Paula Jacques

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

---

Paula Jacques en 2010.

Paula Jacques (El Kairo, 8 de May de 1949) es una djurnalista i produktora de radio franseza la kuala lavora en France Inter. Endemas es eskritora, i aresivio el Premio Femina en 1991.^[1]

Biografiya

Jacques nasio komo Paula Abadi en la sivdad kapitala de Ayifto, El kairo el 8 de May de 1949, ija de Jacques Abadi i Esther Sasson. El su padre era un baziryan. Eya i la su famiya eran Kitadas de Ayifto en 1957 por modre de la politika de arabizamiento del presidente Gamal Abdel Nasser. La su famiya dechidio azer aliya i bivir en Israel, ^[2] ande bivieron tres anyadas en un kibbutz. Enel anyo 1961, la famiya de Jacques dechidio bivir en Fransia. Se espozo de edad de 17 anyos i bivio en la sivdad de Saint-Étienne, ande lavorava komo direktora de un teatro entre 1967 i 1971.^[2]

Kariera

Eskritora

las romansas eskritas por Jacques estan bazadas en ka vida de los djudios de Ayifto, especialmente entre las anyadas de 1940 i 1950. En estas romansas, djudios i musulmanos apartienen en las istoryas. En alkunas, komo Gilda Stambouli souffre et se plaint i Un Baiser froid comme la lune, Jacques yeva a los sus personajes de Ayifto verso Israel i Fransia, ande eksperimentan iziyet para embezarse al muevo payis. La Egipto a Francia e Israel, donde se enfrentan a problemas de aculturación. La relasion de los personajes kon la lingua i kultura fransezas djenera penserios en Ayifto i otruna vez en Israel. Los personajes de Jacques biven ideolojiyas en konflikto, umilyasion i deskerensia. Las sus romansas avlan del hal enel kualo bivian los djudios en Ayifto en los anyos anteriores ala su ekspatriasion; los enshemplos mas dezvelopados son Lumière de l'oeil, L'Héritage de la tante Carlotta, Les Femmes avec leur amour i La Descente au paradis. En las sus ovras, Jacques avla de la sufriensa i la umiliyasion bivida por la komunita djudia i musulmana, amostrando los dos karas de la istorya.

Djurnalista

Jacques prinsipio el su lavoro en France Inter en 1975, diskues de lavorar en jurnales eskritos ^[3]. Diskues lavoro en L'Oreille en coin, un programa de radio apresentado kada alhad en la tarde, endjuntamente kon Kriss, Katia David, Denis Cheissoux, Marie-Odile Monchicourt, Emmanuel Denn, Christine Lamazière, Leïla Djitli, Daniela Lumbroso, Aline Pailler, Daniel Mermet i Serge Le Vaillant.

Entre 1990 i 1996, Paula Jacques apresentava endjunto kon Richard Hulot Pentimento ou l'enfance de l'art, enel kualo entrevistava artistos i eskritores; diskues apresento Nuit noire entre 1997 i 1999. En Cosmopolitan, ekl kualo era apresentado en las tadres de alhad entre 1997 i 2016, entrevistava eskritores o aktores i aktrisas de sinema.

Aktivismo

Jacques es konosida por el su suporte ala siedra politika. En 1988 aresivio una kondena de 18 meses en sospezo, deke el su namorado apartenia ala organisazion de ekstrema siedra Action Directe. ^[2]

Ovras

• Lumière de l'œil”. Paris: Mercure de France, 1980.
• Un Baiser froid comme la lune. Paris: Mercure de France, 1983.
• L’Héritage de Tante Carlotta. Paris: Mercure de France, 1987.
• Déborah et les anges dissipés. Paris: Mercure de France, 1991. (Ganador del Premio Femina)^[2]
• La Descente au paradis. Paris: Mercure de France, 1995.
• Les Femmes avec leur amour. Paris: Mercure de France, 1997.
• Gilda Stambouli souffre et se plaint. Paris: Mercure de France, 2002. (Livro del anyo de la radio Europe 1) ^[2]
• Samia la rebelle. Paris: Bayard Jeunesse, 2005.
• Rachel-Rose et l’officier arabe. Paris: Mercure de France, 2006.
• Kayro Jacobi: Juste avant l'oubli. Paris: Mercure de France, 2010.
• Au Moins il ne pleut pas. Paris : Stock, 2015.

Referensias

1. Tous les lauréats du Prix Femina (en lingua fransesa)
2. Paula Jacques. The Shalvi/Hyman Encyclopedia of Jewish Women (en lingua inglesa)
3. Paula Jacques : le micro et la plume. France Inter (en lingua fransesa)