam intraverat et vestem armaque sua virgini dedit, ut evaderet; ipse in veste Theodorae mansit. Eo inventus capite damnatus est, corpusque eius incensum est.
Haec est narratio passionis Theodorae et Didymi Graecae. Ambrosius Mediolanensis in de virginibus sic narrat:
Nomina martyrum non refert et Antiochenam virginem appellat, sed traditio hanc fabulam pro narratione de Theodora et Didymo habet; Theodora ergo Didymum non reliquit et ipsa cum eo occisa est. Sine nominibus et in Legenda aurea narratur.
Petri Cornellii tragoedia Τhéodore (1646) nota est, Handelii oratorium multaque alia opera.