A Gêxa de San Zòrzo di Zenéixi a l'é 'na gêxa antîga de Napoli.
A gêxa baròcca de San Zòrzo di Zenéixi a l'é stæta costruîa into 1587, co-o seu uspiâ, arente a-o tiatro "Comédia Vêgia". Into 1620 a gêxa a l'é stæta nêuvaménte costruîa e ampliâ in sce 'n progètto de l'architetto romàn Bartolomeo Picchiatti.
A costruçión, precedûa da unn-a scainâ, a-o seu intèrno a l'é a crôxe latinn-a e ospita unn-a statua de màrmo do Sant'Aostin e, sovra l'artâ magiô, o dipìnto San Zorzo amàsa o drâgo do Dria da Salerno. No ghe arestâ nisciùnn-a òpera do Domenico Fiasella, do Jacopo Cestaro e do Francesco De Mura, trasferîæ inta gêxa da Pietà di Turchini.
A gêxa, sconsacrâ, a l'é stæta concèssa in comodâto da-a Cûria a l'Universcitæ Parthenope: chi ghe tegnan leçioìn, convêgni, móstre e lòuree. Atoalménte a gêxa a l'é serâ e into degràddo.