Inter-Agency Space Debris Coordination Committee

Den Inter-Agency Space Debris Coordination Committee (IADC) ass en internationale Forum vu Weltraumorganisatioune fir d'Koordinatioun vu kollektive staatlechen Aktivitéiten zum Theema Weltraumschrott. Den IADC ass keng juristesch Persoun an huet och keng juristesch Vertriedung, mä lieft nëmmen duerch déi praktesch Zesummenaarbecht vun de Memberen.

Den IADC gëtt och ouni Respekt a kritesch als Club vun de Weltraumverschmotzer bezeechent, well all de Weltraumschrott vun deenen Natiounen déi Weltraumaktivitéiten hunn, selwer gemaach gouf.^[1]

Opbau

Déi praktesch Zesummenaarbecht ass an enger Grupp (steering committee) mat véier Aarbechtsgruppe (Working Groups) organiséiert,

WG 1 fir Miessungen,
WG 2 Ëmwelt an Datebank,
WG 3 Schutz (géint Weltraumschrott) an
WG 4 Kierzung (Zil: Verklengerung vum Weltraumschrott).

All Membere mussen an der Grupp an an der WG 4 vertruede sinn. An den iwwregen Aarbechtsgruppen ass d'Mataarbecht vun zwéin oder dräi Experte jee Memberorganisatioun méiglech an erwënscht, awer keng Flicht.

Memberschaften

2014 ware follgend Weltraumagenture Member vum Koordinationskommitee fir Weltraumschrott:^[2]

ITA Agenzia Spaziale Italiana (Bäitrëtt 1998)
FRA Centre national d'études spatiales (Bäitrëtt 1996)
CHN China National Space Administration (Bäitrëtt 1995)
CAN Canadian Space Agency (Bäitrëtt 2010)
DEU Deutsches Zentrum für Luft- und Raumfahrt (Bäitrëtt 1997 als DARA)
Europe Europäesch Weltraumorganisatioun (Grënnungsmember 1993)
IND Indian Space Research Organisation (Bäitrëtt 1996)
JPN Japan Aerospace Exploration Agency (Grënnungsmember 1993 als NASDA, NAL an ISAS)
KOR Korea Aerospace Research Institute (Bäitrëtt 2014)
USA National Aeronautics and Space Administration (Grënnungsmember 1993)
RUS Roskosmos (Grënnungsmember 1993 als RKA)
UKR State Space Agency of Ukraine (Bäitrëtt 2000)
GBR UK Space Agency (Bäitrëtt 1996 als BNSC)

Geschicht vum Comitee

De Comitee gouf 1993 vun der ESA, Japan, der NASA an der russescher Raumfaartagentur RKA gegrënnt.^[3]

2002 hunn d'IADC-Memberen eng Eenegung iwwer kollektiv Richtlinne fir Reduzéiere vu Weltraumschrott erzilt. 2003 huet de Subcomitee SC 14 Space systems and operations (Raumfaartsystemer an -operatioune) vum Technesche Comitee TC 20 Aircraft and space vehicles (Loftfaart- a Raumfaartgefierer) vun der Internationaler Organisatioun fir Normung (ISO) d'Aarbechtsgrupp Orbital Debris Coordination Working Group (ODCWG) ageriicht. Zil vun der ISO/TC 20/SC 14 ODCWG war d'Entwécklung vu Standarde fir Raumfaartoperatioune mam Zil vun der Verkierzung vu Weltraumschrott.^[4]

Kuckt och

Portal Astronomie

Kierfechtorbit

Um Spaweck

Referenzen

↑ Hervé Ponchelet: Au péril des épaves, Le Point, 7. Mäerz 2003 (franséisch).
↑ [1]
↑ Georg M. Levin (NASA), Walter Flury: Inter-Agency Space Debris Coordination Committee (IADC), S. 3, 1997 (PDF, d'RKA gëtt am Dokument deelweis och als RSA bezeechnet)
↑ Dr. Emma Taylor, United Kingdom lead, ISO/TC 20/SC 14, Orbital Debris Coordination Working Group: Reducing orbiting space debis in ISO Focus, Oktober 2005, S. 13–15

[1] Hervé Ponchelet: Au péril des épaves, Le Point, 7. Mäerz 2003 (franséisch).

[2] [1]

[3] Georg M. Levin (NASA), Walter Flury: Inter-Agency Space Debris Coordination Committee (IADC), S. 3, 1997 (PDF, d'RKA gëtt am Dokument deelweis och als RSA bezeechnet)

[4] Dr. Emma Taylor, United Kingdom lead, ISO/TC 20/SC 14, Orbital Debris Coordination Working Group: Reducing orbiting space debis in ISO Focus, Oktober 2005, S. 13–15

[1]

[2]

[3]

[4]