Saslong
| Articul per Ladin Gherdëina | 
|
La Saslong ie n purtoi dai schi te Gherdëina te Südtirol. Si inuem vën dal crëp Saslonch. Cunesciù ie l purtoi dantaldut per la garejedes de schi de copa dl mond che vën tenides uni ann de dezëmber, ulache l vën normalmënter fata na garejeda de Super-G y na garejeda libra.
L purtoi scumencia sainsom de la mont de Ciampinëi a 2.249m de autëza y fina japé te la valeda a 1.410m de autëza, te la frazion de Ruacia dl chemun de Sëlva, purtan nsci n dislivel de 839 metri sun na distanza de 3.446 metri.
Te la rujeneda da uni di adrovun l articul feminin "la Saslong", ajache n fej referimënt ala parola "la pista".