Ingrid van Engelshoven

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Van Engelshoven in 2017

Ingrid van Engelshoven (Delfzijl, 12 juli 1966) is 'n Nederlandse politica vaan de sociaol-liberaole partij D66. Sinds 26 oktober 2017 is zie minister vaan Oonderwies, Kultuur en Weitesjap in 't Kabbinèt-Rutte III.

Van Engelshoven studeerde bestuursweitesjappe en rechte in Nimwege en Leie. In häöre studententied waor zie veurzitter vaan de Nimweegse aofdeling vaan D66. Vaan 2007 bis 2013 waor zie partijveurzitter vaan D66. Tösse 2010 en 2017 waor zie wèthawwer naomes die partij in D'n Haog. In 2017 waor zie veur korten tied lid vaan de Twiede Kamer veurtot zie Minister vaan Oonderwies, Kultuur en Weitesjap woort.

Van Engelshoven is dèkser in de media geneump veur opvallende standpunte die ouch op kritiek kin rekenene vaan aander politici. 'n Paar veurbeelde zien: häör standpunt oet 2016 tot de zoegenaomde brögkklas (brugklas), de periood boe-in weurt beslote nao welk sjaolniveau Nederlandse lierlinge mote gaon, moot weure verlenk mèt drei jaor (op de meiste sjaole is dat noe ein jaor), de stèlling oet 2016 tot D'n Haog ziech minder moot bemeuje mèt gemeintes (zie gebruukde es veurbeeld de käös vaan gemeintes of winkels ope of touw blieve op zoondag), 't verhoege vaan de AOW-leeftied, 't heller oondersteune vaan taoloonderwies veur vrouwlui, de ikkenomische zelfstandegheid vaan vrouwlui motivere um hoeselek en seksueel geweld tege te goon en mie plaots vrijmake veur historisch belaankrieke vrouwlui in 't canon vaan de Nederlandse historie in 't oonderwies. Mèt dat lèste standpunt kraog Van Engelshoven zie 't aon de stek mèt CDA-leier en coalitiecollega Sybrand Buma.

Extern linke

[bewirk | brón bewèrke]