Ikkelder
- Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Ikkeldersj, es te dit dialek sjpriks.
Ikkelder (Nederlands: Eckelrade) ies 'n dörpke in de gemeinte Èèsjde-Mergraote op 't plateau in Zuud Limburg. Rade in de naam wies nao óntgonne, gerooide plek. Tot 1982 behuèrde Ikkelder gedeiltelik tot de gemeinte Se-Gietere (Sint Geertruid) en Groeselt (Gronsveld). Dao sjtoon 'n 200 haöf en hoezer langs de weeg van Groesjelt nao Se-Gietere. In 2003 wone d'r 550 luuj.
Gesjiedenis
[bewirk | brón bewèrke]Bezeenswaerdig
[bewirk | brón bewèrke]
- De Katholieke Sint Bartholomeuskèrk, van mergel. Oarsjprónkelik waor 't ein hulpkèrkske van de parochie Groesjelt. De typisch Limburgse tore sjtamp oet de 14e ièw. Ein gedeilte van 't geboew sjtamp oet 1717. In 1845 woort ze zelf parochiekèrk. De sacristie en duipkapel zint toen biegevoog en in 1923 kaom nog 'n oetbreiing mèt neo-gotische elemente.
- Robustelly-kèrkorgel oet 1775. Aafkómstig van 't kloaster in Ge Kruts (Hoagkruts)
- Veurmalige zuvelfabriek Sinte Berb (Barbara) oet 1916. Nao 1985 'n woonhoes.
- Diverse ouw häöf en hoezer.
- De Dinterhaof, dörpssjtraot 130, ies 'n gesjlote boerderiej van baksjtein, mergel en vakwerk oet de 19e ièw.
- Haof Hemersbach aan de Ikkelderwaeg 10-14, sjtamp oet de 17e ièw. 'Ne zekere Henricus Hemersbach weurt in de 13 ièw in archieve vermeld. Hemersbach waor in de 17e ièw 'n lièngood van 'n adellike familie oet Groesjelt. De geboewe liegke rónd 'n rechheukige binneplaats mèt deile oet de 17e, 18e en 19e ièw.
- Beeldsje van 'n maedsje mèt 'n sjoaltesj mèt es titel: ten dienste van kerk, school en gezin. 't Ies 'n herinnering aan de zuustersj de la Misericorde, die hie jaorelank vanoet hun kloaster 't ónderwies verzörgde.
- De Savelsbösj (hellingbösj)
Folklore
[bewirk | brón bewèrke]- Meidenplanting door de jónkheid
- Keersjepitsjpuje op de Daag van de keersj op 'ne zóndig in juli. De 1e kièr gehoute in 1999, onderdeil van de weekendparade.
- Weidefees, begin augustus gehawwe, mèt es belangriekste onderdeil de trekkertrek (mèt tractorsj)
- Weekendparade
- Atze Party door de jónkheid
- Gok Rock, festival, 1 week vuer haaf-vaste, georganiseerd doer de joonkeid
Vereiniginge
[bewirk | brón bewèrke]- Jónkheid
- Stichting Gok Rock
- Harmonie Diligentia
- Carnavalsvereiniging "de Brakkelerre"
Zangkoer Sint Joseph
Persone
[bewirk | brón bewèrke]- Patrick Creyghton kunssjilder
Foto's
[bewirk | brón bewèrke]-
brónk in Ikkelder -
Ikkelder sjoal -
sjtraot -
De kèrk van Ikkelder -
Amstel Gold Race, Eckelrade 2010
| ||
|---|---|---|
| Dörper: Bieëmele · Ikkelder · Èèsjde · Groêselt · Keer · Mergraote · Maer · Misj · Norbik · Oêsj-Moarend · Riêkelt · Sjuuëlder · Se-Gietere · Tebannet | ||
| Buurtsjappe en gehuchte: Berg · Bergenhoëze · Breusj · Bruusjterbusj · Gastes · Ge Kruuts · Groeët-Welsde · Herkenter · Hoeg-Kâsjtert · Hoontem · Klae-Welsde · Liebik · Lieg-Kâsjtert · 't Mariadörp (De Klonie) · Moarend · Moersjelt · Oêsj · 't Poelveld · 't Roeët · Sjei · Sjilberg · Sint Antoniusbank · Terhoorsj · Terlinne · Termaar · Ulvend · Vroële · De Wesj · 't Withoês · 't Wolfses | ||