Ittervoort

Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Ittervoorts, es te dit dialek sjpriks.

---

Ittervoort Gewaeze gemeinte in Nederlandj
Gevörmp	1800
Opgehaeve	1942
Opgegange in	Hunsel
Provincie	Nederlands Limbörg
Hoofplaats	Ittervoort
Opperflaakde (bie opluffing)	4,01[1] km²
– daovan water:	? km²
Inwoeners (kort veur opluffing)	315 (1930)[2]
– deechde:	761/km²
Lies van börgemeisters

De Margarethakèrk in Ittervoort.

Ittervoort is e dörp in de Nederlands-Limbörgse gemeinte Leudaal mèt oongeveer 2000 inwoeners (1950 in 2006), aon de Itterbaek, noordoostelek vaan Itter en noordwestelek vaan Toear. Besjermheilege vaan Ittervoort is Sint-Margreet; de parochiekèrk aon häör gewijd stamp oet 1935. Oonder de kern (en vaanajds de gemeinte) Ittervoort valle ouch de naobersjappe Zandjvaort (deils) en De Sjillershei.

Historie

Ittervoort laog in d'n aajdheid aon de weeg vaan Tóngere nao Nimwege. Iewelaank hoort 't bij 't Prinsbisdóm Luik. Tot 1942 waor 't 'n zelfstendege gemeinte, daonao hoort de plaots tot 2007 bij de gemeinte Hunsel.

Historische inwoenertalle

Ittervoort waor ummer 'n klein gemeinte, die neet structureel greujde. Op 't memint vaan oplufting waor in de ganse provincie allein de gemeinte Misj kleinder.

Jaor Aontal Greuj (gans Limbörg) 1830 319[3] -- 1840 330[4] +3,4% (+5,6%) 1849 236[5] -28,5% (+4,3%) 1859 260[6] +10,2% (+4,4%) 1869 269[7] +3,5% (+4,5%) 1879 249[8] -7,4% (+7,0%)

Jaor Aontal Greuj (gans Limbörg) 1889 228[9] -8,4% (+6,8%) 1899 266[10] +16,7% (+10,2%) 1909 276[11] +3,8% (+17,8%) 1920 281[12] +1,8% (+32,6%) 1930 315[2] +12,1% (+25,1%)

Opmerking

• In 1843 stoont de gemeinte Ittervoort bij 'n grenscorrectie get land aof aon de Belzje gemeinte Kaesing. Op deze groond woende in 1845 107 lui.

Greun: Gemeinte Ittervoort
Blauw: Provincie Limbörg

Heraldiek

Ittervoort droog gei waope. Wel deeg 't gemeintebestuur in 1896 'n poging e waope aon te vrage, wat ziech es volg zouw laote umsjrieve:

In e veld vaan lazuur (blauw) de H. Margaretha in e kleid vaan goud, hawwend in de linkerhand e kruiske vaan goud, mèt aongeziech en han vaan natuurleke kleur; um häöre kop 'ne gouwe nimbus, ligkend aon heur veuj 'nen draak vaan sinopel en hawwend veur ziech aon e lint vaan keel 't waope vaan 't Land vaan Toear, wat vaan keel (roed) is belaoje mèt e drietoreg kestiel vaan zèlver, geëupend vaan 't veld (dus mèt roej vinstere en poorte), ederen tore getop door e windveendel vaan goud.

D'n Hoege Raod vaan Adel góng akkoord mèt de eleminte meh zaog 't sjèld liever gedeild. Op dat antwoord heet de gemeinteraod neet mie gereageerd, zoetot 't waope noets is aongevraag.^[13]

Volkscultuur

Es ein vaan de wienege Nederlands-Limbörgse plaotse heet Ittervoort 'ne vastelaovendsnaom, en wel Puinesjödderslandj. Puinesjödders is de bijnaom vaan de Ittervoorters, meh ouch de naom vaan de plaotseleke vastelaovesvereineging.

Rifferenties

1. Ittervoort in de Nederlandse Gemeinteatlas vaan 1865-70
2. Volkstèlling 1930 - Plaotseleke indeiling
3. Volkstèlling 1830
4. Volkstèlling 1840 - Limbörg
5. Volkstèlling 1849 - Hertogdóm Limbörg: gemeintesgewijs indeiling vaan de provincie
6. Volkstèlling 1859 - Plaotseleke indeiling
7. Volkstèlling 1869 - Feiteleke of getèlde bevolking in eder gemeinte vaan 't riek
8. Volkstèlling 1879 - Limbörg: plaotseleke indeiling
9. Volkstèlling 1889 - Limbörg
10. Volkstèlling 1899 - Limbörg
11. Volkstèlling 1909 - Plaotseleke indeiling
12. Volkstèlling 1920 - Plaotseleke indeiling
13. Heraldrywiki - Ittervoort

Gemeinte Leudaal
Dörper: Baoksem · Bögkeme · Èl · Gratem · Haalder · Hale · Häör · De Heibloom · Heitse · Hunsel · Itter · Ittervoort · Kelpe-Oler · Naer · Nunem · Rogkel
Buurtsjappe en gehuchte: Ane Berg · Achter 't Kloeëster · As · Asbrook · De Baekkantj · Berik · Blenkert · Brook · Brumholt · Caluna · Castert · Drees · Eilandj · Eind · Èllerhei · Eksate · Euverhale · Gendiek · Geneige · Gerhègke · Hales Brook · Hansem · Hei · D'n Heiakker · Heioord · Heugde · D'n Hork · Hoeëgstraot · Hook · Hollander · 't Inj · In 't Vin · Kappert · Karreveld · Kelpe · Kinkhaove · De Laak · De Maksèt · Moosterstraot · Mortel · Nijke · Öffelse · Oler · Op de Bós · Ophaove · Rolig · Santfort · Sjans (Èl) · Sjans (Rogkel) · Sjaopsbrögk · Sjillershei · Smeedstraot · Sjtrubbe · Vlaas · Waje · Wienerte

Commons

In de categorie Ittervoort van Wikimedia Commons zeen media gerelateerd aan dit óngerwerp te vènje