Malinalco
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
| |||||||||||||||||||||||||||||
.jpg)
Malinalco es un antiko kazal del Estado de Meksiko i kavesera del belediye de Malinalco. Tiene una povlasion de 6 523 moradores, es afamada por su antika zona arkeolojika, mentada komo el cerro de los ídolos i yamada komo Cuautlinchan, es un kazal dedikado a la agrikultura i el turizmo, endemas todo el anyo resiven visitantes, tambien es un lugar ande se fraguan kazas de djente puederoza o akvdalada ke visitan el kazal los fines de semana.
El kazal kolonialo, hue fundado por un konkishtador de orijen portugez, ayi izo un asentamiento kon famiyas venidas de Espanya dempues dela konkista de Meksiko Tenochtitlan, al ser konvidados por Hernando Cortés, poseyeron las enkomiendas de antikos asentamientos aztekos komo el afamado Malinalco.
Etimolojia
[trocar | trocar el manadero]Malinalco, en lingua aborijinala signifika Lugar del yerba del carbonero, el orijen del biervo en lingua nahuatl es Malinalli (yerba del carbonero) i -co (lugar), deriva de una aglutinasion de palavras. El su nombre, en lingua tlahuica o atzinka, es Ñunxu.
Istoria
[trocar | trocar el manadero]Los templos de Malinalco fueron fraguados tras la konkista de los matlatzincas por parte de los meksikanos o aztekos enel anyo de 1476, basho el reynado de Axayácatl. Alrededor de 1486-1490, Ahuízotl ordenó a los kanteros de Tenochtitlán que levantaran el sitio relijiozo, para lo kual se uso, sobre todo, mano de obra forzada de kazales otomianos konkistados.
Kuando los espanyoles arrivaron a Malinalco, el lugar ainda no se avía terminado. El ejérsito de Hernando Cortés interrumpió los lavoros de afinkamiento i las piedras fueron usadas más tadre por los frailes agostinyos para fragar el konvento del kazal de Malinalco."
Durante la konkista espanyola Malinalco se rebelo ansina ke Andrés de Tapia tuvo el enkargo de acerles rendid enjunto kon la jente de Ocuilan (dempués de la noche triste). La tierra mueva pasificada se organizó en enkomiendas ansí ke en Malinalco las primeras fueron otorgadas a Cristóbal Rodríguez de Ávalos i a la Korona Espanyola. Fue Cristóbal Rodríguez, un potuguez de orijin sefaradi, kien influyó en la enkomienda evangelizadora i apoyó para el fraguado del monasterio, el enkomendero trusho alkunas famiyas de orijin sefaradi a Malinalco, komo los Toledano, Parres, Poblete, Baldemar, Rodríguez i los Levi.
Malinalco fue evangelizado por franziskanos i dominikos, finalmente se le designa a los agostinyos enel anyo de 1533, kuando se ergia el monasterio del Divino Salvador.
Ekonomia
[trocar | trocar el manadero]El kazal de Malinalco tiene komo ekonomia la agrikultura, la ganaderia, el komersio de mekadurias, la produksion de madera, ansina el turizmo. Malinalko fue deklarado komo Kazal Majiko en el anyo de 2011 por governo federal.
Turizmo
[trocar | trocar el manadero]Malinalco konta kon emportantes instalasiones de osteleria para resevid el turizmo de todos niveles sosyales, ay aki osteles de lusho i chikos osteles baratos.
- Parrokia de Divino Salvador, antika fragua religioza afinkada en onra a Yeshu, yamado komo El Divino Salvador, el monumento istoryko mas emportante del kazal i un lugar emportante ande se kudia la istoria del rejion, es uno de los templos mas ermozos i galanos de estado de Meksiko, es afinkada en Plasa Sentrala.
- Kapiya Santa Mónica, antika fragua religioza afinkada en la kaleja Morelos.
- Kapiya de San Nicolas, antika fragua afinkada enla kaleja Juárez No. 56.
- Kapiya de San JUan, antika fragua religioza afinkada en la kaleja Zaragoza.
- Muzeo Universitario Luis Mario Schneider, fragua dela UAEM ande ay piesas arkeolojikas de Malinalco.
Galeria
[trocar | trocar el manadero]-
-
Interior del antiko monasterio del Divino Salvador -
Zona Arkeolojika de Cuautlinchan -
Kapiya de San Nikolas -
Kapiya de Santa Monika -
Kapiya dela Virjin dela Soledad -
Kapiya de Santa Maria. -
Kapiya de Jesús Maria -
Kapiya de San Juan -
Parke Sentral Malinalco -
Kaleja de Guerrero. -
Parke Akuatiko Las Truchas
.JPG)
.JPG)
.JPG)
Demografia
[trocar | trocar el manadero]En Malinalco egzisten munchas famiyas de orijin azteka, aki ay numerozas alkunyas komo Mazatzin, Tetatzin, Coltzin, Cuatepotzo o Tlacuilo, ay un gran tradision por la kultura azteka o meksikana.
Atamientos eksternos
[trocar | trocar el manadero]