Gratem

De naom Gratem is meugelek aofkumsteg vaan Gerardsheim of vaan 't Aajdfrankisch graat wat "heuvelrögk" beteikende. Meugelek is de ierste vermelding al vaan 984; de ajdste vindplaots die mèt zekerheid kint weure geïdentificeerd stamp vaan 1234. Gratem behoort aon 't Land vaan Toear; 't dörp Gratem waor aon dit stedsje sjatpliechteg. Dit voorstedóm woort in 1795 mèt de Franse bezètting oontboonde.

Bij de stiechting vaan 't Keuninkriek vaan de Nederlen woort Gratem 'n apaarte gemeinte, die vaanaof 1818 ouch Kelpe en Oler umvatde. In 1991 weurt de gemeinte Gratem, same mèt Baoksem door Heitse geannexeerd. Sins 2007 maak Gratem deil oet vaan de gemeinte Leudaal (Leudal).

Waope

Gratem kraog op 31 mei 1873 vaan d'n Hoege Raod vaan Adel e waope touwgekind, wat ziech zoe liet umsjrieve:

Vaan lazuur (blauw), mèt 'ne nao veure gekierde bisjop, hawwend in de rechterhand 'ne gedèkde miskelk, in de linkerhand 'ne bisjopsstaaf, alles vaan goud; de bisjop is tot haafweeg gezat achter e sjèld vaan zèlver (wit), gekwartileerd mèt veer liewe vaan keel (roed).

De bisjop is de Gratemse petroenheilege Sint-Severinus. 't Sjèldsje mèt de veer liewe is 't waope vaan 't Hollands geslach Brederode; Margaretha vaan Brederode waor de voorstin-adbis vaan Toear die Gratem zien eige sjepebaank verliende.^[3]

Historische inwoenertalle

Jaor	Aontal	Greuj (gans Limbörg)
1830	949^[4]	--
1840	1.000^[5]	+5,4% (+5,6%)
1849	1.077^[6]	+7,7% (+4,3%)
1859	994^[7]	-7,7% (+4,4%)
1869	1.023^[8]	+2,9% (+4,5%)
1879	1.099^[9]	+7,4% (+7,0%)
1889	1.103^[10]	+0,4% (+6,8%)
1899	1.086^[11]	-1,5% (+10,2%)

Jaor	Aontal	Greuj (gans Limbörg)
1909	1.191^[12]	+9,7% (+17,8%)
1920	1.377^[13]	+15,6% (+32,6%)
1930	1.501^[14]	+9,0% (+25,1%)
1947	1.804^[15]	+20,2% (+24,2%)
1956	1.950^[16]	+8,1% (+27,3%)
1960	2.017^[1]	+3,4% (+7,4%)
1971	2.265^[2]	+12% (+13,9%)

Opmerking

In de volkstèlling vaan 1971 woorte de inwoenertalle op ganse vieftalle aofgeroond. Gelèt op 't rillatief klein aontal inwoeners vaan gratemis 't greujciefer veur 1971 daorum neet exakter es in ganse percinte. In tiende perceis zouw dit 12,3% zien.