Gir de la Padania
|
|
Chest artícol a l'è scricc in Lumbàrt, ortograféa orientàl unificàda. |
Ol Gir de la Padania l'è öna córsa de bici de lièl internasiunàl per coridùr profesiunìscc inserìt in del calendare de gàre de l’UCI Europe Tour 2011, organizàt da l’UCI, l'Üniù ciclìstega 'nternasiunàl. L'è öna gàra a tàpe, de categoréa UCI 2.1, che la se tè ‘n del mis de setèmber, dal 6 al 10.
I organisadùr
[Modifega | modifica 'l sorgent]Ol Gir de la Padania l'è organizàt da la Sociasiù Sportìa per diletàncc Monviso - Venezia insèma a la Società de Bici Alfredo Binda, che töcc i agn la cüra i Tre Valli Varesine e l’à promüìt ol Campiunàt del Mónt de bici del 2008 a Varés.
Ol percórs
[Modifega | modifica 'l sorgent]- 1) Paisan-a (CN) – L’Aigheuja (SV), ensìda dal Sacha Modolo de la Colnago-CSF.
- 2) Löa (SV) – Avgévan (PV), ensìda dal Elia Viviani de la Liquigas-Cannondale.
- 3) Lonaa Pozzoeu (VA) – Säls (PR), ensìda dal Sacha Modolo de la Colnago-CSF.
- 4) Nozèi (PR) – San Valentì de Brentonech (TN), ensìda dal Ivan Basso de la Liquigas-Cannondale.
- 5) Roveredo (TN) – Montecio Majore (VI), ensìda dal Andrea Guardini de la Farnese Neri.
La gradüatòria finàl
[Modifega | modifica 'l sorgent]Ol Gir de Padania 2011 l'è stacc venzìt dal Ivan Basso a 52 segóncc ol Giovanni Visconti, tèrs a ü menüt e 8 segóncc ol Francesco Masciarelli.
- Ivan Basso (Liquigas-Cannondale)
- Giovanni Visconti (Farnese-Neri) a 52"
- Francesco Masciarelli (Astana) a 1'08"
- Fortunato Baliani (D'Angelo&Antenucci) a 1'17"
- Davide Rebellin (Miche-Guerciotti) a 1'24"
- Emanuele Sella (Androni-CIPI) a 1'32"
- Simone Stortoni (Colnago-CSF) a 2'34"
- Domenico Pozzovivo (Colnago-CSF) a 2'53"
- Marek Rutkiewicz (Nazionale Polacca) a 2'57"
- Riccardo Chiarini (Androni-CIPI) a 3'08"
I squàdre
[Modifega | modifica 'l sorgent]Al vìa i s'è prezentàde 25 isquàdre de 8 coridùr ognöna per ü totàl de 200 coridùr; tra i 25 squàdre gh'è ach trè formasiù nasiunài, chèle de l'Australia, de la Polonia e de la Slovenia. I squàdre che i partècipa i è:
- Acqua & Sapone Caffè Mokambo
- Amore & Vita
- Androni Giocattoli Cipi
- Astana
- Cajasur
- Christina Watches
- Colnago Csf
- D'Angelo & Antenucci Nippo
- De Rosa Flaminia
- Farnese Vini Neri Sottoli
- Itera Katusha
- Lampre ISD
- Landbouwkrediet
- Liquigas Cannondale
- Meridiana Kamen
- Ora Hotels – Carrera
- Vc La Pomme Marseille
- Miche
- Saur Sojasun
- UnitedHealthCare
- Voralberg
- Wit
- Nasiunàl aüstraliana
- Nasiunàl polàca
- Nasiunàl Sloéna
Ol sito üficiàl
[Modifega | modifica 'l sorgent]Contestasiù
[Modifega | modifica 'l sorgent]La córsa zamò dal prim dé l'à dözìt fà i cöncc con di contestadùr polìtech, sùra de töcc militàncc de Rifondasiù Comünista e di sindacàcc. Ol prim dé ol segretàre de Rifondasiù Comünista, Paolo Ferrero l’s’è bötàt zó 'n mès a la stràda denàcc a i coridùr per fermà la gàra.
Ol segónt dé i coridùr i à ciapàt sö di bòte sèmper da manifestàncc de Rifondasiù Comünista, papìne e pò ach ü pögn e 'n di dizùrdegn ü polisiòt l'è stacc investìt.
Ol tèrs dé amò constestasiù, amò di manifestàncc i à sircàt de fermà la gàra e i s'è picàcc co i polisiòcc, fò sùra 'l sìndech de Piacènsa l’à mìa dacc ol permès de fà pasà 'l Gir de la Padania per la sò sità.
I contestadùr i protèsta perchè i dis che 'l Gir de la Padania l'è öna manifestasiù de propagànda de la Lega Nord e mia öna gàra de bìci.