En umanas, la ano (de latina ānus, "anelo", "sirculo") es la abri esterna de la reto locada en la fesur intergluteal. Du sfinteres controla la sorti de fece en feci, cual es la funsiona prima de la ano. Estas es la sfinter anal interna e la sfinter anal esterna, cual es musculos sirculo cual manteni normal la constrinje de la abri e cual destensa como nesesada par la funsiona fisiolojial normal. La sfinter interna es nonvolente e la esterna es volente. Supra la ano es la perineo, cual es ance locada su la vulva o la scroto.
Partal par causa de sua esposa a fece, alga disturbas medical pote afeta la ano, como emoroides. La ano pote es la loca de infetas e otra disturbas, incluinte canser.
Con seso anal, la ano pote jua un rol en sesalia. Disposas a seso anal varia, e lo es nonlegal en alga paises. La ano es frecuente considerada como un parte tabu de la corpo, e es conoseda par multe termas nonformal e usual vulgar. Alga infetas sesal transmeteda incluinte VIU/SIDO e verucas anal pote es sperdeda par seso anal.