Awadeya Mahmoud
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
.jpg)
Awadeya Mahmoud (arabi: عوضية محمود) es la fondadora i shefa de la Kooperativa de Vendedoras de Chay i Komida i la Kooperativa Multi-Buto de Mujeres del Estado de Khartum, en Sudan.[1] El 28 de Marso de 2016, el Departamento de Estado de Estados Unidos la yamo una de las mujeres en aresivir el Premio Internasional ala Mujer Korajoza de esta anyada.[2]
Biografiya
[trocar | trocar el manadero]Nasio en 1963 en la rejion de Kordofan del Sud, i por modre de los konfliktos en esta rejion, la famiya dechidio bivir en Khartum. Eya se espozo en 1986 i prinsipio a vender chay. Este lavoro no era el mas prestijiozo, ma tenia menester de suportar ala su famiya. En 1990, prinsipio una ko-operativa kon el buto de dar suporte a las mujeres ke la apartienen;[3] era yamada la Women’s Food and Tea Sellers’ Cooperative and the Women’s Multi-Purpose Cooperative.[1]
La kooperativa suportava los juisios en kontrol del governo, kuando este konfisko las makinas de las mujeres ke apartienen a eya; esto kavzo ke Mahmoud era emprizionada 4 anyos diskues de un juisio ke pedrieron, ma la kooperativa kresio fina tener unos 8.000 membras en Khartum.[3] La organisasion kresio i endagora suporta las mujeres arifujiadas por modre del konflikto en Darfur, Kordofan del Sud i Nilus Mavi.
El 28 de Marso de 2016, el Departamento de Estado de los Estados Unidos de Amerika la yamo komo una de las katorze onoradas kon el Premio Internasional ala Mujer Korajoza de esta anyada.[2] Diskues de aresivir este premio, abolto a lavorar kon la su kooperativa en otras rejiones del payis.[3]
Referensias
[trocar | trocar el manadero]- ↑ a b Biographies of 2016 Award Winners. The U.S. Department of State (en lingua inglesa)
- ↑ a b State Department honors 14 leaders from around the world. The New York Times (en lingua inglesa)
- ↑ a b c Tea lady's journey from Sudan to White House, Emirates 24/7