Badín

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

De klassicistische kathelieke kirk van Badín.

Badín (IPA: /'badi:n/; Hongaars: Erdőbádony; Duutsj: Badin) is e dörp en 'n gemeinte in 't Sjlowaaks distrik Banská Bystrica. 't Plaetske ligk zon 13 km van de houfplaats Banská Bystrica aaf.

't Dörpke Badín ligk op 'n heugde van 374 m, meh de heugde van de ganse gemeinte varieert van 311 m tot 1.222 m baove zeeniveau. De oppervlaakde van de gemeinte is 34,38 km². De gemeinte Badín haet 1.694 inweuners (31 december 2004) en 'n bevolkingsdichheid van 49 luuj/km². Volges de volkstèlling van 2001 woor 96% van de bevolking Sjlowaaks en goof 't minderheje van Zigeuners (1,7%) en Tsjeche (0,9%). De poscode van de gemeinte is 976 32.

Bezeenswaerdigheje

[bewirk | brón bewèrke]
  • Badín bevat 't oerbós Badínsky prales det saer 1913 weurt besjurmp taenge mienselike aktiviteite. De dennebuim in deze bós waere tösse de 350 en de 400 jaor aad en de beukebuim tösse de 210 en de 230 jaor aad. In deze bós kómme nag roufdere veur wie de lós, de vos en de broene baer;
  • Aadklassicistische evangelische kirk oet 1865: dees is 'n zaalkirk mit 'n tupisch protestants emporium;
  • Klassicistische kathelieke kirk die in d'n hujige vorm anen ènj van de negeteenden eew is ómgeboewd vanoet 'n gotische kirk oet 1397. Van dees middeleewse kirk zeen nag de waermoer, sjeetgater en 'ne nujere, houtere klokketore bewaard gebleve.

Gesjiechte

[bewirk | brón bewèrke]

Badín is veur 't eers vermeldj gewaore in 1232 toe 't door de Hongaarse keuninge aan Zvolen waerde gegaeve.