Antika Esnoga de Dushanbe

Interior de la Esnoga

La Esnoga de Dushanbe, endagora konosida komo la Antika Esnoga de Dushanbe o la Esnoga Buhari, fue fraguáda en Dushanbe, la sivdad kapitala de Tadjikistan, en una de las máales djudias ke ivan egzistir en la sivdad enel syéklo XIX. La esnoga konformaba parte del komplekso djudio de la sivdad, le iva inluir endemas una skola i una mikve. En Febrero del anyo 2006, el govierno de Tadjikistan empiesó a demolir las fráguas komunitarias djudias komo parte de un plano para dezvelopar la sivdad i endemas deishar spasio para un muevo palasio presidensial i bostanes. La destruksiyon de la esnoga fue retrazada déke la protesta de la komunita internasional i una serie de aksiyones en las kortes asta el final del mes de Djunio de 2008, kuando la vieja frágua fue finalmente destryuida. [1][2]

La Frágua

[trocar | trocar el manadero]

Fraguáda por la komunita buhariana má de sien anyos atras, la esnoga fue tomada por los Sovyetikos enel anyo 1920 y nasionalisada enel anyo 1952. La komunita djudia fue permitida uzar la frágua enel anyo 1958, anke sigia basho kontrolo del govierno. Enel anyo 1995, dentro de una serie de atakos a kasas djudias, la esnoga fue atakada. En Mayo del anyo 2003, la komunita resivio una karta en la kuala se le ordenaba a los djudios desokupar las fráguas de la komunita, para Djulio de este anyo. La destruksiyon orijinalmente estaba planeada para el anyo 2004, afilú empiesó en Fevrero de 2006 kon la destruksiyon de la mikve de la komunita, la karneseriya i las aulas de klases i kamaretas de studios. [3] La destruksiyon de la esnoga fue retrazada déke la protesta de la komunita internasional i una serie de aksiyones en las kortes asta el final del mes de Djunio de 2008, kuando la vieja frágua fue finalmente destryuida.[1][2]

Reaksiyones a la destruksiyon de la esnoga

[trocar | trocar el manadero]
Entrada prinsipala a la Antika Esnoga de Dushanbe, Djunio de 2006

Kuando empiesó la destruksiyon de la frágua, la esnoga era el sentro de arrogamiento de la komunita djudia de Dushanbe, estimada entre 150 a 350 personas.

Esta era la ultima esnoga ke kedava en Tadjikistan. Mientras ke el govyerno diziya ke la frágua no tenía emportansia istórika i podia ser destruyido de akódro a los planos de remuevasiyon de la sivdad[4], la komunita djudia deklaró publikamente ke, komo la unika kaza de arrogamiento en un paez ke avia sido kaza para los djudios por mas de dos mil anyos, la frágua tinía muncha emportansia istórika. Endemás la propyetá de la frágua era disputada. La komunita reportaba ke tinía dokumentos de la era pre-sovyetika ke amostran ke la frágua i la tierra avia sido komprada por la komunita djudia. Má afilú las avtoridades munisipalas de la sivdad deklararon ke el estado era el propietario de la frágua déke fue nasionalisado por los Sovyetikos enel anyo 1952.[5]

Kortijo de la Antika Esnoga de Dushanbe, Djunio de 2006

Enel anyo 2004, el Rabino Shefe de Asya Sentrala, Rabí Abraham Dovid Gurevich, izo publiko el antisemitismo en Tadjkistan ante los medios internasionales, eksplikando ke para el govyerno de Tadjikistan iva ser un gran verguensa tener una esnoga al lado del muevo palasio presidensial[5] má el Departamento de Estado de los Estatos Unitos d'Amerika kalifikó el asunto de "burokrátiko, má ke ideolojiko".[6] La UNESCO eskrivio una karta al govyerno de Tadjikistan enel anyo 2004, eksplikando ke la destruksiyon de la esnoga iva estar "en kontro de los estandares internasionales para la defensa de la erensia kulturala de los paezes".[7] La BBC reportó enel anyo 2006 ke "las personas ke estaban en kontro de la destruksiyon avian sido amenasados por el govyerno i la grande parte de la komunita tinía temor de avlar".[8]

En Marso del anyo 2006 paresía ke por un chiko tyempo, el govyerno iva permitir ke la keilá meldase en la esnoga.[9] Ma afilú en Mayo de 2006, el govyerno anunsió ke iva a fraguar una mueva esnoga en "un espasio má apropiádo en el sentro de la sivdad".[10] La komunita tentava en las kortes de defender la antika esnoga, má en Djunio del anyo 2008, las kortes de la sivdad ivan desidir ke la destruksiyon de la esnoga iva proseder asigun los planos de dezvelopamiento de la sivdad.[11]

Anke el govyerno refuza kompensar a la komunita por la destruksiyon de la frágua, entregó un espasio de 1.500 metros katrados para el fraguamyénto de una mueva esnoga a la beira del rio Dushanbinka en la máale de Firdavsi, en el oksidente de la sivdad.[12] Al final de la destruksiyon de la antika esnoga en Djunio de 2008, el presidente de la Federasion de Komunitas Djudias de la KEI, Lev Leviev, konfirmó durante una vijita a la sivdad de Dushanbe ke el fraguamiento de la mueva esnoga iva empiesar pishín, finansiado por la FKDj, el Kongreso Mondial Buhariano i donantes partikolares.


La mueva esnoga es aperturada

[trocar | trocar el manadero]

El 4 de Mayo del anyo 2009, la komunita djudia de la sivdad aperturó la mueva esnoga de la sivdad, la kuala fonksiona en una frágua donada por el bankero tadjiko Hasan Assadullozoda[13], duenyo del banko Orient-Bank i kunyado del presidente del paez. La mueva esnoga se ankontra en la kaleja Ozodii Zanon, en una de las amijores máales de la sivdad.[14]

Referensias

[trocar | trocar el manadero]
  1. ↑ a b Dushanbe synagogue demolished, 26 June 2008 (en ruso)
  2. ↑ a b Tajikistan's only synagogue razed, 29 June 2008
  3. ↑ Demolition of country's only synagogue begins 22 February 2006
  4. ↑ Will Jews get compensation when synagogue is demolished? - Forum 18, 18 August 2003
  5. ↑ a b Dushanbe Jews ordered to vacate synagogue by July, Forum 18 News Service, 21 May 2004
  6. ↑ Tajikistan, International Religious Freedom Report 2004 - US Department of State, Bureau of Democracy, Human Rights, and Labor, 14 September 2004
  7. ↑ Save Dushanbe's synagogue - Jerusalem Post Web site 2 March 2006
  8. ↑ Last Tajik synagogue to be razed - BBC News Web site 5 March 2006
  9. ↑ Tajikistan’s Only Synagogue Saved in Nick of Time - Federation of Jewish Communities of the CIS News Web site, 20 March 2006
  10. ↑ Synagogue to be rebuilt on a new site, 18 May 2006 (en ruso)
  11. ↑ Municipal courts in Dushanbe order demolition of the old synagogue, Radio Free Europe/Radio Liberty, 23 June 2008.
  12. ↑ New site for the synagogue allocated, 15 April 2008 (en ruso)
  13. ↑ Opening Ceremony of Dushanbe's new Synagogue. Ambasada de los Estatos Unitos d'Amerika en Dushanbe
  14. ↑ Tajik Jewish Community Gets New Synagogue. Payvand Iran News

Enlasos Eksternos

[trocar | trocar el manadero]