Rimburg

Dit artikel is gesjreve (of begós) in 't Brókkelzer. Laes hie wie v'r mit de versjillende saorte Limburgs ómgaon.

Lintbeboewing aan d'r Rinkberg in Rimburg
De ligking van Rimburg in de geminde Landgraaf.
Rimburg i 1866.
Kastieël Rimburg op 't Duutsj

Rimburg of Brókkelze is ee dörp in de geminde Landgraaf in Zuud-Limburg. De bewoeënere zant óch Renkberg en Brokkelze (Broekhuizen). 't Owwe Rimburg, an de noordzie rónk 't kastieël en 't owwe Brokkelze (zómpig brookland) an de zuudzie, vormete same de geminde Rimburg. Bis 1887 woar dat ing zelfsjtendige geminde. Doanoa koam 't ónger Ubach over Worms. Rimburg likt an d'r grensrivier de Wórm. D'r naam Rimburg is aafgeleid van ee kastieël (burcht) in d'r vorm van inne rink. In 2003 woeëne d'r 850 lu. 't Dörpke is ee besjermd dörpsgezich. 't Plat wat ze hej kalle weeët Brokkelzer plat genumd.

't Dörp besjleet 151 hektaar, woeëva 3 hektaar water.

Ee deel va Rimburg likt óch in Übach-Palenberg.

Kerne

[bewirk | brón bewèrke]
  • Rimburg
  • Brokkelze (Broekhuizen: 't zujelik deil van Rimburg)
  • Achter de Häöf (Op de Hoven)

Gesjiechte

[bewirk | brón bewèrke]

Rimburg likt langs d'r Romeinse weg va Boulogne-sur-Mer, uver Tóngere, Mestreech, Heële noa Kölle (Wirknaam: Via Belgica). Woa de Romeine de Wórm uéversjtoke, loog ing handelsnederzettting, en bej d'r Overste Hof loog ing Romeinse villa. Bis 1775 woar Rimburg ing heerlikheed mit sjieëpebank. In 1816 koam 't dörp bej Nederland. 't Kastieël, an de anger zie van de Wórm, likt dan op 't Duutsj. In d'r Twieëde Weltkrig is rònk 't kastieël zjwoar gevochte. D'r uëversjteëk van de geallieerde uëver de Wórm sloag een geveulig loak in d'r Duutsje West Wall. Rimburg woar drej weëke niemandsland en is pas op 22 oktober 1944 bevrejd.

Kiekesweeëd

  • Versjijje ouw höäf en hoezer (o.m. vakwerk en mergel)langs de ouw heerbaan(in lintbebowwing)
  • De baksjteekirk van de Hillige Drejvuldigheed oet 1726. D'r sjtiel woeët bej latere verbowwinge neo-romaans. In 1833 woeët 't de parochiekirk.
  • Neogotische Mariakapel (óch Warderkapel genumd).
  • Kapelke van St. Joep (in 1951 midde in d'r busj gebowd durch de Brokkelzer ód-soldate oet dankbaarheed vuur 't gezónk truukkome oet d'r krig). Kót d'r bej likt d'r Dikke Stjee
  • 't Kastieël ( Schloss Rimburg) likt op 't Duutsj. Óch ing watermuële an de Wórm huët bej 't complex.
  • D watertoeëre.
  • 't Dórpstrefpunt mit Bakkes. Op initiatie van d'r Dópsroad in 2010 durch eege lu gebowd mit subsidie van 't OranjeFonds en Provincie Limburg.
  • Op de grens bej de Wórmbruk likt ee vredesmonument (van Pax Christie) mit ing teks in 8 sjpröak: Weet, die u de haat leert, zal u niet verlossen.

Dórpsvereine

[bewirk | brón bewèrke]

Fanfare Victoria, Vasteloavendsverein de Wespelle. Gezankverein Eendracht, Voetbal verein VVR Vusjverein Zuid-Oosthoek, Verein Vrung van 't kapelke van St.Joep, Belangeverein Rimburg mit Dórpsroad. IVN Ubach over Worms KAV, Senioresoos, Sjtichtig 't Bakkes, Kingercloep De Rimwormpjes, vrowluuts trimclub, senioregymkloep, kegelkloeps.

[bewirk | brón bewèrke]

http://www.rimburg.nl

 
Gemeinte Lankgraaf		 Vaan van Lankgraaf
Dörper: D'r Busj · 't Iksjke · D'r Kakert · 't Lauradörp · Nuiehage · Rimburg · D'r Sjeet of Sjaasberg · Ubach uever Worms · Waobig
Buurtsjappe, gehuchte en wieke: Aan de Baan · Achter de Häöf · Achter den Winkel · Achter Haesen · Boesberg · Bösjhei · Broensemerhei · Brókkelze · D'r Dormig · Exdel · Gravenrode · Grunsjtroat · G'n Hei · Heigank · Heisjtroat · Heiveld · Hoeëpel · Hoofvelde · D'r Kakert · Klinkerkwarteer · D'r Lichtemich · Lieënhof · Mienbuurt · Namiddagsche Driessen · Bovens Nuijenhage · Ónders Nuijenhage · Op de Häöf · Op de Kamp · Ouw Hei · Palemig · Parkhei · Ravetsmaar · An d'r Sjlaagboom · De Sjtreep · Sjtriethage · In 't Veld · Voort