Rocca Barbena

AR
 Sta pagina chi a l'è scrita in arbenganese, inta varietài castreveglina
Rocca Barbena
A Rocca Barbena vìsta daa Cascìna d'Agliu (frasiùn de Castrevegliu)
StâtoItàlia Itàlia
Región Liguria
Provìnsa Sann-a
Comùn Castrevegliu
Altéssa1 142[1] m s.l.m.
Prominénsa328 m
Izoaménto3,64 km
Cadénn-aPrearpe Ligü(r)i
Cordinæ44°09′26.96″N 8°07′52.64″E
Màppa de localizaçión
Màppa de localizaçión: Liguria
Rocca Barbena
Rocca Barbena
Dæti SOIUSA
Grànde PàrteÀrpe de punènte
Grànde setôÀrpe de Sud-occidénte
SeçiónÀrpe Ligü(r)i
SotoseçiónPre-àrpe Ligü(r)i
SupergrùppoCatena Settepàn-Carmu-Armetta
GrùppoGrùppu du Munte Carmu
SotogrùppoCòsta du munte Carmu
CòdiceI/A-1.I-A.2.a

A Rocca Barbena (1.142 m s.l.m., dìccia numma A Rocca ascì, A Rocca (Barbéina) in bardenòllu) a l'è ina muntagna de Pre-àrpe Ligüri ch'a se tröva in Pruvinsa de Savuna, inte l'entrutèra de Arbenga. A ròcca a l'è du tüttu in tu teritoriu da cumüna de Castrevegliu.

Descrisiùn

[modìfica | modìfica wikitèsto]
A Ròcca Barbena dae Cà du Scravagliùn

A còlla a se tröva in sa cadêna arpìna prinsipâle e u suvrasta da settentrìun a cumüna de Castrevegliu, ch'a g'ha pigliàu u numme in italiàn (Castelvecchio di Rocca Barbena). U versànte nord u se fàccia in sa gròssa cunca de Bardenéi. Versu nord-ovest a còlla du Scravagliùn (814 m) a sepâra dau Munte Lingu (1103 m), a est u incuntra u spartiàiva padàn ligüre che u cuntìnnua cun a còlla Giànca (935 m), u munte Subancu (983 m) e u Zuvu de Tuiran.[2]

In mòddu diferénte dai âtri munti da vâ du Néva a sìmma da Rocca a l'è frastagliâ e ruciûza, prinsipalménte in sce u versante nord.[3]

Aministrativaménte u munte u l'è parte de Castrevegliu, mentre a livellu de riàn u se tröva fra e valàe du Neva e da Burgna de Miléximu.[4]

In sa sìmma u se pò vegghe in gràn panuràmma, chi a se ìssa ascì ina crùxe, che ai péi u se ghe tröva u lìbbru da vétta, cun in cuntenitû de tòlla pé a sò prutesiùn.

Rivàndu aa sìmma

[modìfica | modìfica wikitèsto]

U se pò muntâ in s sìmma da Rocca pé a série de senté ch'i pàrten da a còlla du Scravagliùn, ch'i l'han ina scâra de dificultài E, cun di tràtti esposti. Se nu u se pò seguî chellu da Còlla Giànca.[5]

Tütti e dùi i percursi i sun tucài da l'Âta vìa di munti Ligüri, ch'a pàssa de pôcu a nòrd da vétta, aa bàze da sìmma, ch'a se mustra versu a Burgna.[6]

Prutesiùn natürâle

[modìfica | modìfica wikitèsto]

A Rocca Barbena a furma ina zôna prutètta pruvinsâle, istituìa da a Pruvinsa de Savuna, pé tütelà e carateristiche ambientâli e du paesàggiu, cun e particulari furme de eruxùn carscica.[7]

A zona a càzze ducca dréntu au SIC du Munte Ravinét e da Rocca Barbena (cudificâ cumme IT 1324011).[8]

Galerìa futugafica

[modìfica | modìfica wikitèsto]
  • Vista du versante setentriunâle
    Vista du versante setentriunâle
  • Vista du versante meridiunâle
    Vista du versante meridiunâle
  • A Ròcca Barbena dau Scravagliùn, cun u stradun pe' Carissàn
    A Ròcca Barbena dau Scravagliùn, cun u stradun pe' Carissàn
  • Ün di sperùi ruciùsi da còlla
    Ün di sperùi ruciùsi da còlla
  • A crûxe in sa sìmma e, intu sfundu, u Munte Carmu de Löa
    A crûxe in sa sìmma e, intu sfundu, u Munte Carmu de Löa

Nòtte

[modìfica | modìfica wikitèsto]
  1. ↑ Carta IGM scala 1:25000, Istituto Geografico Militare. URL consultòu o 31 màrso 2017 (archiviòu da l'url òriginâle o 1º zùgno 2017).
  2. ↑ Carta turistica ed escursionistica - Provincia di Savona in scà(r)a 1:50.000; ed. Pruvinsa de Savuna
  3. ↑ (IT) Riccardo Carnovalini e Cristina Carnovalini, Le alpi a piedi, Edizioni Mediterranee, 1988, p. 44, ISBN 88-27-20426-1.
  4. ↑ (IT) Carta tecnica regionale su Limiti Amministrativi (Comunali, Provinciali, Regionali) sc. 1:25000, Regione Liguria, 2011. URL consultòu o 30 màrso 2017.
  5. ↑ (IT) utente andrea72, Barbena (Rocca) dal Colle Scravaion, in sce gulliver.it, 4 òtôbre 2010. URL consultòu o 30 màrso 2017.
  6. ↑ (IT) CAI - Liguria, Alta Via dei Monti Liguri - Tappa n. 12, in sce cailiguria.it. URL consultòu o 30 màrso 2017.
  7. ↑ (IT) AA.VV., Alta via dei monti liguri - Il Savonese: parchi e aree protette, Galata Edizioni, 2016, p. 76, ISBN 88-95-36943-2.
  8. ↑ (IT) Francesca Magillo e Rosella Milano, Natura in verticale (PDF), Pruvinsa de Savuna, pp. 12-13. URL consultòu o 31 màrso 2017 (archiviòu da l'url òriginâle o 1º arvî 2017).

Cartugrafìa

[modìfica | modìfica wikitèsto]
  • Cartugrafìa ufisiâle italiana de l'Istituto Geografico Militare (IGM) in scara 1:25.000 e 1:100.000, vixitàbile in sa réa
  • Carta di senté e di rifugi scàra 1:50.000 n. 15 Arbenga, Aràsce, Savùna, Istituto Geografico Centrale - Turìn

Âtri prugétti

[modìfica | modìfica wikitèsto]