Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
't Inabaknon is 'n Austronesische spraok die gekaldj wuuertj op 't eilandj Capul inne Naord-Samar provincie vanne Filipiene. De spraok wuuertj gekaldj door zoea 26.400 luuj (2010) en haet de ISO 639-3 code abx.
Anger benaminge veur 't Inabaknon zeen Abaknon, Abaknon Sama, Capuleño, Kapul en Sama.
De bevölking grödj jaorliks mit zoea 300 toet 500 luuj. Róndje 500 luuj verlaote jaorliks 't spraokgebied veur örges anges meugelikheje te exploitere. 't Guuef zoeaget 3.000 einspraokige, wovan de meiste kinjer zeen. Nuuj inwoeaners van 't eilandj Capul lieëre zich euver 't algemein de spraok aan of ze trèkken eweg. 't Inabaknon wuuertj inne alle domiene door alle laeftieje gebroek. Sprakeers kallen ouch Cebuano, Centraal-Bikol, Ingels en Filipino.
't Inabaknon wuuertj gesjreven in 't Letiens sjrif. De graod van gelitterdjheid inne ieëste spraok is 11.000 luuj die kinne laezen en sjrieve; inne twieëdje spraok is 't 90% toet 95%. De gesjreve vorm wuuertj gebroek is dörps gezóndjheidsóngerrich, leedjesbeuk, sómmige evenemènten en religieuze ceremonieje. De spraok wuuertj oppe lieëgere sjoeal óngerweze.
De spraekers zeen euverwaegendj kristelik (roeams-katteliek).
De spraokstatus veur dees spraok is óngerrichtelik (4); det beteikentj det de spraok laevetig is en det litteratuur in 'n gestanderdiseerdje vorm gebroek wuuertj en óngerhaje wuuertj mit e wiedversprèdj systeem van institutioneel gestäöndj óngerrich.