Xace de Timur
Xace de Timur es un varia de xace de la eda medieval. Lo ia developa en Iran en la rena de la Imperor Timur (1336 - 1405) e la inventa de lo es atribuida a el. La jua es ance nomida shatranj kamil (xace perfeta) o shatranj al-kabir (xace grande.
La table de xace de Timur es composada de 110 cuadros (no colorida) en 10 par 11. Du cuadros plu, conoseda como fortreses, estende de la lado sinistra a la linia 9 e de la lado destra a la linia 2, per un soma de 112 cuadros. Cuando la re de la juor oposante ocupa la fortres de un juor, la jua es declarada un fini egal. No peso estra un re pote ocupa la fortres. Si plu ca un re esiste, sola la plu "alta" pote entra la fortres de sua oposor (pd la re orijinal, la prinse, e la re acaso - vide a su).
La jua ave alga modos diferente per la ordina comensante. Un comun es como esta imaje:
La pesos es nomida, en ordina (per blanca):
- en linia un: elefante, (0), camel, (0), tance, (0), camel, (0), elefante;
- en linia du: tore, cavalo, lansor, jirafa, jenera, re, conselor, jirafa, lansor, cavalo, tore;
- en linia tre: peon de peones, peon de tances, peon de cameles, peon de elefantes; peon de la jeneral, peon de la re, peon de la conselor, peon de jirafas, peon de lansores, peon de cavalos, peon de tores.
La ordinas de la pesos de negra mirori los de blanca.
Pesos e moves
[edita | edita la fonte]- Re (xa) - move como un re de xace moderna, ma un ves en la jua, lo pote intercambia locas con cualce de sua propre pesos per evita mata, xacemata, o fini egal.
- Jeneral - move un cuadro diagonal.
- Conselor (vizir) - move un cuadro ortogonal.
- Jirafa (zurafa) - move un cuadro diagonal e alora un minima de tre cuadros ortogonal.
- Lansa (talia) - move como un bispo en xace moderna, ma debe move un minima de du cuadros.
- Cavalo (faras) - move como un cavalo de xace moderna.
- Tore (rukh) - move como un tore en xace moderna.
- Elefante (pil) - move du cuadros diagonal, e pote salta supra pesos.
- Camel (jamal, shuttur) - move un cuadro diagonal, e du ortogonal, e pote salta supra otra pesos.
- Tance (dabbaba) - move du cuadros ortogonal, e pote salta supra otra pesos.
- Peon - move como peones en xace moderna, ma sin la move duple inisial.
La ativia de peones es multe complicada en la xace de Timur. Cada peso ave sua peon corespondente. La peon de la re, de conselores, de jirafas, etc, cuando lo ateni la linia final sur la table es levada a la peso corespondente. Donce, la peon de la jirafa deveni un jirafa, etc. La esetas es la peon de la re e la peon de peones. La peon de la re deveni un prinse, cual move como un re. Si un re e un prinse esiste simultan sur la table, un de la du debe es caturada ante on pote xace o xacemata la otra.
Cuando la peon de peones ateni la linia final, lo resta ala e no pote es caturada. Cuando un situa aveni en cual la oposor no pote evita perde un peso par un peon, o en cual un peon pote ataca du pesos oposante a la mesma turno, la juor debe move sua peon a acel loca, an si acel loca es ocupada par un peso aliada o oposada. A la turno seguente, lo pote catura cualce peso lo es atacante. Alora, lo continua como un peon. A la leva du, la peon de peones move a la cuadro de orijina de la peon de re. A sua leva tre, lo deveni un re acaso, cual move como un re, e debe es caturada como un peso normal asta sola un re survive, cual la oposor debe xacemata per gania. esta re acaso es la sola peso cual pote entra sua propre fortres, e cuando ala no pote es atacada par cualce peso oposante.