Amarètt de Sarònn

Lumbard ucidental Quest articol chì l'è scrivuu in lombard, grafia milanesa.
Confezion tìpich de amarètt

I Amarètt de Sarònn hinn on tipo de biscòtt amarètt dur o sècch che i sò ùnegh ùnegh ingrediént hinn el zuccher, i armelìnn e l’ ciar d’eouv. A hinn originari de la città de Sarònn e vegnen prodòtt de l D. Lazzaroni & C., azienda de bonbón che la gh’hà anmò adèss el boll registraa "Amarètt de Sarònn", ancabén el vegna de spèss doperàa per indicàa in manera generica on quajsevoeur tipo de amarètt dur.

Storia e tradizion[1][2]

[Modifega | modifica 'l sorgent]

Second la leggenda raportata anca de la ditta Lazzaroni medèsima, in del 1718 el cardinál Benedetto Erba Odescalchi, arcivèscov de l’Milano, l’hà decidùu de fagh vìsita al santuari de la Beata Vergin di Miracoi de Sarònn. In onór de la sua visita ona cobbia giovina la preparàa on impást fàa su de zùccher, armelìnn e ciàr d’oeuv che, lassà a levà in del forno, l’hà originàa di biscòtt redónd ch'hinn stàa ciamàa Amarètt. De là de la leggenda l’è stada la famiglia Lazzaroni, che la s’era trasferida de Tej a Sarònn al prenzippi del settcent a fàss portabandéra de sta specialità chì de bonbón, a l’inviada in del pìccol lavoreri de la famiglia, e poeu a livèll industriál grazie a la fondazión de la D. Lazzaroni & C. in del 1888.

Curiosità e riferiment culturaj

[Modifega | modifica 'l sorgent]
  • I biscòtt hinn famós per el sò scartòzz, fàa de carta velina che, se la ven rotolada su, missa in pée ind on piattìn e incendiada cont on accendìn, la se mètt adrée a sgorattà adasi adasi vèrs l’alt [3]; a gh’è chi che 'l se divertìss a esprìmm on desideri che ‘l diventarìss vèr qualora che la carta la se mettèss adrée a sgorattà.
  • In del 2010 ona tòlla de Amarètt de Sarònn la va in scèna in del film fantasy l'Harry Potter e i Dón de la Mòrt - Part 1[4].

Riferiment

[Modifega | modifica 'l sorgent]
  1. ↑ Amaretti, croccante bontà da Saronno al cinema. URL consultad in data July 18, 2017.
  2. ↑ Amparo Machado, Chiara Prete, 1001 specialità della cucina italiana da provare almeno una volta nella vita (in it), Newton Compton Editori, 2015. 88-541-8648-1
  3. ↑ Gillian Riley, The Oxford Companion to Italian Food, New York, Oxford University Press, 2007, pp. 13-14. 978-0-19-860617-8
  4. ↑ Gli "Amaretti di Saronno" piacciono a Harry Potter. Varese News, 1º dicembre 2010. URL consultad in data 08/10/2018.